| e-texts navigator |
| Wylie |
273b1 ཡན་ལག་བརྒྱད་དང་ལྡན་བཱི་བསྙེན་གནས་ལ་གནས་པར་གྱིས་ཤིག། ཆོ་འཕྲུལ་གྱི་ཕྱོགས་ལ་ཡང་ནན་ཏན་གྱིས་བསྒྲུབས་ཤིག། ལྷ་དང་མི་རྣམས་ཀྱི་འདོད་པ་ཡང་སྤྱོད་པར་གྱིས་ཤིག། གནས་འཇོག་ཇི་ལྟར་འཕགས་པའི་ཡན་ལག
273b2 བརྒྱད་དང་ལྡན་པ་ལ་གནས་པའི་རིགས་ཀྱི་བུ་འམ་རིགས་ཀྱི་བུ་མོ་དད་པ་དང་ལྡན་པ་དེའི་བསོད་ནམས་འདི་ཙམ་མོ་ཞེས་བསོད་ནམས་སམ། བསོད་ནམས་ཀྱི་འབྲས་བུ་འམ། བསོད་ནམས་ཀྱི་འབྲས་བུ་རྣམ་པར་སྨིན་པའི་ཚད་གཟུང
273b3 བར་མི་ནུས་ཏེ་འོན་ཀྱང་བསོད་ནམས་ཀྱི་ཕུང་པོ་མང་ངོ་ཞེས་བྱ་བའི་གྲངས་སུ་བགྲོའོ། ། གནས་འཇོག་དཔེར་ན་ཆུ་བོ་ཆེན་པོ་ལྔ་པོ་གཅིག་ཏུ་གཞོལ་བར་འབད་པ་ནི་འདི་ལྟ་སྟེ། གང་ག་དང་། ཡ་མུན་དང་། མཚོ་ལྡན་དང་། ཁྱིམ་ལྡན་དངས་ཏེ།
273b4 ཆུ་དེ་དག་ལ་འདི་ཙམ་མོ་ཞེས་ཆུ་འམ། ཆུ་བུམ་པ་བརྒྱའམ། ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཞེས་ཚད་གཟུང་བར་མི་ནུས་ཏེ་འོན་ཀྱང་ཆུ་མང་ཞིང་ཆུ་ཀླུང་ཆེའོ་ཞེས་བྱ་བའི་གྲངས་སུ་འགྲོའོ།། གནས་འཇོག་དེ་བཞིན་དུ་འཕགས་པའི
273b5 ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པའི་རིགས་ཀྱི་བུ་འམ་རིགས་ཀྱི་བུ་མོ་དེའི་བསོད་ནམས་འདི་ཙམ་མོ་ཞེས་བསོད་ནམས་སམ། བསོད་ནམས་ཀྱི་འབྲས་བུ་འམ། བསོད་ནམས་ཀྱི་འབྲས་བུ་རྣམ་པར་སྨིན་པའི
273b6 ཚད་གཟུང་བར་མི་ནུས་ཏེ། འོན་ཀྱང་བསོད་ནམས་མང་ངོ་ཞེས་བྱ་བའི་གྲངས་སུ་འགྲོའོ།། གནས་འཇོག་དེ་ཇི་སྙམ་དུ་སེམས། གང་ཞིག་རྒྱ་མཚོ་ཆེན་པོའི་ཆུ་ནི་འདི་ཙམ་ཏེ། ཆུ་འམ་ཆུ་བུམ་པ་བརྒྱའམ། ཆུ་བུམ་པ་སྟོང་ངམ། ཆུ་བུམ་པ
273b7 བརྒྱ་སྟོང་ཡོད་ཅེས་ཚད་བཟུང་བར་ནུས་པ་ཡོད་དམ། གནས་འཇོག་གིས་གསོལ་པ། གཽ་ཏ་མ་གང་ལ་ལ་རྒྱ་མཚོ་ཆེན་པོའི་ཆུ་ནི་འདི་ཙམ་སྟེ། ཆུའམ་ཆུ་བུམ་པ་བརྒྱ་འམ་ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཞེས་ཚད
273b8 གཟུང་བ་དེ་ནི་གནས་མ་མཆིས་ཏེ་སྐབས་མ་ལགས་སོ། ། གཽ་ཏ་མ་དེ་ཅིའི་སླད་དུ་ཞེ་ན། ཆུ་ཀླུང་དེ་ནི་ཚད་གཟུང་དུ་མ་མཆིས་པའི་སླད་དུའོ།། བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་དེ་བསྟན་པས་གོ་བར་བྱ་སྟེ།
iiif viewer powered by OpenSeadragon
