| e-texts navigator |
| Wylie |
220b1 ལ་འབྲས་བུ་ཚེ།། མེ་སྒྲོན་ལག་ནས་མ་བོར་བ།། མཇུག་ཏུ་བྱིས་པ་སྲེག་བྱེད་བཞིན།། ནོར་བུའི་རྣ་ཆ་བུ་དང་བུ་མོ་ལ།། ཡོངས་སུ་ཆགས་སེམས་གང་ཡིན་ལ་ལྟོས་ན།། ལྕགས་ཤིང་གྲེས་མ་ལས་བྱས་ཆིངས་མ་གང་།། དེ་དག་དམ
220b2 པོ་མིན་ཞེས་འཕགས་པ་གསུང་། ། འདོད་པའི་ཆིངས་མ་གང་ཡིན་དེ་ལྷོད་ཀྱང་།། རབ་ཏུ་དགྲོལ་བར་དཀའ་ནས་འཕགས་པས་གསུངས།། བརྟན་རྣམས་འདོད་པའི་བདེ་ལ་མི་ལྟ་བར།། དེ་དག་གཏུབས་ནས་མྱུར་དུ་འགྲོ་བར
220b3 བྱེད། ། འཇིག་རྟེན་སྣ་ཚོགས་གང་དེ་འདོད་མིན་གྱི།། སྐྱེས་བུའི་ཀུན་རྟོག་འདོད་ཆགས་འདོད་པ་ཡིན།། འཇིག་རྟེན་སྣ་ཚོགས་དེ་བཞིན་གནས་ཀྱང་ནི།། འོན་ཀྱང་བརྟན་རྣམས་འདི་ལ་འདུན་པ་འདུལ།། མི་རྣམས་ལ་ནི་རྟག
220b4 པའི་འདོད་པ་མེད། ། འདོད་ཅན་གང་ལ་ཆགས་དེ་མི་རྟག་པས།། ཡང་སྲིད་མེད་ཕྱིར་སེམས་ཀྱིས་རབ་སྤོངས་ལ།། འཆི་བའི་གནས་མི་འགྱུར་བར་བྱོས་ཤེས་གསུངས།། འདུན་པ་སྐྱེས་ཤིང་ཟད་པར་མི་བྱེད་དམ།། །
220b5 སེམས་ལ་སྐྱོན་མེད་པ་དང་དྲན་པ་དང་།། འདོད་པ་རྣམས་ལ་སོ་སོར་མ་ཆགས་གང་།། དེ་ནི་གོང་དུ་འཕོ་བ་ཡིན་ཞེས་གསུངས།། མགར་བ་ཡིས་ནི་དངུལ་བཞིན་དུ།། བློ་གྲོས་ལྡན་པས་རིམ་པ་བཞིན།། སྐད
220b6 ཅིག་སྐད་ཅིག་ཆུད་ཟད་ཙམ། ། རང་གི་དྲི་མ་བཙལ་བར་བྱ།། ལྷམ་མཁན་གྱིས་ནི་ཀོ་བ་དག། ཡོངས་སུ་སྦྱངས་ནས་ལྷམ་བྱེད་ལྟར།། འདོད་པ་གང་དང་གང་སྤངས་པ།། དེ་དེ་བདེ་བ་ཕུན་སུམ་ལྡན།། གལ་ཏེ་བདེ་བ
220b7 ཀུན་འདོད་ན། ། འདོད་པ་ཐམས་ཅད་ཡོངས་སུ་སྤོངས།། འདོད་པ་ཐམས་ཅད་ཡོངས་སྤངས་པས།། མཆོག་ཏུ་བདེ་བ་ཐོབ་པར་འགྱུར།། ཇི་སྲིད་འདོད་པའི་རྗེས་འབྲང་བ།། དེ་སྲིད་བར་དུ་དོམས་མི་འགྱུར།། དེ་ལས་གང་དག
220b8 ཤེས་རབ་ཀྱིས། ། ལྡོག་བྱེད་དེ་དག་ཚིམ་པ་ཐོབ།། འདོད་པས་ངོམས་པར་མི་འགྱུར་བས།། ཤེས་རབ་ཀྱིས་ནི་ངོམས་པ་སྐྱིད།། ཤེས་རབ་ཀྱིས་ནི་ངོམས་པའི་མི།། སྲིད་པའི་དབང་དུ་མི་འགྱུར་རོ།། འདོད་ལ་ཆགས་པའི་མི་གང་ཡིན།། །
iiif viewer powered by OpenSeadragon
