| e-texts navigator |
| Wylie |
279a1 བར། དེ་བཞིན་གཞན་རྣམས་ཀྱི་ནི་སྲོག་ཀྱང་བསྲུང་།། སྡུག་བསྔལ་མང་པོས་བསགས་པ་གཞན་གྱི་ནོར།། མ་བྱིན་དེ་ལ་ཡིད་ཀྱང་བསམ་མི་བྱ།། འཇིག་རྟེན་གྱིས་མཐོང་དགའ་དང་བྲལ་འགྱུར་ཞིང་།། གཞན
279a2 ཡང་དེ་བཞིན་ཕན་པར་གནས་པར་གྱིས། ། གཞན་གྱི་བུད་མེད་རྒྱན་གྱིས་བརྒྱན་པ་དག། མེ་ལྕེ་འབར་བ་བཞིན་དུ་ཡོངས་སྤོངས་ལ།། རང་གི་ཆུང་མ་རྙེད་པས་ཆོག་པར་བྱོས།། འདོད་རྒྱུ་དྲུག་དང་འདྲ་བ་མ་སྤྱོད་ཅིག།
279a3 རང་གི་དོན་དང་གཞན་གྱི་དོན་ཆད་དུ།། སུས་ཀྱང་ཤེས་བཞིན་བརྫུན་དག་མ་སྨྲ་བར།། གཞན་ལ་མི་གནོད་གཞན་ལ་མི་གདུང་བར།། བརྟགས་ཏེ་འཇམ་པོའི་ཚིག་གིས་སྨྲ་བར་གྱིས།། ཆད་འཐུང་བ་ལ་མངོན་པར་དགའ་བའི་མི།། །
279a4 བདག་ལ་ཕན་དང་གཞན་ལ་བདེ་མི་ནུས།། རྨོངས་དང་མདོག་ངན་བྱེད་པ་ཆད་ཡིན་ཏེ།། ཇི་ལྟར་ཧ་ལའི་དུག་བཞིན་དེ་མི་བཏུང་།། སྲོག་ཆགས་མི་གསོད་གཞན་གྱི་ནོར་མི་འཕྲོག། བརྫུན་དུ་མི་སྨྲ་ཆང་ཡང་མི་བཏུང་ཞིང་།།
279a5 གཞན་གྱི་ཆུང་མ་ཡིད་ལའང་མི་འདོད་པ།། མཐོ་རིས་གང་འདོད་ཁྱིམ་དུ་འཇུག་པ་བཞིན།། གོས་ཀང་གྱོན་པ་ཁྱིམ་པ་རྣམས་ཀྱིས་ནི།། ཁྱིམ་གནས་རྣམས་ཀྱི་བསླབ་པ་འདི་ཡིན་ཏེ།། རྒྱལ་བས་དགོང་རབ་ཏུ་བྱུང་རྣམས
279a6 ཀྱེ། བསླབ་གཞིའི་ཆོས་ནི་རབ་ཏུ་བསྟན་པ་ཡིན།། དེ་ནས་དགེ་བསྙེན་དགའ་བ་ཅན་བཅོམ་ལྡན་འདས་ལ་ཆོས་ཀྱི་རྣམ་གྲངས་འདི་ཐོས་ནས་དགའ་ཞིང་མགུལ་ཡིད་རངས་ཏེ། རབ་ཏུ་དགའ་བ་དང་བདེ་བ་དང་ཡིད་བདེ་བ
279a7 བསྐྱས་ནས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མག་བས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་ནས་རྗེས་པ
279a8 ཡིདོ་རངས་ཏེ་བཅོམ་ལྡན་འདས་ཀྱིས་སྤྱན་སྔ་ནས་སོང་ངོ་། ། བཅོམ་ལྡན་འདས་ཀྱིས་དེ་སྐད་ཅེས་བཀའ་བུལ་བ་དང་། དགེ་སློང་དེ་དག་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།།
iiif viewer powered by OpenSeadragon
