| e-texts navigator |
| Wylie |
235b1 འགྱུར་གྱི། ། བཞོན་པ་དེ་དག་རྣམས་ཀྱིས་ནི།། ས་དེ་མངོན་པར་འཐོབ་མི་སྲིད།། གླང་པོའི་ནང་ན་གླང་ཆེན་དང་།། སིན་དུའི་ཅང་ཤེས་རྟ་དང་ནི། དྲེའུ་འདུལ་བྱེད་པ་གང་ཡིན་པ།། དེ་བས་བདག་ཉིད་འདུལ་བ་མཆོག། བདག་ཉིད་ལེགས་འདུལ་གང་།།
235b2 ཡིན་དེས།། འཆིང་བ་བཅད་ནས་འགྲོ་འགྱུར་གྱི།། བཞོན་པ་དེ་དག་རྣམས་ཀྱིས་ནི།། ས་དེ་མངོན་པར་འཐོབ་མི་སྲིད།། འདུལ་སྤྱོད་བྱེད་པས་རྟ་བཟངས་ལྟར།། བདག་ཉིད་ཁོ་ན་གདུལ་བར་བྱ།། བདག་མེད་ལེགས་པར་དུལ་བ་ཡིས།།
235b3 སྡུག་བསྔལ་རྣམས་ཀྱི་ཕ་མཐར་ཕྱིན།། བདག་ཉིད་ཁོ་ན་བདག་གི་མགོན།། བདག་ཉིད་བདག་གི་སྐྱབས་ཡིན་པས།། འདུལ་སྐྱོང་བྱེད་པས་རྟ་བཟངས་ལྟར།། དེ་བས་བདག་ཉིད་གདུལ་བར་བྱ།། རྟ་ཡི་ཆོམས་ཏེ་བཅུ་དགུ་པའོ།།
235b4 ཐོབ་སྤངས་ཤིང་ང་རྒྱལ་རྣམ་སྤངས་ན།། ཀུན་སྦྱོར་ཀུན་ལས་ཤིན་དུ་འདའ་འགྱུར་ཞིང་།། མིང་དང་གཟུགས་ལ་ཆགས་པ་མེད་དེ་དག། ཅི་ཡང་མེད་པས་ཆགས་པའི་རྗེས་མི་ལྟུང་།། སྐྱེས་མ་ཐག་ཏུ་ཁྲོ་བ་སྤོངས།། སྐྱེས་ནས།
235b5 འདོད་ཆགས་སྤང་བར་གྱིས།། བརྟན་པས་མ་རིག་རབ་ཏུ་སྤང་།། བདེན་པ་མཐོང་ན་བདེ་བར་འགྱུར།། ཁྲོ་བ་སྤངས་ན་བདེ་བར་ཉལ།། ཁྲོ་བ་སྤངས་ན་གདུང་མི་འགྱུར།། དགེ་སློང་ཁྲོ་བ་བདེ་འཇོམས་པའི།། དུག་གི་རྩ་བ་ཆོམ་ཤིག་དང་།
235b6 འཕགས་པ་རྣམས་ཀྱིས་བསྔགས་འགྱུར་ཞིང་།། དེ་བཅོམ་པ་ཡིས་མྱ་ངན་མེད།། གང་ཁྲོས་བདག་གིས་ལེགས་བྱས་གྱི།། མ་ལེགས་མིན་ཞེས་རབ་སྨྲ་བ།། དེ་ནི་ཁྲོ་བཞི་འོག་ཏུ།། མ་ཡིས་བསྲེགས་བཞིན་གདུང་བར་འགྱུར།
235b7 ངོཆེ་མེད་ཅིང་ཁྲེལ་མེད་པ།། ཁྲོ་བ་ཅན་ལ་བརྟུལ་ཞུགས་མེད།། ཐོ་བས་མངོན་པར་ཟིལ་གནོན་པ།། དེ་ལ་སུ་ཡང་རྟེན་མི་བྱེད།། གང་ཞིག་བྱིས་པའི་མཐུ་སྟབས་ཅན།། དེ་ཡི་སྟོབས་ནི་སྟབས་མེད་ཡིན།། བྱིས་པ་ཆོས་དང་བྲལ་བ།
235b8 ལ།། བསྒྲུབ་པར་བྱ་བ་ཡོད་རེ་སྐན།། གང་ཞིག་སྟོབས་དང་ལྡན་གྱུར་ཡང་།། སྟོབས་ཆུང་རྣམས་ཀྱི་བཟོད་བྱེད་པ།། དེ་ནི་བཟོད་པའི་མཆོག་ཅེས་གསུངས།། ཉམ་ཆུང་བ་ལྟ་རྟག་ཏུ་སྦྱར།། གང་ཞིག་གཞན་གྱི་དཔོན་གྱུར་ཀྱང་།།
iiif viewer powered by OpenSeadragon
