| e-texts navigator |
| Wylie |
203a1 འདུན་པ་དང་བརྩོན་འགྲུས་དང་དབེན་པ་དང་ཕྱིར་མི་ཟློག་པའོ།། ཆོས་ལྔ་པོ་གང་དག་བསྒོམ་པ་ཡོངས་སུ་རྫོགས་པར་འགྱུར་ཞེ་ན། མཆོག་ཏུ་དགའ་བ་དང་དགའ་བ་དང་ཤིན་དུ་སྦྱངས་པ་དང་བདེ་བ་དང་ཏིང་ངེ་འཛིན་ཏོ།། ཚེ་དང
203a2 ལྡན་པ་དག་དེ་ཆོས་ལྔ་པོ་དེ་དག་ཀུན་དུ་བསགས་ཤིང་ཉེ་བར་བསགས་ན་ཟུག་རྔུ་བརྒྱད་མེད་པར་འགྱུར་ཏེ། འདི་ལྟ་སྟེ། འདོད་ཆགས་ཀྱི་ཟུག་རྔུ་དང་ཞེ་སྡང་གི་ཟུག་རྔུ་དང་གཏི་མུག་གི་ཟུག་རྔུ་དང་། ང་རྒྱལ་གྱི་ཟུག་རྔུ་དང་སྲེད་པའི་ཟུག་རྔུ
203a3 དང་ལྟ་བའི་ཟུག་རྔུ་དང་ཐེ་ཚོམ་དང་སོམ་ཉིའི་ཟུག་རྔུའོ། ། ཟུག་རྔུ་བརྒྱད་པོ་དེ་དག་མེད་པར་གྱུར་ན་མི་སློབ་པའི་ཆོས་བཅུ་ཐོབ་པར་འགྱུར་ཏེ། མི་སློབ་པའི་ཡང་དག་པའི་ལྟ་བ་དང་ཡང་དག་པའི་རྟོག་པ་དང་ཡང་དག་པའི་ངག་དང་ཡང
203a4 དག་པའི་ལས་ཀྱི་མཐའ་དང་ཡང་དག་པའི་འཚོ་བ་དང་ཡང་དག་པའི་རྩོལ་བ་དང་། ཡང་དག་པའི་དྲན་པ་དང་ཡང་དག་པའི་ཏིང་ངེ་འཛིན་དང་ཡང་དག་པའི་རྣམ་པར་གྲོལ་བ་དང་ཡང་དག་པའི་ཡེ་ཤེས་སོ།། མི་སློབ་པའི་ཆོས་བཅུ་པོ་དེ་དག
203a5 སྐྱེས་ཤིང་ཐོབ་སྟེ་ལྡན་ན་འཕགས་པ་ཡན་ལག་ལྔ་སྤངས་པ། ཡན་ལག་དྲུག་དང་ལྡན་པ་བསྲུངས་པ་གཅིག་པ། རྟོན་པ་བཞི་དང་ལྡན་པ་སོ་སོའི་བདེན་པ་བསལ་བ། བསལ་བ་སྤངས་པ། ཀུན་དུ་རྟོག་པའི་རྙོག་པ་མེད།། །
203a6 རྒྱ་གར་སྐད་དུ། ཨཱརྱ་ཨད་བྷུད་དྷརྨ་པརྱཱ་ཡ་ནཱ་མ། བོད་སྐད་དུ། འཕགས་པ་རྨད་དུ་བྱུང་བ་ཞེས་བྱ་བ་ཆོས་ཀྱི་རྣམ་གྲངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ
203a7 དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ།། དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོའི་དུས་ཀྱི་ཚེ་ཆོས་གོས་དང་ཤམ་ཐབས་བགོས་ཏེ། ལྷུང་ཟེད་ཐོགས་ནས་རྒྱལ
203a8 བོའི་ཁབ་ཏུ་བསོད་སྙོམས་ཀྱི་ཕྱིར་ཞུགས་ཏེ། ཚེ་དང་ལྡན་པ་ཀུན་དགའ་བོ་རྒྱལ་པོའི་ཁབ་ཀྱི་གྲོང་ཁྱེར་དུ་མཐར་ཆགས་སུ་བསོད་སྙོམས་པ་སྤྱོད་པའི་ཚེ་ཕྱོགས་ཤིག་ན་ཁང་པ་བརྩེགས་པ་སྒོ་བརྒྱད་བཅུ་ཡོད་ལ། བྱུག་པས་བྱུགས་པ།
iiif viewer powered by OpenSeadragon
