| e-texts navigator |
| Wylie |
132b1 ཏེ་འཇམ་བུ་གླིང་ཐམས་ཅད་དུ་འདི་སྐད་ཅེས་བསྒོའོ། ། རྒྱལ་པོ་གན་ཤིན་པ་ལི་ང་སྟེ་ཞག་བདུན་ན་ཆས་ཀྱི་ཕྱིར་ལུས་ཀྱི་ཤ་ཕུག་ནས་མར་མེ་སྟོང་འཛུགས་སོ་ཞེས་རྒྱལ་ཕྲན་དང་མ་ཐམས་ཅད་ལ་བསྒྲའོ། དེ་དག་གིས
132b2 དེ་སྐད་བསྒོ་བ་ཐོས་ནས། སོ་སོ་ནས་མྱ་ངན་གྱིས་ཡིད་གདུངས་ཏེ། རྒྱལ་པོ་གང་ན་བར་ལྷགས་ནས་ཕྱག་བྱས་ཏེ། ཐམས་ཅད་ཀྱིས་འདི་སྐད་ཅེས་སྨྲས་སོ།། འཇིག་རྟེན་འདི་ན་ཅི་ཙམ་འཚོ་བའི་སྲོག་དང་བཅས་པ་ཐམས
132b3 ཅང་ཁྱེད་ལ་བརྟེན་པ་ནི། ལོང་བ་དམིགས་བུ་ལ་བརྟེན་པའམ་བུ་ཆུང་ངུ་མ་ལ་བརྟེན་པ་དང་འདྲན། རྒྱལ་པོ་མི་བཞུགས་པའི་སླད་དུན། གང་ལ་སྐྱབས་སུ་མཆེ་བར་བགྱི། གལ་ཏེ་སྐུལ་མར་མེ་སྟོང་བཙུགས་པ་ན། གདོན་མི
132b4 ཟ་བར་འཚོ་བ་དང་བྲལ་ན། ཅིའི་སླད་དུ་བྲམ་ཟེ་གཅིག་ཙམ་གྱི་སླད་དུ་འཇིག་རྟེན་འདིའི་སེམས་ཅན་ཡོངས་སུ་གཏོང་བར་དགོངས། དེའི་ཚ་ན་བཙུན་མོ་དང་སྲས་དང་རྒྱལ་ཚབ་དང་སྲས་ལྔ་བརྒྱ་དང་བློན་པོ་སྟོང་ཕྲག་བཅུ་སྙེད་ཀྱིས་ཐལ
132b5 མོ་སྦྱར་ཏེ་གསོལ་བ་བཏབ་ཀྱང་རྒྱལ་པོ་ཡིད་དམལ་བརྟན་པས་མ་ཟློགས་ཏེ། ནམ་མངོན་པར་སངས་རྒྱས་པ་ན། ཁྱེད་རྣམས་གདོན་མི་ཟ་བར་བསྒྲལ་ལོ་ཞེས་སྨྲས་པ་དང་དེའི་ཚེ་ན་སྐྱེ་བོ་མང་པོས་རྒྱལ་པོ་དེ་ཡིད་དམལ་བརྟན་པ
132b6 དེ་དག་གིས་རྟོགས་ནས་རབ་ཏུ་མི་དགའ་སྟེ། ཆོངས་བཏབ་ནས་ས་ལ་འགྱེལ་ཏོ།། རྒྱལ་པོ་དེའི་བསམ་པ་མ་གྱུར་ཏེ། བྲམ་ཟེ་ལ་འདི་སྐད་ཅེས་སྨྲས་སོ།། དེའི་ལུས་ལ་མེར་མེ་སྟོད་བཙུགས་པའི་དུས་ལ་བབ་གྱིས། ཕུག་ཤིག་ཅེས
132b7 བསྒོ་བ་དང་དེས་རྒྱལ་པོའི་ལུས་ཕུག་ནས་མང་མེ་གི་སྙིང་པོ་སྣམ་གྱིས་སྐུས་པ་དང་འཁོར་མང་པོས་དེ་ལྟར་གྱུར་པ་མཐོང་ནས། རི་འགྱེལ་པ་བཞིན་དུ་ལུས་ས་ལ་བརྡབས་སོ།། དེ་ནས་རྒྱལ་པོས་བྲམ་ཟེ་ལ་སྟོན་པ་ཆེན་པོ
132b8 ཐུགས་རྗེ་བར་དགོངས་ཏེ། སྔར་བདག་ལ་ཆོས་བསྟན་ནས་དེའི་འོག་ཏུ་མར་མེ་ཚུགས་ཤིག། གལ་ཏེ་ཚེའི་དུས་བྱས་ན་ཆོས་ཐོས་པར་མི་འགྱུར་རོ་ཞེས་སྨྲས་པ་དང་བྲམ་ཟེས་ཚིགས་སུ་བཅད་པ་འདི་སྨྲས་སོ།། རྟག་པ
iiif viewer powered by OpenSeadragon
