| e-texts navigator |
| Wylie |
254a1 བྱས་ན། ། བསོད་ནམས་ཕལ་ཆེར་འཕགས་པས་རབ་ཏུ་བསྒྲུབས་པར་འགྱུར།། མི་གང་དགའ་བའི་སེམས་དང་ནི།། ཞུམ་པ་མེད་པའི་ཡིད་ཀྱིས་སུ།། དགེ་བའི་ཆོས་ལ་བསྒོམ་བྱེད་པ།། གྲུབ་པ་དང་ནི་བདེ་བ་འཐོབ།། ཡང
254a2 ངག་ཤེས་པས་རྣམ་གྲོལ་ཞིང་། ། སྐྱོབ་པ་ཉེ་བར་ཞི་གྱུར་པ།། དེ་ཡི་ཡིད་ནི་ཞི་གྱུར་ཅིང་།། ལུས་དང་ངག་གི་ལས་ཀྱང་ཞི།། ཇི་ལྟར་རྩེ་གཅིག་སེམས་ཀྱིས་ནི།། ཆོས་རྣམས་ལེགས་པར་མཐོང་བ་ལྟར།། སིལ་སྙན་ཡན་ལག་ལྔ་པས་ཀྱང་།། དེ་ལྟར
254a3 དགའ་བ་བྱེད་མི་འགྱུར། ། གང་ཡིད་ཏིང་འཛིན་ལ་དགའ་བ།། དེ་དག་འདོད་པས་རྩེ་མི་བྱེད།། གང་ཞིག་ཆུང་ཟད་གདུད་མེད་པའི།། སྐྱོབ་པ་བདེ་བར་ཉལ་བར་འགྱུར།། གང་ཡིད་ཏིང་འཛིན་ལ་དགའ་བ།། དེ་དག་འདོད་པས་རྩེན་མི་བྱེད།། གང་ཞིག
254a4 ཆུང་ཟད་གདུང་མེད་པའི། ། ཐུབ་པ་ཀྱེ་མའོ་དགའ་བར་འགྱུར།། གང་གི་སེམས་ནི་བྲག་ལྟ་བུར།། རབ་ཏུ་གཡོ་བ་མེད་འདུག་པ།། ཆགས་པའི་གནས་ལ་མི་ཆགས་ཏེ།། ཁྲོ་བའི་གནས་ལ་འཁྲུག་མེད་པར།། གང་ཡིད་དེ་ལྟར་གྱུར་པ་དེ།། སྡུག
254a5 བསྔལ་ཐོབ་པར་ག་ལ་འགྱུར། ། སྐུར་པ་མི་གདབ་གནོད་མི་བྱ།། སོ་སོར་ཐར་པས་བསྡམ་པར་བྱ།། ཟས་ཀྱི་ཚོད་ཀྱང་ཤེས་པར་བྱ།། བས་མཐའ་དགོན་པར་གནས་བྱས་ཤིང་།། ལྷག་པའི་སེམས་ལ་རྣལ་འབྱོར་བྱ།། འདི་ནི་སངས་རྒྱས་བསྟན་པ
254a6 ཡིན། ། སེམས་ཀྱི་རྟགས་ལ་མཁས་པ་དང་།། རབ་ཏུ་དབེན་པའི་རོ་རྙེད་དང་།། རབ་དྲན་སེམས་པའི་འགྲུས་སྐྱོང་ཅན།། ཟང་ཟིང་མེད་པའི་དགའ་བ་མྱོང་།། གང་ཞིག་ཡིད་གཞུངས་དབེན་དགའ་དབེན་གནས་པས།། རྟག་ཏུ་རང་གི་ལུས་ཀྱིས་སྤྱོད་ལམ
254a7 དང་། ། སྨ་དང་ཡིད་ནི་སྲུང་བར་བྱེད་པ་དེ།། མྱ་ངན་སྤོང་ཞིང་སྡུག་བསྔལ་འཐོབ་མི་འགྱུར།། མ་བསྲུངས་པ་ཡི་སེམས་དང་ནི།། ལོག་པར་ལྟར་བས་བཅོམ་པ་དང་།། གཉིད་དང་རྨུགས་པས་ཟིལ་ནོན་པ།། བདུད་ཀྱི་དབང་དུ་འགྲོ་བར་འགྱུར།
254a8 དེ་བས་སེམས་ནི་བསྲུང་བྱས་ཏེ།། ཡང་དག་ལྟ་བས་མདུན་བདར་ཅིང་།། ཡང་དག་ཀུན་རྟོག་སྤྱོད་ཡུལ་ཅན།། ཡང་དག་སྐྱེ་དང་འཇིགས་པ་ཤེས།། གཉིད་དང་རྨུགས་པ་ཟིལ་གནོན་པའི།། དགེ་སློང་སྡུག་བསྔལ་ཟད་པ་འཐོབ།། བག་ཡོད
iiif viewer powered by OpenSeadragon
