| e-texts navigator |
| Wylie |
256a1 གནས་བྱ་ཞིང་། ། ལྷག་པའི་སེམས་ལ་རྣལ་འབྱོར་བྱ།། འདི་ནི་སངས་རྒྱས་བསྟན་པ་ཡིན།། གང་གིས་ལུས་དང་ངག་དང་ནི།། ཡིད་ལ་ཉེས་བྱས་མེད་གྱུར་པ།། དེ་ནི་དགེ་བའི་ཚུལ་ཁྲིམས་ཅན།། ངོ་ཚའི
256a2 ཡིད་ལྡན་དགེ་སློང་ཡིན། ། གང་གིས་རྫོགས་པའི་བྱང་ཆུབ་ཀྱི།། ཕྱོགས་ཀྱི་ཆོས་བདུན་ལེགས་བསྒོམས་པ།། དེ་ནི་དགེ་བའི་ཆོས་ཅན་དེ།། མཉམ་གཞག་དགེ་སློང་ཡིན་ཞེས་གསུང་།། འདི་ན་གང་ཞིག་བདག་ཉིད་ཀྱི།། སྡུག་བསྔལ
256a3 ཟད་པ་རབ་ཤེས་ལ། ། དགེ་ཞིང་ཤེས་རབ་ལྡན་པ་དེ།། ཟག་མེད་དགེ་སློང་ཡིན་ཞེས་གསུངས།། ཟག་པ་ཟད་པ་མཐོབ་ན།། ཚུལ་ཁྲིམས་བརྟུལ་ཞུགས་ཙམ་དག་གམ།། ཡང་ན་ཐོས་པ་མང་པོ་འམ།། དབེན་པ་དག་ཏུ་གནས་ཀྱི
256a4 རུང་། ། ཏིང་འཛིན་ཐོབ་པར་གྱུར་ཀྱང་ངལ།། རྡེང་དྲོད་ཆོད་པའི་དགེ་སློང་མིན།། ཕུང་པོ་ལ་ནི་བདག་ཟེར་བའི།། འཇིག་རྟེན་འདི་དག་གདུང་བ་སྐྱེ།། རྫོགས་པའི་བྱང་ཆུབ་བདེ་བ་ནི།། འཕགས་པས་བསྟེན་པ་མངོན་དུ་བྱ།། ཇི་ལྟ་ཇི
256a5 ལྟར་བསམ་བྱས་པ། ། དེ་ལྟ་དེ་ལྟར་གཞན་དུ་འགྱུར།། གཞན་དུ་འགྱུར་བའི་འཇིག་རྟེན་འདི།། སྲིད་པ་ལ་ཆགས་སྲིད་ལ་དགའ།། སྲིད་ལ་མངོན་ཆགས་སྲིད་ལ་ལྟ།། སྲིད་པ་ཉིད་ལ་མངོན་པར་དགའ།། དགའ་བྱ་གང་ཡིན་དེ་སྡུག
256a6 བསྔལ། ། སྐྱི་གཡའ་གང་ཡིན་དེ་བདེ་བས།། སྲིད་པ་རབ་ཏུ་སྤང་བའི་ཕྱིར།། འདི་ན་ཚངས་པར་སྤྱོད་པ་སྟེན།། དགེ་སྦྱོང་བྲམ་ཟེ་ཇི་སྙེད་པ།། སྲིད་པས་སྲིད་ལས་ངེས་འབྱུང་ཟེར།། དེ་དག་ཐམས་ཅད་སྲིད་པ་ལས།། ངེས་འབྱུང
256a7 མིན་ཞེས་བརྗོད་པར་བྱ། ། དགེ་སྦྱོང་བྲམ་ཟེ་ཇི་སྙེད་པ།། སྲིད་པས་སྲིད་ལས་ངེས་འཐུང་ཟེར།། དེ་དག་ཐམས་ཅད་སྲིང་པ་ལས།། རྣམ་གྲོལ་མིན་ཞེས་བརྗོད་པར་བྱ།། ལེན་པའི་རྐྱེན་གྱིས་སྡུག་བསྔལ་འབྱུང་།། སྡུག་བསྔལ་ལས་ནི
256a8 ལེན་པ་བྱུང་། ། ལེན་པ་ཐམས་ཅད་ཡོངས་ཟད་ན།། སྡུག་བསྔལ་རབ་ཏུ་འབྱུང་བ་མེད།། ལེན་པ་ཐམས་ཅད་ནི་སྲིད་པའི་རྣམ་པ་ཇི་སྙེད་ཡོད་པ་དེ་དག་ཐམས་ཅད་ནི་མི་རྟག་པ། སྡུག་བསྔལ་བ། ཡོངས་སུ་འགྱུར་བའི་ཆོས་ཅན་ཡིན་ནོ།། །
iiif viewer powered by OpenSeadragon
