| e-texts navigator |
| Wylie |
224a1 པའི།། མྱ་ངན་མི་བཟད་སྐྱེ་བར་འགྱུར།། སྡུག་པ་ཤི་བར་གྱུར་པ་ན།། གཉེན་འདུན་མཛའ་བཤེས་མང་པོ་དག། ཡུན་རིང་དུས་སུ་མྱ་ངན་དང་།། སྡུག་དང་བྲལ་བས་སྡུག་བསྔལ་འགྱུར།། གང་ལ་སྡུག་དང་སྡུག་མིན་མེད།།
224a2 དེ་ལ་མདུད་པ་ཡོད་མིན་པས།། དེ་ལྟས་སྡུག་ཉིད་སྡིག་ཅན་ལ།། སྡུག་པར་བྱེད་པ་མི་བྱའོ།། སྡུག་ལ་བལྟས་ཏེ་དོན་བཏང་ནས།། བདེ་སྦྱོར་རྣམས་ལ་མི་འཇུག་ཅིང་།། བདག་ཉིད་མོ་བདེའི་སྦྱོར་ལྡན་དག། བདེ་སྦྱོར་དོན་ལྡན་རྣམས་ལ
224a3 སྨོན། ། གཟུགས་སྡུག་བདེ་བས་བསྡམས་པ་དག། ལྷ་མི་སོ་སོའི་རིས་དག་ཏུ།། སྡིག་པ་བྱེད་ཅིང་ཡོངས་ཉམས་ནས།། རྒ་དང་འཆི་བའི་དབང་དུ་འགྲོ།། གང་ཞིག་ཉིན་དང་མཚན་རྣམས་སུ།། བག་ཡོད་གཟུགས་སྡུག་སྤོང་བྱེད་པ།། དེས་ནི
224a4 སྤང་དཀའ་བདུད་ཟས་དང་། ། སྡིག་པའི་རྩ་བའང་དྲངས་ནས་ཕྱུང་།། ལེགས་མིན་ལེགས་པའི་ཚུལ་དང་ནི།། སྡུག་མིན་སྡུག་པའི་ཚུལ་གྱིས་དང་།། སྡུག་བསྔལ་བདེ་བའི་ཚུལ་གྱིས་སུ།། བག་མེད་རྣམས་ནི་མངོན་དུ་འཇོམས།། གལ་ཏེ
224a5 བདག་ལ་དགའ་བྱེད་ན། ། ཉེས་པར་བྱེད་པས་བདེ་བ་དག། བདེ་བླག་ཁོ་ནར་མི་འཐོབ་པས།། འདི་ནི་སྡུག་ལ་གཞུག་མི་བྱ།། གལ་ཏེ་བདག་ལ་དགའ་བྱེད་ན།། ལེགས་པར་བྱེད་པས་བདེ་བ་དག། བདེ་བླག་ཁོ་ནར་ཐོབ་འགྱུར་བས།།
224a6 འདི་ནི་སྡིག་ལ་གཞུག་མི་བྱ།། དཔེར་ན་དགོན་པའི་གྲོང་ཁྱེར་དག། བརྟན་པའི་འོབས་ཀྱིས་བསྐོར་བ་ལྟར།། གལ་ཏེ་བདག་ལ་དགའ་བྱེད་ན།། འདི་ནི་བསྲུང་བས་ལེགས་པར་བསྲུང་།། གལ་ཏེ་བདག་ལ་དགའ་བྱེད་ན།། ཐུན་གསུམ
224a7 གང་ཡང་རུང་བ་ལ། ། མཁས་པས་མེལ་རྩེ་བྱ་བ་ཡིས།། འདི་ནི་སྦ་བས་ལེགས་པར་སྦ།། དཔེར་ན་དགོན་པའི་གྲོང་ཁྱེར་དག། ཕྱི་ནང་སྲུང་བར་བྱེད་པ་ལྟར།། དལ་འབྱོར་ཆུད་ནི་མི་ཟོས་པ།། དེ་ལྟར་བདག་ནི་བསྲུངས་པར་བྱ།། སེམས
224a8 ཅན་དམྱལ་བར་སྐྱེ་ན་ཡང་། ། དལ་འབྱོར་ཐལ་བས་བགྱོད་པར་འོད།། ཕྱོགས་རྣམས་ཀུན་དུ་སེམས་ཀྱིས་ཡོངས་བརྟགས་ཀྱང་།། བདག་ལས་ཆེས་སྡུག་འགའ་ཡང་མ་མཐོང་བ།། དེ་ལྟར་སོ་སོར་གཞན་ལའང་རང་སྡུག་པས།། དེ་ཕྱིར
iiif viewer powered by OpenSeadragon
