| e-texts navigator |
| Wylie |
219b1 བདེ་འགྲོ་སྟེ། ། གཞན་དག་གིས་ནི་ལམ་བསྒོམས་པས།། ཟག་མེད་མྱ་ངན་འདས་པར་འགྱུར།། གང་ཡང་སངས་རྒྱས་རང་སངས་རྒྱས།། སངས་རྒྱས་རྣམས་ཀྱི་ཉན་ཐོས་ཀྱང་།། སྐུ་ལུས་འདི་ནི་སྤོང་མཛད་ན།། སྐྱེ་བོ་པལ
219b2 པ་སྨོས་ཅི་དགོས། ། གང་དུ་གནས་ན་འཆི་བས་མི་ཚུགས་པའི།། ས་ཕྱོགས་དེ་ནི་ཡོད་པ་མ་ཡིན་ཏེ།། བར་སྣང་ལ་མེད་རྒྱ་མཚོའི་ནང་ན་མེད།། རི་བོ་རྣམས་ཀྱི་གསེབ་ཏུ་ཞུགས་ནའང་མ་ནི།། བྱུང་དང་འབྱུང་བར་འགྱུར་བ་ཇི་སྙེད
219b3 པ། ཀུན་གྱིས་ལུས་འདི་བཏང་ནས་འགྲོ་བ་དང་།། དེ་ཀུན་འཇིགས་པར་མཁས་པས་རྟོགས་ཀྱིས་ཏེ།། ཆོས་ལ་གནས་ཀྱིས་ཚངས་པར་སྤྱད་པ་སྤྱོད།། རྒ་བ་མཐོང་ཞིང་ནད་ཀྱིས་སྡུག་བསྔལ་དང་།། སེམས་དང་བྲལ་བའི་ཤི
219b4 བ་མཐོང་ནས་ནི། ། བརྟན་པས་བཙོན་ར་འདྲ་བའི་ཁྱིམ་སྤངས་ཀྱི།། འཇིག་རྟེན་ཕལ་པས་འདོད་སྤང་ནུས་རེ་སྐན། རྒྱལ་པོའི་ཤིང་རྟ་ཤན་དུ་བཀྲ་བའང་འཇིག། དེ་བཞིན་ལུས་ཀྱང་ཉེ་བར་རྒ་བར་འགྱུར།། དམ་པ་རྣམས
219b5 ཀྱི་ཆོས་འདི་དམ་པ་སྟེ། ། མི་མཆོག་གཞན་རྟོགས་བྱེད་ཅིང་རྒ་མི་འགྱུར།། རྒ་བ་ཁྱོད་ནི་བླུན་ཞིང་ངན།། ཁྱོད་ནི་མི་རགས་བྱེད་པ་སྟེ།། ཡིད་དུ་འོང་བའི་གཟུགས་འདི་ཡང་།། ཁྱོད་ཀྱིས་མངོན་པར་བཅོམ་པར་གྱུར།། གང
219b6 ཞིག་ལོ་ནི་བརྒྱུར་འཚོ་བ། ། དེ་ཡང་འཆི་བདག་ཉིད་ཀྱིས་ཁྲིད།། འདི་དག་རྒ་བར་འགྱུར་བ་འམ།། ཡང་ན་ན་བའང་འཆི་བས་འཇོམས།། རྟག་ཏུ་ལྡོག་པ་མེད་པར་འགྲོ་འགྱུར་ཞིང་།། ཉིན་དང་མཚན་དུ་རབ་ཏུ་འཇིགས་པ་དང་།
219b7 སྐྱེ་དང་འཆི་བའི་སྡུག་བསྔལ་དང་ལྡན་པ།། ཆུ་ཆེན་ནང་དུ་གདུས་པའི་ཉ་དང་འདྲ།། ཚེ་འདི་ཉིན་དང་མཚན་མོ་དང་།། འགྲོ་བ་དང་ནི་འདུག་པ་ན།། ཆུ་ཀླུང་ཆེན་པོའི་རྒྱུན་བཞིན་དུ།། ཕྱིར་མི་ལྡོག་པར་འགྲོ་བར་འགྱུར།། ཆུ
219b8 ཆུང་ནང་གི་ཉ་ལྟ་བུར། ། གང་ཞིག་ཉིན་མཚན་འདའ་བ་ཡིས།། ཚེ་འདི་ཤིན་དུ་ཐུང་འགྱུར་ན།། དེ་ལ་དགའ་བར་བྱར་ཅི་ཡོད།། གསོན་མཐའ་འཆི་བ་ཡིན་པའི་ཕྱིར།། ལུས་འདི་ཡོངས་སུ་རྒ་བ་དང་།། ནད་ཀྱི་ཚད་འདི་མྱུར
iiif viewer powered by OpenSeadragon
