| e-texts navigator |
| Wylie |
244b1 ཤིང་། ། ནག་ཅན་ལུས་ནི་བརྒྱན་པ་ཡིས།། བྱིས་པ་ལྷག་པར་རྨོངས་བྱེད་ཀྱང་།། ཕ་རོལ་ཚོལ་བར་མི་བྱེད་དོ།། ལུས་འདི་དྲི་ཞིམ་གྱིས་བསྡུས་ནས།། རྐང་པ་བཙག་གིས་བྱུགས་པ་དག། བྱིས་པ་ལྷག་པར་རྨོངས་བྱེད་ཀྱང་།། ཕ་རོལ་ཚོལ།
244b2 བར་མི་བྱེད་དོ།། གང་ཞིག་འདོད་པར་ཀུན་སྦྱོར་འབྲེལ་ཆགས་ཤིང་།། ཀུན་དུ་སྦྱོར་བའི་སྐྱོན་རྣམས་མ་མཐོང་བ།། འདོད་པར་འབྲེལ་ལ་ཆགས་པའི་མི་དེ་ཡིས།། ཆུ་བོ་མཐའ་ཡས་ཡངས་པ་རྒལ་མི་འགྱུར།། ཆགས་བྲལ་མཆོག་དང
244b3 ཐ་མ་ཐམས་ཅད་དག། འདི་ལ་བདག་དང་བདག་གིར་མི་ལྟ་ཞིང་།། དེ་ལྟར་རྣམ་གྲོལ་སྔོན་ཆད་མ་རྒལ་བའི།། ཆུ་བོ་རབ་རྒྱལ་ཡང་སྲིད་མེད་པར་འགྱུར།། གང་ཞིག་ཚལ་སྤངས་ཚལ་མེད་པ།། ནགས་ཚལ་སྤངས་ནས་ནགས
244b4 སུ་རྒྱུག། གྲོལ་བ་འཆིང་བར་གཅེན་པ་ཡིན།། གང་ཟག་འདི་ལ་ལྟོས་ཤིག་ཚུར།། ཤིང་རྟ་འཐུན་པའི་རྩིབས་ལྡན་པ།། ཡན་ལག་ཡིད་འོད་གོས་དཀར་གཡོགས།། སྡིག་མེད་འགྲོ་བ་ལ་ལྟོས་ལ།། ཆིངས་མའི་རྒྱུན་རྣམས
244b5 གཅད་པར་གྱིས། ། འཇིགས་པས་སྐྲག་པའི་མི་དག་ནི།། ཕལ་ཆེར་རི་དང་ནགས་ཚལ་དང་།། བསྐྱེད་མོས་ཚལ་དང་མཆོད་གནས་དང་།། ལྗོན་ཤིང་རྣམས་ལ་སྐྱབས་སུ་འགྲོ།། སྐྱབས་དེ་གཙོ་བོ་མ་ཡིན་ཞིང་།། སྐྱབས་དེ
244b6 མཆོག་ཏུ་གྱུར་པ་མིན། ། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་མི་འགྱུར།། གང་ཞིག་སངས་རྒྱས་ཆོས་དང་ནི།། དགེ་འདུན་ལ་ནི་སྐྱབས་སོང་ཞིང་།། སྡུག་བསྔལ་སྡུག་བསྔལ་ཀུན་འབྱུང་དང་།། སྡུག
244b7 བསྔལ་ཡང་དག་འདས་པ་དང་། ། བདེ་བ་མྱ་ངན་འདས་འགྲོ་བའི།། འཕགས་ལམ་ཡན་ལག་བརྒྱད་པ་སྟེ།། འཕགས་པའི་བདེན་པ་བཞི་པོ་དག། གང་ཚེ་ཤེས་རབ་ཀྱིས་མཐོང་བ།། དེ་ནི་སྐྱབས་ཀྱི་མཆོག་ཡིན་ཞིང་།། དེ་ནི
244b8 སྐྱབས་ཀྱི་དམ་པ་ཡིན། ། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་བར་འགྱུར།། མཐོང་བས་མཐོང་ཞིང་མཐོང་བས་མ་མཐོང་མཐོང་།། མ་མཐོང་མི་མཐོང་མཐོང་བྱ་མཐོང་མི་འགྱུར།།
iiif viewer powered by OpenSeadragon
