| e-texts navigator |
| Wylie |
193b1 པ། རང་དབང་ཅན་མ་འཕགས་པ། ཤིན་དུ་རྫོགས་པ།། མཁས་པས་བསྔགས་པ་མཁས་པ་དག་གིས་མ་སྨད་པ་དག་སྟེ། འདི་དག་ནི་ཀུན་ཏུ་ཞུགས་པའི་ཡན་ལག་བཞིའོ།། དགེ་སློང་དག་དེ་ལ་དེ་བཞིན་གཤེགས་པའི་སྟོབས་བཅུག་ནེ
193b2 དགེ་སློང་དག་དེ་ལ་དེ་བཞིན་གཤེགས་པ་ནི་གནས་ལ་ཡང་གནས་སུ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅིང་། གནས་མ་ཡིན་པ་ལ་ཡང་གནས་མ་ཡིན་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ནི་དེ་བཞིན
193b3 གཤེགས་པའི་སྟོབས་དང་པོའོ། ། འདས་པ་དང་། མ་འོངས་པ་དང་། ད་ལྟར་བྱུང་བའི་ལས་ཡང་དག་པར་འཛིན་པ་དང་། རྣམ་པར་སྨིན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། སེམས་ཅན་ཕ་རོལ་མོས་པ་དུ་མ་ཅན་དག་གི་མོས་པ
193b4 སྣ་ཚོགས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། ཁམས་དུམ་པའི་འཇིག་རྟེན་གྱི་ཁམས་ཀྱི་ཁམས་སྣ་ཚོགས་ཅན་དུ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། སེམས་ཅན་གཞན་དག་གི་དབང་པོ་མཆོག་དང་། མཆོག་མ
193b5 ཡིན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། ཐམས་ཅད་དུ་འགྲོ་བའི་ལམ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། སེམས་ཅན་གཞན་དག་གི་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན
193b6 དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ཀྱི་ཀུན་ནས་ཉོན་མོངས་པ་དང་། རྣམ་པར་བྱང་བ་རྣམ་པར་གཞག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ།། རྣམ་པ་དང་བཅས། ཡུལ་ཕྱོགས
193b7 དང་བཅས། རྒྱུ་ཅི་ལས་གྱུར་པ་དང་བཅས་པར་སྔོན་གྱིས་གནས་རྣམ་པ་དུ་མ་རྗེས་སུ་དྲན་ཏེ། སྐྱེ་བ་གཅིག་ཀྱང་རྗེས་སུ་དྲན་ནོ།། གཉིས་དང་གསུམ་དང་བཞི་ནས་སྐྱེ་བ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་རྗེས་སུ་དྲན་ནོ་ཞེས་རྒྱ་ཆེར
193b8 སྦྱར་རོ། ། ལྷའི་མག་རྣམ་པར་དག་པ་མི་ལས་འདས་པས་སེམས་སྐྱེ་བ་དང་། ལུས་དང་ངག་དང་ཡིད་ཀྱིས་ལེགས་པར་སྤྱད་པ་དང་། ཉེ་བར་སྤྱད་པ་དག་གིས་བདེ་འགྲོ་དང་།། ངན་འགྲོ་རྣམས་སུ་སྐྱེ་བ་དག་གི་སེམས་ཅན་གཟིགས
iiif viewer powered by OpenSeadragon
