| e-texts navigator |
| Wylie |
231b1 ཅིག། ཉལ་བས་མེལ་ཙེ་བྱེད་བླ་སྟེ།། མེལ་ཙེ་བྱེད་ལ་འཇིགས་པ་མེད།། མེལ་ཙེ་བྱེད་པར་བརྩོན་པ་དང་།། ཉིན་མཚན་རྗེས་སུ་སློབ་བྱེད་ཅིང་།། འཆི་བ་མེད་ལ་ལྷག་མོས་པའི།། ཟག་པ་རྣམས་ནི་ཟད་པར་འགྱུར།། གང་ཞིག་ཉིན་དང
231b2 མཚན་རྣམས་སུ། ། སངས་རྒྱས་རྗེས་སུ་དྲན་བྱེད་ཅིང་།། གང་དག་སངས་རྒྱས་སྐྱབས་སོང་བ།། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། ཆོས་རྣམས་རྗེས་སུ་དྲན་བྱེད་ཅིང་།། གང་དག་ཆོས་ལ་སྐྱོབས
231b3 སོང་བ། ། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། དགེ་འདུན་རྗེས་སུ་དྲན་བྱེད་ཅིང་།། གང་དག་དགེ་འདུན་སྐྱབས་སོང་བ།། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། སངས
231b4 རྒྱས་རྗེས་སུ་དྲན་བྱེད་པ། ། གཽ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། ཆོས་རྣམས་རྗེས་སུ་དྲན་བྱེད་པ།། གཽ་ཏ་མ་ཡི་ཉན་ཐོས་དེ།། ལེགས་པར་སད་པས
231b5 སད་པར་འགྱུར། ། གང་ཞིག་ཉིན་དང་མཚན་རྣམས་སུ།། དགེ་འདུན་རྗེས་སུ་དྲན་བྱེད་པ།། གཽ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། ཚུལ་ཁྲིམས་རྗེས་སུ
231b6 དྲན་བྱེད་པ། ། གཽ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། གཏོང་བ་རྗེས་སུ་དྲན་བྱེད་པ།། གཽ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།།
231b7 གང་ཞིགཉིན་དང་མཚན་རྣམས་སུ།། ལྷ་ནི་རྗེས་སུ་དྲན་བྱེད་པ།། གཽ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། རྟག་ཏུ་ལུས་རྟོགས་དྲན་བྱེད་པ།། གཽ་ཏ་མ་ཡི
231b8 ཉན་ཐོས་དེ། ། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། རྟག་ཏུ་ཏིང་འཛིན་གཞི་དྲན་པ།། གཽ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང
iiif viewer powered by OpenSeadragon
