| e-texts navigator |
| Wylie |
301b1 ཀྱི་ལས་ཤིན་དུ་བསྲུང་བར་གྱུར་ཏོ། ། བཅོམ་ལྡན་འདས་ཀྱིས་གསུངས་པ་ལ་འཁོར་མང་པོ་རྗེས་སུ་ཡི་རང་ནས་མངོན་པར་དགའོ།། སྲིན་བུ་རྒྱུ་བསྟན་པའི་ལེའུ་སྟེ་ལྔ་བཅུ་པའོ།།
301b2 དགེ་སྦྱོང་ཀུན་ཏེ་ཞེས་བྱ་བའི་ལེའུ། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཚེ་དང་ལྡན་པ་ཤཱ་རིའི་བུ་ཉིན་མཚན
301b3 དུས་གསམ་དུ་ལྷའི་མིག་གིས་སེམས་ཅན་གང་ལ་འདུལ་བའི་སྐལ་བ་ཡོད་པ་རྟོག་སྟེ། འདུལ་བར་རིག་པ་ཡོད་པ་ན་དེར་འགྲོའོ།། དུས་གཞན་ཞིག་ན་ཚོད་པ་དག་ཅིག་ཡུལ་གཞན་དུ་ཚོང་བ་འདོད་པས། ཁྱི་ཅིག་ཁྲིད་དེ།། ལམ་དུ་ཁྱི་དེས་ཆོད
301b4 བཞིག་གི་ཤ་བ་རྐུས་པ་དང་ཚོང་པ་དེ་ཁྲོས་པས་ཁྱིའི་རྐང་པ་བཅག་ནས་འབྲོག་སྟོང་བར་པོར་ཏེ་སོང་ངོ་། ། དེ་ནས་ཤཱ་རིའི་བུས་ལྷའི་མིག་གིས་བརྟགས་ན།། ཁྱི་ལྟོགས་པར་མཐོང་ནས་ཆོས་གོས་གྱོན་ལྷུང་བཟེད་ཕོགས་ཏེ་བསོད་སྙོམས་བླངས
301b5 ནས་དེ། མ་ཐག་ཏུ་ནམ་མཁའ་ལ་འབུར་ཏེ་ཁྱིའི་གན་དུ་སོང་ནས། བྱམས་ཤིང་སྙིང་བརྩེ་བའི་སེམས་བསྐྱེད་དེ། ཁ་ཟས་ཀྱིས་ཀྱི་དེ་ལ་བསྟོད་དོ།། ཁྱི་དེས་ཁ་ཟས་ཟོས་ནས་ལྷག་པར་དགའ་སྟེ། ཤཱ་རིའི་བུས་ཁྱི་དེ་ལ་དམ་པའི་ཆོས
301b6 བསྟན་ནས་ཁྱི་དེ་ཡང་ཚེ་འཕོས་ཏེ། མཉན་དུ་ཡོད་པར་བྲམ་ཟེ་ཞིག་གི་བུར་སྐྱེས་སོ།། དུས་གཞན་ཞིག་ན་ཤཱ་རིའི་བུས་གཅིག་པུ་བསོད་སྙོམས་ལ་སོང་སྟེ། བྲམ་ཟེ་དེའི་སྒོར་ཕྱིན་པ་དང་བྲམ་ཟེ་དེས་ཤཱ་རིའི་བུ་ལ་ཅིའི་ཕྱིར་གཅིག
301b7 བུ་འགྲོ་བར་བྱེད། ། དགེ་ཚུལ་ཡང་མེད་དམ་ཞེས་སྨྲས་པ་དང་།། ཤཱ་རིའི་བུས་སྨྲས་པ། བདག་ལ་དགེ་ཚུལ་མེད་པས་གཅིག་པུ་འགྲོ་བ་ཡིན་ནོ།། ཁྱོད་ལ་བུ་གཅིག་ཡོད་ཅེ་ན་བདག་ལ་སྦྱིན་དུ་རུང་ངམ་མི་རུང་ཞེས་སྨྲས་སོ།།
301b8 བྲམ་ཟེས་སྨྲས་པ།། བདག་ལ་གྱུན་ཏེ་ཞེས་བྱ་བ་ཞིག་ཡོད་དེ། ད་དུང་ནི་གཞོན་ནུ་ཆུད་པས་ཅི་ཡང་མི་རུང་གིས་ནམ་སྐྱེས་པ་ན་སྦྱིན་ནོ་ཞེས་སྨྲས་སོ།། ཤཱ་རིའི་བུས་དེ་སྐད་ཅེས་སྨྲས་པ་ཐོས་ནས་ཡིད་ལ་བཟུང་སྟེ།
iiif viewer powered by OpenSeadragon
