| e-texts navigator |
| Wylie |
255a1 ཞིང་། ། ཁྱིམ་ལ་མ་ཆགས་བག་མེད་འདོད་སྲེད་སྤངས།། གཅིག་པུ་སྤྱོད་བྱེད་དེ་ནི་དགེ་སློང་ཡིན།། འཚོ་གཙང་སྙོམ་ལས་མེད་པ་ཡི།། གྲོགས་པོ་འཐུན་པ་བསྟེན་བྱ་ཞིང་།། སོ་སོར་བགོ་བཤའ་བྱ་བ་དང་།། སྤྱོད་ཡུལ
255a2 གམཁས་པར་བྱ། ། ལག་པ་ལེགས་བསྡམས་རྐང་པ་ལེགས་བསྡམས་དང་།། ཚིག་རྣམས་ལེགས་བསྡམས་དབང་པོ་ལེགས་བསྡམས་ཤིང་།། གཅིག་པུ་ནང་དུ་མཉམ་པར་འཇོག་ལ་དགའ།། ཆོག་ཤེས་དེ་ནི་དགེ་སློང་ཡིན་ཞེས་གསུང་།
255a3 དགེ་སློང་ཆོས་ལ་ཀུན་དགའ་ཞིང་།། ཆོས་དགའ་ཆོས་ལ་སེམས་དཔའ་དང་།། ཆོས་ལ་རྗེས་སུ་དྲན་པ་དག། ཆོས་ལས་ཡོངས་སུ་ཉམས་མི་འགྱུར།། དགེ་སློང་ཁང་སྟོང་ཞུགས་ནས་སུ།། ནང་ལ་ལྟ་བར་བྱེད་པ་དང་།། ཆོས་རྣམས་ལེགས་པར
255a4 མཐོང་བ་དག། ལྷ་ཡི་དགའ་དང་ལྡན་པར་འགྱུར།། ཇི་ལྟ་ཇི་ལྟར་ཕུང་པོ་ལ།། སྐྱེ་དང་འཇིག་པར་ལེགས་རྟོག་པ།། དེ་ལྟ་དེ་ལྟར་དེ་ཡིས་ན།། དགའ་དང་མགུ་བ་ཉིད་ཀྱང་འཐོབ།། དགེ་སློང་དགའ་བ་མང་པོ་ཡིས།། སྡུག་བསྔལ་ཟད་པ་ཐོབ་པར
255a5 འགྱུར། ། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་འདོད་ཆགས་དག། ཟད་པ་ཀུན་དུ་རབ་མི་གཡོ།། ཇི་ལྟར་ཐག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཤེ་སྡང་དག། ཟད
255a6 བ་ཀུན་དུ་རབ་མི་གཡོ། ། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་གཏི་མུག་དག། ཟད་པ་ཀུན་དུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ང
255a7 རྒྱལ་དག། ཟད་པ་ཀུན་དུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཆགས་པ་དག། ཟད་པ་ཀུན་དུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།།
255a8 དེ་བཞིན་དགེ་སློང་སྲེད་པ་དག། ཟད་པ་ཀུན་དུ་རབ་མེ་གཡོ།། གང་ལ་ཀུན་དུ་སོགས་མེད་ཅིང་།། གང་ལ་བདག་གིར་བྱེད་མེད་པ།། གང་དག་མེད་ནའང་མི་གདུང་བ།། དེ་ནི་དགེ་སློང་ཤེས་བརྗོད་དོ།། དེ་ཤིག་གཞན་ལ་སློང་བཙམ།། རྡེག
iiif viewer powered by OpenSeadragon
