| e-texts navigator |
| Wylie |
230b1 གཞན་ཡང་ཕུང་བར་བྱེད། ། རྡེག་པ་བྱེད་པ་རྡེག་པ་འཐོབ།། ཁོན་དུ་འཛིན་པས་ཁོན་ཅན་མཐོང་།། དེ་བཞིན་གཤེབས་གཤེབ་སྟེ།། ཁྲོ་བར་བྱེད་ལ་ཁྲོ་བ་འབྱུང་།། འདི་གཞན་དགེ་སྦྱོང་བྱིས་པ་སྟེ།། དམ་པའི་ཆོས་ལ་མི་མཁས་པ།། ཡོངས
230b2 སུ་ཆེ་ཐུད་འདི་ལ་ཡང་། ། གྱི་ནའི་ཕྱིར་ནི་འཁོན་པར་བྱེད།། འདི་ནི་མཆོག་ཅེས་བསམས་ནས་སུ།། སོ་སོར་སྨྲ་ཞིང་འཐུན་འཇུག་པས།། འདི་ན་དགེ་འདུན་འབྱེད་པའི་ཚེ།། ཅི་ཕྱིར་སྟོབས་མེད་སེམས་མི་བྱེད།། རུས་པ་གཅོག་ཅིང་སྲོག
230b3 གཅོད་ལ། ། རྟ་ཕྱུགས་ནོར་ནི་འཕྲོག་པ་དང་།། ཡུལ་འཁོར་འཇོམས་པར་བྱེད་པ་ཡང་།། བྱི་ནས་འཇོམས་པར་བྱེད་པ་ཡང་།། ཕྱི་ནས་འཇལ་དུམ་བྱེད་པ་ལྟར།། མཁས་པས་བརྟགས་ཤིང་གསུངས་པའི་ཚིག། སྤྱོད་ཡུལ་སྟོན་པར་བྱེད
230b4 པ་ཡི། ། ཆོས་འདི་རྣམ་པར་ཤེས་ན་གོ། ཁྱེད་ཅག་ཅི་ཕྱིར་བྱེད་མི་འགྱུར།། ཁྱོད་ནི་མི་མཁས་ལུགས་ཅན་ཏེ།། ཁ་བྱ་ཡིས་ནི་རྩོལ་བྱེད་པ།། ཕ་རོལ་པོ་དག་མི་ཤེས་པས།། བདག་ནི་འདི་ལ་བརྩོན་པར་བྱེད།། འདི་ནི་མཁས་པ་གང
230b5 ཡིན་པ། ། དེ་དག་བཞམས་པའི་ཚིག་གིས་ཞི།། བདག་ལ་ཁ་ཟེར་བདག་ལག་ཤེ།། བདག་པ་མ་བདག་ཕ་མ་བྱེད་པའོ་ཞེས།། འདི་གང་སེམས་ལ་འཛིན་བྱེད་པ།། དེ་ཡི་ཁོ་ན་ནི་ཞི་མི་འགྱུར།། བདག་ལ་ཁ་ཟེར་བདག་ལ་གཤེ།།
230b6 བདག་ཕམ་བདག་པ་མ་བྱེད་པའོ་ཞེས།། འདི་གང་སེམས་ལ་མི་འཛིན་པ།། དེ་ཡི་ཁོ་ན་ནི་ཞི་བར་འགྱུར།། འདི་ན་ཁོན་གྱིས་ཁོ་ན་ཅན་དག། ནམ་ཡང་ཞི་བར་འགྱུར་བ་མེད།། བཟོད་པས་ཁོ་ན་ནི་ཞི་འགྱུར་བ།། འདི་ནི་ཆོས་ཀྱི་རང
230b7 བཞིན་ཡིན། ཁོ་ན་ཅན་ནམ་ཡ་ཤི་མི་འགྱུར།། ཁོ་ན་མེད་རྣམས་ཀྱིས་ཁོ་ན་ནི་ཞི་བར་བྱེད།། ཤ་ཁོ་ན་ཞུགས་པ་ལུས་ཅན་ལ་གནོད་པས།། དེ་ཕྱིར་མཁས་པས་འཁོན་པར་མི་བྱའོ།། བརྟན་པ་ལེགས་གནས་ལྷན་ཅིག་སྤྱད
230b8 པ་ཡི། ། གྲོགས་པོ་མཁས་པ་གལ་ཏེ་རྙེད་ན་ནི།། ཉོན་མོངས་ཐམས་ཅད་མངོན་པར་ཟིལ་མནན་ནས།། དྲན་ལྡན་དགའ་བའི་ཡིད་ཀྱིས་དེ་དང་སྤྱད།། བརྟན་པ་ལེགས་གནས་ལྷན་ཅིག་སྤྱད་པ་ཡི།། གྲོགས་པོ་མཁས་པ་གལ་ཏེ་མ་རྙེད་ན། ཡུལ།
iiif viewer powered by OpenSeadragon
