| e-texts navigator |
| Wylie |
243b1 བལྟར། ། རང་གི་དེ་ནི་སྦེད་པ་དང་།། གཞན་གྱི་སྐྱོན་ལ་ལྟ་བྱེད་ཅིང་།། རྟག་ཏུ་འཕྱས་ལེད་འདུ་ཤེས་ཅན།། དེ་ཡིས་རིང་དུ་ཆོས་མི་མཐོང་།། གཡོན་ཕྱོགས་ཆོས་ནི་རབ་ཏུ་འཕེལ།། སྤྱི་རྡོལ་བྱེད་ཅིང་འཕྲོག་རློམ་ཅན།། མི་གཙང་ལྔ།
243b2 ལྡན་ཁྲ་ལྟ་བུ།། ཤིན་དུ་ཉོན་མོངས་འཚོ་བ་ཅན།། ངོ་ཚ་མེད་པའི་འཚོ་བ་སྭ།། རྟག་ཏུ་གཙང་མཚོལ་བ་དང་།། ཐུབ་ཚེད་མི་བྱེད་འཛེམ་པག་ཅན།། འཚེ་བ་དག་པ་ལྟ་བ་ཡི།། ངོ་ཆ་ཤེས་པའི་འཚེ་བ་དཀའ།། འཇིག་རྟེན་མུན་པར
243b3 གྱུར་འདི་སྟེ། ། དེ་ལས་ལྷག་མཐོང་ལྡན་པ་ཉུང་།། རྒྱ་ལས་ཤོར་བའི་བྱ་ལྟ་བུར།། མཐོ་རིས་ལ་དགའ་ཤས་ཙམ་ཞིག། བྱིས་པ་ལུས་ཀྱིས་བཅིངས་འགྱུར་བ།། མུན་པའི་འཁོར་གྱིས་བསྐོར་བ་ཡིན།། འཇིག་རྟེན་ནོར་ལ་ཆགས་པ།
243b4 དག། གཞན་རྫས་ལྟ་བུར་ལྟ་བར་བྱེད།། བདག་གིས་སྐྱེ་དགུ་འདི་ཕྱུང་ཞིང་།། གཞན་གྱིས་བྱས་སོ་སྙམ་སེམས་པ།། བདེན་པ་མིན་ལ་བདེན་ལྟ་བས།། ཅི་ཡང་མཐོང་བར་མི་འགྱུར་རོ།། དེ་ནི་འགས་ཀྱང་མི་མཐོང་ཞིང་།། ཟུག་རྔུ
243b5 མཐོང་བར་མི་འགྱུར་རོ། ། ཡུལ་སྲེད་གང་ལ་སྐྱེ་བོ་ཆགས་པ་ཡི།། ཟུག་རྔུ་དེ་དག་སྔོན་ཆད་མཐོང་བ་དག། དེ་ནི་བདག་གིས་བྱས་སྙམ་མི་འཛིན་ཅིང་།། དེ་ནི་གཞན་གྱིས་བྱ་སྙམ་མི་འཛིན་ཏོ།། སྐྱེ་དགུ་འདི་དག་ང་རྒྱལ་ལྡན།། ང
243b6 རྒྱལ་ལ་ཆགས་ང་རྒྱལ་བཅིངས། ། རྩོད་པར་གྱུར་པའི་ལྟ་བ་ཅན།། འཁོར་བ་ལྡོག་པར་མི་འགྱུར་རོ།། ཐོབ་པར་གྱུར་པ་གང་ཡིན་དང་།། ཐོབ་པར་བྱ་བ་གང་ཡིན་པ།། དེ་དག་གཉི་ག་རྡུལ་གྱིས་ཡོག།། རྗེས་སུ་ནོད་པ་སློབ་པར
243b7 བྱེད། ། གང་ཞིག་ཚུལ་ཁྲིམས་དང་། བསླབ་པ་དང་། བརྟུལ་ཞུགས་དང་། ཚངས་པར་སྤྱོད་པ་དང་། དཀའ་ཐུབ་དང་། ཉེ་བར་གནས་པ་སྙིང་པོར་བྱེད་པ་དེ་ནི་མཐའ་གཅིག་གོ།། གང་ཞིག་དེ་ལྟར་ལྟ་ཞིང་འདི་སྐད་ཅེས་འདོད་པ་ནི
243b8 གཙང་བའོ། ། འདོད་པ་ནི་བསོད་ཉམས་ཅན་ནོ།། འདོད་པ་ནི་ལོངས་སྤྱད་པར་བྱ་བའོ།། འདོད་པ་ནི་སྐྱོན་མེད་པ་ཡིན་ནོ་ཞེས་སྨྲ་ཞིང་དེ་དག་ལྷག་པར་འདོད་པ་རྣམས་སུ་ལྷུང་བར་བྱེད་པའི་བརྟུལ་ཞུགས་ལེན་པ་འདི་ཡང
iiif viewer powered by OpenSeadragon
