| e-texts navigator |
| Wylie |
269b1 མཐའ་གཟུང་བར་མི་ནུས་པར་ང་སླའོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོའི་སེམས་ཐུགས་སུ་ཆུང་ནས་ལྗགས་པད་མ་དམར་པོའི་འདབ་མ་དྲི་མ་མེད་ཅིང་ལོ་མ་འཇམ་པ་དང་། འཚལ་དམར་པོ་དང་། ཤིང་མྱ་ངན་འཆང་གི་ལོ
269b2 མ་དང་ཟངས་ཀྱི་གླེགས་མ་སྲབ་མོ་དང་འདྲ་ལ་ཆུང་ཞེང་གབ་པས་ཞལ་གྱི་དཀྱིལ་འཁོར་དབུའི་སྒྲ་མཚམས་ལ་ཐུག་པའི་བར་ཐམས་ཅད་དུ་བརྐྱང་ནས་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་པ་ཐུན་དུ་སྨྲ་བ་དང་། ཕྲ་མ་དང་།
269b3 ཚིག་རྩུབ་པོ་དང་། ཚིག་ཀྱལ་བ་སྨྲ་བ་ལ་ལྕེ་འདི་ལྟ་བུ་མཐོང་ངམ།། བཙུན་པ་མ་ལགས་སོ།། ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་བདེན་པ་གསུང་བ་ཡིན་ནོ།། ཀུན་དགའ་བོ་གད་ལ
269b4 ལ་ཐལ་མོ་སྦྱར་ཏེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དལ་ཕྱག་འཚལ་ལོ། ། ཕྱག་འཚལ་ལོ་ཞེས་ཕྱག་འཚལ་བར་བྱེད་ན་སེམས་ཅན་དེ་དག་ངས་ཡོངས་སུ་བཟུང་ཞིང་ཡོངས་སུ་མྱ་ངན
269b5 ལས་བཟླས་པ་ཡིན་ནོ། ། སེམས་ཅན་དེ་རྣམས་ནི་ང་ཐུགས་ཁྲལ་ཆུད་པ་ཡིན་ནོ།། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་དེ་བཞིན་གཤེགས་པའི་ཆོས་ཀྱི་དབྱིངས་ནི་ཤིན་དུ་རབ་ཏུ་གནས་པ་ཡིན་ནོ།། དེ་ཤིན་དུ་རབ་ཏུ་གནས་པའི་ཕྱིར་ཐལ
269b6 པོ་སྦྱར་བ་ཡང་ཆུད་ཟ་བར་མི་འགྱུར་ན་སྦྱིན་པ་ལ་སོགས་པ་བྱེད་པ་ལྟ་སྨོས་ཀྱང་ཅི་དགོས། ། ཀུན་དགའ་བོ་ལྟོས་ཤིག་སྐྱེས་བུ་ཞིག་ལ་རང་གི་གཟར་བུ་བཀྲུས་པ་ཙམ་འམ། བོར་བུ་བཀྲུས་པ་ཙམ་པ་འམ།། ཕྲུ་ལྡོག་བཀྲུས་པ་ཙམ་གང་ཡིན
269b7 པ་ཨ་དེ་ཡང་ཡོད་ལ་གལ་ཏེ་དེ་འདི་སྙམ་དུ་འདི་ན་གནས་པའི་སྲོག་ཆགས་ཐམས་ཅད་འདིས་བདེ་བར་གྱུར་སྙམ་དུ་སེམས་ཤིང་སྟོར་ཁུང་དུ་འབོད་པར་བྱེད་ན་ཀུན་དགའ་བོ་འོན་ཀྱང་བསོད་ནམས་སྐྱེ་བའི་སྒོར་འགྱུར་བར་ང་སྨྲ་ན་མི་འགྱུར་པ
269b8 ལྟ་སྨོས་ཀྱང་ཅི་དགོས། ། ཀུན་དགའ་བོ་གསུམ་པོ་འདི་དག་ནི་བར་གྱི་བསྐལ་པ་དག་ཡིན་ནོ།། གསུམ་གང་ཞེ་ན། མཚོན་གྱི་བར་གྱི་བསྐལ་པ་དང་། ནད་ཀྱི་བར་གྱི་བསྐལ་པ་དང་། མུ་གེའི་བར་གྱི་བསྐལ་པའོ།། ཀུན་དགའ་བོ་དེ་ལ་གང་གིས
iiif viewer powered by OpenSeadragon
