| e-texts navigator |
| Wylie |
224b1 བདག་དགོས་གཞན་ལ་གནོད་མི་བྱ། ། ཐམས་ཅད་ལ་ཡང་སྲོག་འདི་སྡུག། ཐམས་ཅད་ཆད་པས་འཇིགས་པ་ན།། རང་གི་ཉམས་ལས་དཔག་གྱིས་ཏེ།། བརྡེག་པར་མི་བྱ་བསད་མི་བྱ།། རྒྱང་ཐག་བཅད་པར་སྤགས་པའི་ནི།།
224b2 རིང་ནས་ཉེ་ཞོ་མེད་འོངས་ན།། གཉེན་བཤེས་མཛའ་བོ་ལྷགས་ནས་སུ།། ཨ་ལ་ལ་ཞེས་མངོན་པར་དགའ།། དེ་བཞིན་བསོད་ནམས་བྱས་པའི་མི།། འཇིག་རྟེན་འདི་ནས་ཕ་རོལ་ཏུ།། ཕྱིན་ཚེ་གཉེན་བཞིན་བསོད་ནམས་དག། འོངས་ནས་མངོན
224b3 པར་དགའ་བར་བྱེད། ། དེ་བས་འཇིག་རྟེན་ཕ་རོལ་གྱི།། ཆེད་དུ་བསོད་ནམས་བསགས་པར་གྱིས།། བསོད་ནམས་འཇིག་རྟེན་ཕ་རོལ་ཏུ།། ལུས་ཅན་རྣམས་ཀྱི་གནས་སུ་འགྱུར།། གང་ཞིག་ལེགས་སྤྱད་སྤྱོད་བྱེད་པའི།། དགེ་ལ་ལྷ་རྣམས
224b4 བསྟོད་པར་བྱེད། ། འདི་ནའང་སྨད་པར་མི་འགྱུར་ལ།། མཐོ་རིས་སུ་ཡང་དགའ་བ་འཐོབ།། ཆོས་གནས་ཚུལ་ཁྲིམས་ཕུན་སུམ་ཚོགས།། ངོ་ཚ་ཤེས་ཤིང་བདེ་བར་སྨྲ།། རང་གི་བྱ་བ་བྱེད་པ་ལ།། སྐྱེ་བོ་གཞན་རྣམས་དགའ་བར་བྱེད།། རང་གི་དོན
224b5 ནི་བྱེད་པ་ལ། ། འདི་ལྟར་གཞན་རྣམས་དགའ་འགྱུར་ཞིང་།། མཐོང་བའི་ཆོས་ལ་བསྔགས་པ་དང་།། ཕ་རོལ་ཏུ་ཡང་བདེ་འགྲོར་འགྱུར།། གཏམས་ན་གནང་བའི་ཚིག་སྨྲ་དང་།། མི་རིགས་སྤྱོད་ལས་ཟློག་པ་ལ།། དམ་པ་རྣམས་ནི་དགའ་བར
224b6 བྱེད། ། དམ་པ་མ་ཡིན་དགའ་མི་འགྱུར།། དེ་བས་མཆོག་དང་མཆོག་མིན་པ།། ཤི་འཕོས་བྲལ་བར་གྱུར་པ་ན།། དམ་པ་མ་ཡིན་དམྱལ་བར་འགྲོ།། དམ་པ་མཐོ་རིས་འགྲོ་བར་འགྱུར།། སྡུག་པའི་ཚོམས་ཏེ་ལྔ་པའོ།། །། བསྔགས
224b7 པར་འགྱུར་དང་ནོར་འཐོབ་དང་། ། ཕ་རོལ་བདེ་འགྲོར་དགའ་འགྱུར་བའི།། བདེ་བ་གསུམ་པོ་དོན་གཉེར་བའི།། མཁས་པས་ཚུལ་ཁྲིམས་བསྲུང་བར་བྱ།། འཕགས་དང་མཐོང་བ་ཕུན་ཚེགས་དང་།། འཇིག་རྟེན་ཞི་བ་རྟེན་འགྱུར་བའི།། གནས
224b8 གཞན་འདི་དག་མཐོང་བ་ཡི། ། མཁས་པས་ཚུལ་ཁྲིམས་བསྲུང་བར་བྱ།། ལུས་ལ་ཡོངས་སུ་གདུང་མེད་པར།། ཚུལ་ཁྲིམས་ཀྱིས་ནི་བདེ་བ་འཐོབ།། མཚན་མོ་བདེ་བར་ཉལ་བ་དང་།། སད་པ་ན་ཡང་དགའ་བར་འགྱུར།། སྦྱིན
iiif viewer powered by OpenSeadragon
