| e-texts navigator |
| Wylie |
223a1 ནི་ཟད་པར་འགྱུར།། གང་གི་ཟག་པ་ཟད་གྱུར་པ།། དེས་ནི་ཟག་མེད་ཐོབ་པར་འགྱུར།། ཇི་ཙམ་མང་དུ་སྨྲ་བྱེད་པ།། དེ་དག་དམ་ཆོས་འཛིན་མ་ཡིན།། གང་དག་འདི་ན་ཐོས་ཉུང་ཡང་།། ལུས་ཀྱིས་ཆོས་དག་མངོན་སུམ་བྱས
223a2 གང་དག་ཆོས་ལ་བག་བྱེད་པ། ། དེ་དག་དམ་ཆོས་འཛིན་པ་ཡིན།། གལ་ཏེ་རིགས་བཅས་མང་དུ་སྨྲས་ཀྱང་ནི།། བག་མེད་མེ་དག་དེ་ལྟར་བྱེད་མི་འགྱུར།། དཔེར་ན་ཕྱུགས་རྫིས་གཞན་གྱི་ཕྱུགས་བགྲངས་ལྟར།། དེ་དག་དགེ་སྦྱོང
223a3 སྐལ་པ་ཐོབ་མ་ཡིན། ། གལ་ཏེ་རིགས་བཅས་ཉུང་ངུ་སྨྲ་བྱེད་ཀྱང་།། ཆོས་ཀྱི་རྗེས་སུ་ཆོས་ལ་སྤྱོད་པ་དང་།། འདོད་ཆགས་ཞེ་སྡང་གཏི་མུག་སྤོང་བྱེད་པ།། དེ་དག་དགེ་སྦྱོང་སྐལ་པ་ཐོབ་པ་ཡིན།། བག་ཡོད་བསྔགས་པ་རྗོད་བྱེད
223a4 ཅིང་། ། རྟག་ཏུ་བག་མེད་ལ་སྨོད་པས།། བག་ཡོད་མཆོད་སྦྱིན་བརྒྱ་པ་ཡང་།། ལྷ་རྣམས་ནང་ན་གཙོ་བོར་གྱུར།། བྱ་བ་བྱས་རུང་མ་བྱས་རུང་།། མཁས་པ་བག་ཡོད་བསྔགས་པ་བརྗོད།། བག་དང་ཆོས་པའི་མཁས་པ་ཡིས།། དོན
223a5 གཉིས་རབ་དུ་ལེན་པར་བྱེད། ། ཚེ་འདིའི་དོན་ནི་གང་ཡིན་དང་།། ཕྱི་མའི་དོན་ནི་གང་ཡིན་པ།། དེ་དག་བརྟན་པས་རྟོགས་པས་ན།། མཁས་པ་ཞེས་ནི་བརྗོད་པ་ཡིན།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས།
223a6 ལྟ་བས།། བདག་ཉིད་ངན་འགྲོ་ལས་འབྲེལ་ཏེ།། འདམ་རྫབ་ལས་ནི་གླང་ཆེན་བཞིན།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། སྡིག་པའི་ཆོས་རྣམས་སྤྲུག་པར་བྱེད།། རླུང་གི་ས་ལྗོན་ཤིང་ལོ་མ་བཞིན།
223a7 དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། ཀུན་ཏུ་སྦྱོར་བ་ཕྲ་སྦོམ་དག། མེ་ཡིས་སྲེགས་པ་བཞིན་དུ་འགྲོ།། དགེ་སྦྱོང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། ཀུན་ཏུ་སྦྱོར་བ
223a8 ཀུན་ཟད་པ། ། རིམ་གྱིས་ཉམས་སུ་མྱོང་བར་འགྱུར།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། འདུ་བྱེད་ཉེར་ཞི་ཞི་བ་ཡི།། ཞི་བའི་གོ་འཕང་སོ་སོར་རྟོགས།། དགེ་སློང་བག་ཡོད་ལ་དགའ་ཞིང་།། བག་མེད་པ
iiif viewer powered by OpenSeadragon
