| e-texts navigator |
| Wylie |
262b1 གི་ལག་པ་ནས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན་རང་གི་ལག་པ་ནས་སྦྱིན་པ་བྱིན་པས་ཕྱུག་པོར་གྱུར་པ་ནས་མཛའ་བོ་དང་བློན་པོ་དང་། ཉེ་རུ་དང་སྣག་གི་གཉེན་མཚམས་མང་བ་ཡིན་པའི་བར
262b2 སྔ་མ་བཞིན་ནོ། ། དེའི་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་ཡང་སེམས་འཇུག་པ་ཡིན། ཟས་ཀྱི་ལོངས་སྤྱོད་རྒྱ་ཆེན་པོ་དག་དང་། ཐེག་པའི་ལོངས་སྤྱོད་རྒྱ་ཆེན་པོ་དང་མལ་ཆའི་ལོངས་སྤྱོད་རྒྱ་ཆེན་པོ་དག་དང་། གཟུགས་དང་།
262b3 སྒྲ་དང་དྲི་དང་། རོ་དང་རེག་བྱ་རྒྱ་ཆེན་པོ་དག་ལ་ཡང་སེམས་འཇུག་པ་ཡིན་ནོ།། དགེ་སློང་དག་རང་གི་ལག་པ་ནས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག་དུས་སུ་སྦྱིན་པའི་འབྲས་བུ་རྣམ་པར
262b4 སྨིན་པ་འདོད་པར་བྱ་བ་གང་ཞེ་ན། དུས་སུ་སྦྱིན་པ་བྱིན་པས་ཕྱུག་པོར་འགྱུར་བ་ཡིན་པ་ནས་མཛའ་བོ་དང་བློན་པོ་དང་། ཉེ་དུ་དང་སྣག་གི་གཉེན་མཚམས་མང་པོའི་བར་སྔ་མ་བཞིན་ནོ།། དེའི་ནོར་དག་ཀྱང་དུས་སུ་ཐོབ་པ་དང་།
262b5 མང་ཞིང་འཐུན་པ་མངོན་དུ་འབྱུང་བ་ཡིན་ཏེ། དགེ་སློང་དག་དུས་སུ་སྦྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག་གཞན་ལ་མི་གནོད་པར་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང
262b6 ཞེན། གཞན་ལ་མི་གནོད་པར་སྦྱིན་བྱིན་པ་དྲུག་པོར་འགྱུར་བ་ཡིན་པོ་ནས་མཛའ་བོ་དང་བློན་པོ་དང་། ཉེ་དུ་དང་སྡུག་གི་གཉེན་མཚམས་མང་བའི་བར་སྔ་མ་བཞིན་ནོ།། དེའི་ལོངས་སྤྱོད་གང་དག་བརྩོན་འགྲུས་བརྩམས་པས་ཐོབ་པ
262b7 ལགས། མཐུས་བསྒྲུབས་པ་རྡུལ་ཞིང་དྲི་མ་ཆགས་ཆགས་སུ་བསྒྲུབས་པ་ཆོས་དང་ལྡན་པ་ཆོས་ཀྱིས་ཐོབ་པ་དེ་དག་ལ་ཡང་རྒྱལ་པོ་འམ། རྐུན་པོའམ་མའམ། ཆུའམ་མེ་མཛའ་བ་བགོ་སྐལ་ལ་སྤྱོད་པ་འམ། གང་ལས་ཀྱང་བར
262b8 ཆང་མི་འབྱུང་བ་ཡིན་ཏེ། གཞན་ལ་མི་གནོད་པར་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདི་ལ་འདོད་པར་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏོ།། བདེ་བར་གཤེགས་པོས་དེ་སྐད་ཅེས་གསུངས་ནས
iiif viewer powered by OpenSeadragon
