| e-texts navigator |
| Wylie |
233a1 རྣམས་ལ། ། བྱིན་ན་འབྲས་བུ་ཆེན་པོར་འགྱུར།། ནིང་གི་སྐྱོན་ནི་རྩ་ཡིན་ལྟར།། སྐྱེ་དགུ་འདི་ལ་གཏི་མུག་སྐྱོན།། དེ་བས་གཏི་མུག་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདིར
233a2 ང་རྒྱལ་སྐྱོན། ། དེ་བས་ང་རྒྱལ་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྣ་ཡིན་ལྟར།། སྐྱེ་དབུ་འདི་ལ་ཆགས་པ་སྐྱོན།། དེ་བས་ཆགས་དང་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི
233a3 རྩཝ་ཡིན་ལྟར། ། སྐྱེ་དགུ་འདི་ལ་སྲེད་པ་སྔོན།། དེ་བས་སྲེད་དང་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། དྲུག་པ་བདག་པོ་རྒྱལ་པོ་སྟེ།། ཆགས་པར་གྱུར་ན་ཆགས་ཅན་ཡིན།། མ་ཆགས་གྱུར་ན་མ་ཆགས་ཡིན།། ཆགས་པ
233a4 བྱིས་པ་ཞེས་བརྗོད་དོ། ། འདོད་ཆགས་ཞེ་སྡང་ང་རྒྱལ་དང་།། འཆབ་པ་གང་དུ་གནས་པ་ཡིན།། གྲོང་ཁྱེར་རུས་པའི་རབ་ཅན།། ཤ་དང་ཁྲག་གིས་ཞལ་ཞལ་བྱས།། རྒྱུ་ཡིས་ཀུན་ནས་བསླང་བ་ལས་བྱུང་སྡུག་བསྔལ་ཅན།། དེ་མ་མཐོང
233a5 ན་དེར་ནི་དེ་དག་འཆིང་འགྱུར་ཞིང་། ། དེ་དག་རྟོགས་ན་ཆུ་བོ་རྣམས་ནི་རབ་ཏུ་སྤོང་།། ཕྱི་རོལ་པ་ལ་ཆགས་པ་དེ་དག་སྤོང་བ་མེད།། སིལ་བུའི་ཚོམས་ཏེ་བཅུ་དྲུག་པའོ།། ། དེ་དག་ཁྱིམ་ལ་མི་དགའ་བར།། དྲན་དང་ལྡན་པ་འབད་པ་ཡིས།།
233a6 དད་པས་མཆོད་ན་སྤོང་བ་ལྟར།། དེ་དག་ཁྱིམ་སྤངས་ཆུ་བོ་རྒལ།། བརྟན་པ་འཇིག་རྟེན་ངེས་བྱུང་ནས།། བདུད་ཀྱི་སྡེ་རྣམས་རབ་བཅོམ་སྟེ།། ཉི་མའི་ལམ་ནས་དད་པ་ལྟར།། རྫུ་འཕྲུལ་གྱིས་ནི་མཁའ་ལ་འགྲོ།། ཚངས་པར་སྤྱོད་པ་མ་སྤྱད
233a7 ཅི་། ། གཞོན་ནུར་ནོར་ནི་མ་རྙེད་པ།། མཆོད་ན་ཉ་ཉུང་དོགས་དག་ན།། ཆུ་སྐྱེར་རྒན་སེམས་བཞིན་དུ་འགྱུར།། ཚངས་པར་སྤྱོད་པ་མ་སྤྱད་ཅིང་།། གཞོན་ནུར་ནོར་ནི་མི་རྙེད་པ།། སྔན་ཆད་བྱས་པ་རྗེས་དྲན་ཞིང་།། ལུས་བསྐུམས་ནས་ན
233a8 ཉལ་བར་འགྱུར། ། སྡིག་པ་ཆུང་བྱས་བདག་ཉིད་ཀྱི།། ཕྱི་བཞིན་མི་འོང་མ་སེམས་ཤིག། ཆུ་ཡི་ཐིགས་པ་ལྟུང་བ་ཡིས།། བུ་མ་ཆེན་གང་བཇི་བཞིན་དུ།། ཆུང་ཟད་ཆུང་ཟད་བསགས་པ་ཡི།། སྡིག་པས་བྱིས་པ་གང་བར་འགྱུར།།
iiif viewer powered by OpenSeadragon
