| e-texts navigator |
| Wylie |
186a1 ཞེ་སྡང་ལས་བྱུང་བའི་སྡུག་བསྔལ་དང་། ཡིད་མི་བདེ་བརྒྱུན་མི་འཆད་པར་བྱེང་བ་མ་ཡིན། གཏི་མུག་གིགས་ཆུང་བས་གཏི་མུག་ལས་བྱུང་བའི་སྡུག་བསྔལ་དང་། ཡིད་མི་བདེ་བརྒྱུན་མི་འཆད་པར་མྱོང་བ་མ་ཡིན་ཡང་ངོ།
186a2 འཇིག་རྟེན་ལས་འདས་པའི་དབང་པོ་ལྔ་པོ་འདི་དག་བུལ་བ་དང་། ཞན་པ་དང་། མི་རྣོ་བ་དང་། མྱུར་བར་འཇུག་པ་མ་ཡིན་ནོ།། ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན།
186a3 གྱི་དབང་པོ་དང་། ཤེས་རབ་ཀྱི་དབང་པོའོ།། དེ་དབང་པོ་ལྔ་པོ་འདི་དག་བུལ་བ་དང་། ཞན་པ་དང་། མི་རྣོ་བ་དང་། འཇུག་པ་མི་མྱུར་བའི་ཕྱིར་འདི་ལྟ་སྟེ། ཟག་པ་རྣམས་ཟད་པར་བྱ་བ་ལ་བར་ཆད་མེད་པའི་ཏིང་ངེ་འཛིན་ལ་རེག་པ་བུལ་བ་ཉིད་དང
186a4 འདི་ནི་མངོན་པར་ཤེས་པ་བུལ་ལ་སླ་བའི་ལམ་མོ། ། དེ་ལ་མངོན་པར་ཤེས་པ་མྱུར་ལ་སླ་བའི་ལམ་གང་ཞེ་ན། འདི་ལ་ཁ་ཅིག་རང་བཞིན་གྱིས་འདོད་ཆགས་ཀྱི་ཤས་ཆུང་བ་ཡིན། ཞེ་སྡང་གི་ཤས་ཆུང་བ་ཡིན། གཏི་མུག་གི་ཤས་ཆུང་བ
186a5 ཡིན་ཏེ། དེ་འདོད་ཆགས་ཀྱི་ཤས་ཆུང་བས་འདོད་ཆགས་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་བ་མ་ཡིན།། ཞེ་སྡང་གི་ཤས་ཆུད་པས་ཞེ་སྡང་ལས་འབྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི
186a6 འཆད་པར་མྱོང་བ་མ་ཡིན། གཏི་མུག་གི་ཤས་ཆུང་བས་གཏི་མུག་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་ཡང་མྱོང་བ་མ་ཡིན་ལ་དེའི་འཇིག་རྟེན་ལས་འདས་པའི་དབང་པོ་ལྔ་པོ་འདི་དག་ཀྱང་ཆེ་བ་དང་། རྣོ་བ་དང
186a7 མྱུར་བར་འཇུག་པ་ཡིན་ནོ། ། ལྔ་གང་ཞེ་ན། འདི་ལྟ་སྟེ། དང་བའི་དབང་པོ་དག། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོའོ།། དེ་འཇིག་རྟེན་ལས་འདས་པའི་དབང་པོ་ལྔ་པོ
186a8 དེ་དག་ཆེ་བ་དང་། རྣོ་བ་དང་། མྱུར་བར་འཇུག་པའི་ཕྱིར་འདི་ལྟ་སྟེ། ཟག་པ་རྣམས་ཟད་པར་བྱ་བ་ལ་བར་ཆད་མེད་པའི་ཏིང་ངེ་འཛིན་ལ་རེག་པ་མྱུར་བ་ཉིད་དེ། འདི་ནི་མངོན་པར་ཤེས་པ་མྱུར་ལ་སླ་བའི་ལམ་སྟེ། འདི་དག་ནི་ལམ་བཞིའོ།། འདི་ལ
iiif viewer powered by OpenSeadragon
