| e-texts navigator |
| Wylie |
221a1 དེ་དག་ཀྱེ་མ་ཆོས་མིན་དགའ།། ཆུང་ཟད་གསོན་པོར་འདུག་པ་ན།། བར་ཆད་མཐོང་བར་མི་འགྱུར་རོ།། བློ་ངན་ལོངས་སྤྱོད་ཀྱིས་བཅོམ་པས།། ཕ་རོལ་ཚོལ་བར་མི་བྱེད་ཅིང་།། བསམ་བརླག་འདོད་ལ་སྲེད་པ་ཡིས།།
221a2 བདག་དང་གཞན་ཡང་ཕུང་བར་བྱེད།། ཀར་ཤ་པ་ནའི་ཆར་བབ་ཀྱང་།། འདོད་པ་རྣམས་ཀྱིས་ངོམས་མི་འགྱུར།། འདོད་པ་མནོག་ཆུད་ཉེས་མེད་པར།། མཁས་པ་རྣམས་ཀྱིས་ཁོང་དུ་ཆུད།། ལྷ་ཡི་འདོད་པ་རྣམས་ལ་ཡང་།། ལྷག
221a3 པར་དགའ་བར་མི་འགྱུར་གྱི། ། རྫོགས་སངས་རྒྱས་དང་ཉན་ཐོས་རྣམས།། སྲེད་པ་ཟད་པས་དགྱེས་པར་འགྱུར།། གངས་ཅན་དང་ནི་མཉམ་པ་ཡི།། གསེར་གྱི་རི་བོ་ཡོད་གྱུར་ཀྱང་།། ནོར་དེས་གཅིག་ཀྱང་མི་ཚིམ་པར།། རྟོགས
221a4 པར་གྱིས་ལ་ལེགས་པར་སྤྱོད། ། གང་དག་སྡུག་བསྔལ་དེ་ཡི་རྒྱུ་ཤེས་པ།། དེ་དག་ནམ་ཡང་འདོད་ལ་དགའ་མི་འགྱུར།། འཇིག་རྟེན་དག་ན་ཟུག་རྔུའི་རྒྱུར་ཤེས་ནས།། དེ་དག་གདུལ་ཕྱིར་བརྟན་པ་སློབ་པར་བྱེད།། འདོད་པའི
221a5 ཚོམས་ཏེ་གཉིས་པའོ། ། ལུས་ཅན་རྣམ་པར་རྟོག་པས་རབ་བཅོམ་པ།། འདོད་ཆགས་མི་བཟད་གཙང་བར་རྗེས་ལྟ་བས།། འདོད་ཆགས་ཕྱིར་ཞིང་རབ་ཏུ་འཕེལ་འགྱུར་ཏེ།། རང་གི་འཆིང་བ་དེ་ཡིས་དམ་པོར་བྱེད།། གང
221a6 དག་རྣམ་རྟོག་ཉེ་བར་ཞི་དགའ་ཞིང་། ། མི་སྡུག་སྒོམ་པ་རྟག་ཏུ་དྲན་བྱེད་དེ།། ང་ཡི་སྲེད་པ་རབ་ཏུ་སྤངས་པ་ཡིས།། རང་གི་འཆིང་བ་དེ་དག་རུལ་བར་བྱེད།། འདོད་པ་མུན་ནག་འདྲ་བས་གཡོགས།། སྲེད་པའི་དགའ་བས་བཀབ
221a7 དང་། ། བག་མེད་འཆིང་བས་བཅིངས་བདག། ཚད་མར་ཆུད་པའི་ཉེ་དང་འདྲ།། སྐྱེས་བུ་བག་མེད་རབ་ཏུ་སྤྱོད་བྱེད་པ།། འཁྲི་ཤིང་བཞིན་དུ་སྲེད་པ་འཕེལ་འགྱུར་ཞིང་།། རྒ་དང་འཆི་བའི་རྗེས་སུ་འགྲོ་འགྱུར་ཏེ།། མ་དྲུང་མུན
221a8 འདོད་པའི་བེའུ་དང་འདྲ། ། མི་དག་དྲན་པར་བྱེད་དང་ཆགས་བྱེད་དང་།། ཡིད་བདེ་བ་ལ་རྟོག་པར་བྱེད་པ་དག། དེ་ཡིས་ཡང་དང་ཡང་དུ་འཁོར་བར་འཁྱམས།། ཚལ་ནད་འབྲས་བུ་འདོད་པའི་སྤྲེའུ་དང་མཚུངས།། མི་གང་རྟག་ཏུ་བདེ
iiif viewer powered by OpenSeadragon
