| e-texts navigator |
| Wylie |
208a1 དང་སྒྲ་དང་དྲི་དང་རོ་དང་རེག་བྱ་རྣམས་ཀྱིས་དགའ་བར་བྱེད་དེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་ལྔ་པ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ།
208a2 དང་། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་ཡིད་རངས་ཏེ་མངོན་པར་བསྟོད་དོ།། འཕགས་པ་དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བསྟན་པ་ཞེས་བྱ་བའི་ཆོས་ཀྱི་རྣམ་གྲངས་རྫོགས་སྷོ།
208a3 རྒྱ་གར་གྱི་མཁན་པོ་དྷ་མཱ་ཀ་ར་དང་། ལོ་ཙྪ་བ་བན་དེ་ཡེ་ཤེས་སྙིང་པོས་སྒྱུར། བན་དེ་དཔལ་བརྩེགས་ཀྱིས་ཞུ་ཆེན་བགྱིས་ཏེ་གཏན་ལ་ཕབ་པ།། རྒྱ་གར་སྐད་དུ། ཙེ་ཏྱ་པྲ་བཀྵི་ཎ་གཱ་ཐཱ། བོད་སྐད་དུ། མཆོད་རྟེན་བསྐོར་བའི་ཚིགས་སུ་བཅད་པ། དཀོན
208a4 མཆོག་གསུམ་ལ་ཕྱག་འཚལ་ལོ། ། ཤེས་རབ་བློ་ལྡན་འཇིག་རྟེན་ན།། ཆོས་ཀྱི་འཁོར་ལོ་རྗེས་བསྐོར་བ།། ཤེས་རབ་ཆེན་པོ་ཤཱ་རིའི་བུས།། སྟོན་པ་ལ་ནི་ཞུ་བ་ཞུས། མཆོད་རྟེན་བསྐོར་བ་བགྱིས་པ་ཡིས།། རྣམ་པར་སྨིན་པ་ཅིར་འགྱུར་བ། སྐལ་པ
208a5 ཆེན་པོའི་འཇིག་རྟེན་མཆོག། རྣམ་པར་འདྲེན་པས་བདག་ལ་གསུངས།། རྫོགས་པའི་སངས་རྒྱས་རྐང་གཉིས་མཆོག། སྟོན་པས་དེ་ལ་བཀའ་སྩལ་པ།། མཆོད་རྟེན་བསྐོར་བ་བྱས་པ་ཡི།། ཡོན་ཏན་གང་ཡིན་ཕྱོགས་ཙམ་བསྟན།། མཆོད་རྟེན་སྐོར
208a6 བ་བྱས་པ་ཡིས། ། ལྷ་ཀླུ་གནོད་སྦྱིན་དྲི་ཟ་དང་། ལྷ་མིན་མཁའ་ལྡིང་མི་འམ་ཅི།། ལྟོ་འཕྱེ་ཆེ་རྣམས་མཆོད་བྱེད་འགྱུར།། དལ་བ་རྙེད་དཀའ་ཐོབ་གྱུར་ནས།། སྐད་ཅིག་གཅིག་ཙམ་བར་དུ་ཡང་།། མཆོད་རྟེན་བསྐོར་བ་བྱས་པས་ནི།། མི་ཁོམ་བརྒྱད་རྣམ
208a7 སྤོང་བར་འགྱུར། ། མཆོད་རྟེན་བསྐོར་བ་བྱས་པས་ནི།། དྲན་དང་ལྡན་ཞིང་བློ་གྲོས་ལྡན།། ཁ་དོག་ལྡན་ཞིང་འཛངས་པ་དང་།། ཐམས་ཅད་དུ་ནི་མཆོད་པར་འགྱུར།། མཆོད་རྟེན་བསྐོར་བ་བྱས་པས་ནི།། ལྷ་དང་དེ་བཞིན་མི་རྣམས་ཀྱིས།། ཚེ་རིང་བ་ཡང་དེ་ཡིས།
208a8 འཐོག་གྲགས་པ་ཆེན་པོའང་འཐོབ་པར་འགྱུར།། མཆོད་རྟེན་བསྐོར་བ་བྱས་པས་ནི།། འཛམ་བུའི་གླིང་དུ་རུས་ཀྱི་མཆོག། ཚེ་རིགས་ཡོངས་སུ་དག་པར་ཡང་།། བློ་ལྡན་དེ་ནི་སྐྱེ་བར་འགྱུར།། མཆོད་རྟེན་བསྐོར་བ་བྱས་པས་ནི།། ཁ་བཞིན་དག་ཀྱང་བཟང
iiif viewer powered by OpenSeadragon
