| e-texts navigator |
| Wylie |
133b1 བར་ཡོངས་སུ་བཏང་སྟེ། མྱ་ངན་ལས་འདས་པར་དགོངས། གཞན་ཡང་བཅོམ་ལྡན་འདས་སྔོན་འདས་པའི་དུས་ན། འདམ་བུ་གླིང་འདང་རྒྱལ་བ་ཅན་པ་བྱ་ལང་གང་ལ་ཞེས་བགྱི་བར་གྱུར་པ་ན། རྒྱལ་ཕྲན་རྣམས་ལ་དང
133b2 བགྱིད་དེ། གྲོང་ཁྱེར་ནི་བརྒྱད་ཁྲི་བཞི་སྟོང་དང་ལྡན།། བཙུན་མོ་དང་ཕོ་བྲང་སླས་ནི་སྟོང་ཕྲག་ཉི་ཤུ་མདའ་སྟེ། རྒྱལ་ཚབ་དང་རྒྱལ་བུ་ནི་ལྔ་བརྒྱ་སྙེད་དོ།། བློན་པོ་ཆེན་པོ་ནི་སྟོང་ཕྲག་བཅུ་མངའ་འོ།། རྒྱལ་པོ་དེ་སྙིང་རྗེ་དང
133b3 ལྡན་པས་འབངས་ཐམས་ཅད་ལ་བུ་ཅིག་པ་དང་འདྲ་བར་དགོངས་སོ། ། དེའི་ཚེ་རྒྱལ་པོ་ཆེན་པོ་དེ་དམ་པའི་ཆོས་ལ་མོས་ཤིང་དགའ་བས། བློན་པོ་གཅིག་ལ་བསྒོ་ནས། འདི་སྐད་ཅེས་བཀར་བཏགས་སོ།། གང་སུ་ཡང
133b4 རུང་བ་ལ་མདོ་སྡེའམ་དམ་པའི་ཆོས་ཡོད་པ་བདག་ལ་བསྟན་པར་གྱུར་ན། ཅི་དང་ཅི་འདོད་པ་ཡིད་བཞིན་དུ་སྦྱིན་ནོ་ཞེས་བསྒོའོ།། དེ་ནས་བྲམ་ཟེ་ཁྱེའུ་རུ་ཙ་ཞེས་བགྱི་བ། ཕོ་བྲང་གི་སྒོར་འོངས་ནས་འདི་སྐད་ཅེས་སྨྲས
133b5 སོ། ། བདག་ལ་དམ་པའི་ཆོས་ཡོད་དེ། གང་ཐོས་པར་འདོད་པ་ལ་བསྟན་པར་བྱའོ་ཞེས་སྨྲས་པ། རྒྱལ་པོས་ཐོས་ནས་རབ་ཏུ་དགའ་མགུ་རངས་སྟེ། ཕྱི་རོལ་དུ་བསུས་ནས་རྐང་པ་ལ་ཕྱག་འཚལ་ཏེ་ཚིག་སྙན་པ་སྨྲས་ནས
133b6 ཕོ་བྲང་གི་ནང་དུ་ཁྲིད་དེ། སྟན་པ་ཤམས་པ་ལ་བཞག་སྟེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ།། སྟོན་པ་ཆེན་པོ་དེང་བདག་ལ། དམ་པའི་ཆོས་བསྟན་ཏུ་གསོལ། བྲམ་ཟེས་སྨྲས་པ། བདག་གིས་ཀུན་དུ་སྡུག
133b7 བསྔལ་བ་སྣ་ཚོགས་མྱོང་ནས། ཡུན་རིང་མོ་ཞིག་ལོན་ཏོ།། གདོང་ལོབས་པས། རྒྱལ་པོ་ཆེན་པོ་ཐོས་པར་འདོད་ན། འདི་ཙམ་གྱིས་ཆོག་པ་མ་ཡིན་ནོ།། རྒྱལ་པོས་ཐལ་མོ་སྦྱར་ཏེ། ཅི་དང་ཅི་དགོས་པ་སྨོས་ཤིག་དང
133b8 སྟོན་པ་ཁྱོད་ལ་མི་ཕངས་པར་ཐམས་ཅད་དབུལ་ལོ། ། བྲམ་ཟེས་སྨྲས་པ། གལ་ཏེ་ཁྱོད་ཀྱིས་ལུས་ལས་ལྕགས་གཟེར་སྟོང་གིས་བཏབ་ན། ཁྱོད་ལ་ཆོས་སྦྱིན་ནོ་ཞེས་སྨྲས་པ་དང་རྒྱལ་པོས་དེ་བཞིན་དུ་བགྱིའོ།།
iiif viewer powered by OpenSeadragon
