| e-texts navigator |
| Wylie |
228b1 སྡུག་སྔལ་སྲེག་པར་ཟད། ། ཚིམ་བུ་ངུར་སྨྲིག་གྱོན་པ་དང་།། ཕལ་ཆེར་ཡང་དག་མི་སྡོམ་ཞིང་།། སྡིག་པའི་ཆོས་ཅན་སྡིག་ལ་དགའ།། སྡིག་ཅན་དེ་དག་ངན་འགྲོར་འགྲོས་ལའི་ཤིང་ལ་འཁྲི་ཤིང་ལྟར།། གང་ཞིག་ཤན་དུ་ཁྲིམས་འཆལ་ཏེ།།
228b2 ཇི་ལྟར་རང་ལ་དགྲ་བཞིན་དུ།། དེ་ན་དེ་ལྟར་བྱེད་པར་འདོད།། མགོ་བོ་སྐྱེ་བོར་གྱུར་པར་དུ།། ད་དུང་རྒན་རབས་མ་ཆུད་པ། དེ་ནི་ལང་ཚོག་ཏུགས་པ་སྟེ། དེ་ནི་རྒན་བླུན་ཞེས་བྱའོ།། གང་ཞིག་དགེ་དང་སྡིག་པ་དག། སྤངས་ཤིང་ཚངས་པར
228b3 སྤྱོད་པ་དང་། ། སྡེ་ཚོགས་སྤངས་ནས་སྤྱོད་བྱེད་པ།། དེ་ནི་རྒན་རབས་ཞེས་བྱའོ།། བརྟུལ་ཞུགས་མེད་ཅིང་རྫུན་སྨྲན།། མགོ་བོ་བྲེགས་ཙམ་དགེ་སྦྱོང་མིན།། རྨོངས་པ་འདོད་ལ་ཞུགས་པ་དག། ཇིག་དགེ་སྦྱོང་ཡིན་ནམ་ཀེ། བརྟུལ
228b4 ཤུགས་མེད་ཅིང་བརྫུན་སྨྲན། མགོ་བོ་བྲེགས་ཙམ་དགེ་སྦྱོང་མིན།། གང་ཞིག་སྡིག་པ་ཞི་གྱུར་ཏེ།། མཁས་པས་དགེ་སྦྱོང་ཡིན་པར་ཤེས།། བརྟུལ་ཤུགས་མེད་ཅིང་བརྫུན་སྨྲན།། མགོ་བོ་བྲེགས་ཙམ་དགེ་སྦྱོང་མིན།། གང་དག
228b5 སྡིག་པ་ཆེན་ཕྲ་དག། ཀུན་ལ་བརྟགས་ནས་བྱེད་པ་དང་།། སྡིག་པ་ཞི་བ་དེ་དག་དང་།། དགེ་སྦྱོང་ཉིད་ཅེས་བརྗོད་པར་བྱ།། སྡིག་པ་སྤངས་པ་བྲམ་ཟེ་སྟེ།། ཞི་བར་བྱེད་པ་དགེ་སྦྱོང་ཡིན།། བདག་གི་དྲི་མ་རབ་སྤངས་པ།། དེས་ན་རབ
228b6 ཏུ་བྱུང་ཞེས་བརྗོད། ། དགེ་སྦྱོང་གི་མཚོམས་ཏེ་ཅུ་གཅིག་པའོ།། གང་ཚེ་འཕགས་པའི་བདེན་པ་བཞི།། ཤེས་རབ་ཀྱིས་ནི་མཐོང་བ་དང་།། ལམ་འདི་རབ་ཏུ་ཤེས་པ་ཡིས།། སྲིད་པའི་སྲིད་པ་རབ་ཏུ་འདྲལ།། དཔེར་ན་རླུང་གིས་རྡུལ
228b7 བསླང་བ། ། ཆར་པ་བབ་པས་ཞི་བྱེད་ལྟར།། གང་ཚེ་ཤེས་རབ་ཀྱིས་མཐོང་བ།། དེ་ཚེ་ཀུན་རྟོག་ཞི་བར་འགྱུར།། གང་ཞིག་ལེགས་པར་རྟོགས་པ་ཡིས།། སྐྱེ་ཤི་ལེགས་པར་ཟད་འགྱུར་ཞིང་།། འཇིག་རྟེན་ངེས་འབྱེད་འགྱུར་བ་ཡི།།
228b8 ཤེས་རབ་དེ་ནི་གཙོ་བོ་ཡིན།། བདེན་པའི་ནང་ན་བདེན་བཞི་དང་།། ལམ་ནང་ཡན་ལག་བརྒྱད་པ་མཆོག། རྐང་གཉིས་ནང་ན་མིག་ཅན་དང་།། ཆོས་ཀྱི་ནང་ན་ཆགས་བྲལ་མཆོག། འདུ་བྱེད་ཐམས་ཅད་མི་རྟག་པར།། གང་ཚེ་ཤེས་རབ
iiif viewer powered by OpenSeadragon
