| e-texts navigator |
| Wylie |
166b1 ནམ་མཁའ་མཐའ་ཡས་སྐྱེ་མཆེད་དུ་ཉེ་བར་གཏོགས་པ་དང་། རྣམ་ཤེས་མཐའ་ཡས་སྐྱེ་མཆེད་དུ་ཉེ་བར་གཏོགས་པ་དང་། ཅི་ཡང་མེད་པའི་སྐྱེ་མཆེད་དུ་ཉེ་བར་གཏོགས་པ་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུཉེ
166b2 བར་གཏོགས་པའི་ལྷ་རྣམས་ཏེ། དེ་དག་གི་གསོན་པའི་མཐའ་ཡང་འཆི་བ་ཡིན་ཞིང་མཐར་འཆི་བར་འགྱུར་བ་ཏེ། སྐྱེས་ནས་འཆི་བར་མི་འགྱུར་བ་མེད་དོ།། གང་ཡང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱ
166b3 ཁུར་བོར་བ་བདག་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་དེ་རྣམས་ཀྱང་ཡིད་དུ་འོང་བའི་ལུས་སྤོང་བར་བྱེད
166b4 པའི་ཆོས་ཅན་ནོ། ། གང་ཡང་རང་སངས་རྒྱས་བསེ་རུ་ལྟ་བུ་དང་། ཚོགས་ན་སྤྱོད་པ་བདག་ཉིད་གཅིག་པུ་འདུལ་བར་བྱེད་ཅིང་བདག་ཉིད་ཞི་བར་བྱེད་ལ། བདག་ཉིད་ཡོངས་སུ་མྱ་ངན་ལས་འདའ་བར་བྱེད་པ་དེ་རྣམས་ཀྱང་ཡིད་དུའོང
166b5 བའི་ལུས་སྤོང་བར་བྱེད་པའི་ཆོས་ཅན་ནོ། ། གང་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོབས་བཅུའི་སྟོབས་དང་ལྡན་པ། མི་འཇིགས་པ་རིནས་བསྙེངས་པ་མི་མངའ་བ། ཁྱུ་མཆོག་གི
166b6 གནསུ་ཞལ་གྱིས་འཆེ་བ། སྐུལ་སྲེད་མེད་ཀྱི་སྟོབས་བརྟན་པ་འདུས་པ། སེང་གེའི་སྒྲ་ཡང་དག་པར་སྒྲེགས་པ་དེ་རྣམས་ཀྱང་ཡིད་དུ་འོང་བའི་སྐུ་སྤོང་བར་མཛད་པའི་ཆོས་ཅན་ནོ།། དགེ་སློང་དག་དེ་བཞིན་དུ་སེམས
166b7 ཅན་ཐམས་ཅད་དང་། འབྱུང་པོ་ཐམས་ཅད་དང་། སྲོག་ཆགས་ཐམས་ཅད་ཀྱི་གསོན་པའི་མཐའ་ནི་འཆི་བ་ཡིན་ཞིང་མཐར་མཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ།། བཅོམ་ལྡན་འདས་ཀྱིས
166b8 དེ་སྐད་ཅེས་བཀའ་སྩལ་ཏོ། ། བདེ་བར་གཤེགས་པས་དེ་སྐད་གསུངས་ནས་སྟོན་པ་གཞན་ཡང་འདི་སྐད་བཀའ་སྩལ་ཏོ།། ཀྱེ་མ་འདུ་བྱེད་རྣམས་མི་རྟག། སྐྱེ་ཞིང་འཇིགས་པའི་ཆོས་ཅན་ཡིན། སྐྱེས་ནས་འཇིག་པར་འགྱུར
iiif viewer powered by OpenSeadragon
