| e-texts navigator |
| Wylie |
152b1 ཅན་དམྱལ་བ་རྣམས་ཀྱི་ཚེའི་ཚད་ནི་དེ་ལྟ་བུར་བརྩེས་པའི་ལོ་བཞི་སྟོང་ཐུབ་སྟེ། དེ་མིའི་ལྟེར་བརྩིས་ན་ལོ་བྱེ་བ་ཕྲག་ས་ཡ་གཉིས་དང་། བྱེ་བ་ཕྲག་དགུ་འབུམ་བཞི་ཁྲི་བཞི་སྟོང་དང་། བྱེ་བ་ཕྲག་བརྒྱད་ཡོད་དེ། བར་མ་དོར་འཆི་བ་ནི
152b2 ཡོད་དོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འཇིགས་སུ་རུང་ལ་དྲག་ཤུལ་ཅན།། ལག་པ་གཉིས་ན་ཁྲག་གིས་བསྡུས།། སྡིག་པའི་ལས་ནི་སྤྱད་པ་ཡིས། རྟན་ཏུ་ངུ་འབོད་འགྲོ་བར་འགྱུར།
152b3 གཞལ་ལུགས་གཡོ་ང་སྤུ་བྱེད་མི།། སྐྱེ་བོ་དག་ནི་ཡིད་ཕྱུང་བས།། འཇིགས་སུ་རུང་བའི་སྒྲ་འབྱིན་ཅིང་།། ཡུན་རིང་དུ་ནི་འབོད་སྲེག་འགྱུར།། དགེ་སློང་དག་མི་རྣམས་ཀྱི་ལོ་བརྒྱད་བརྒྱ་གང་ཡིན་པ་དེ་འཕྲུལ་དགའི་ལྷ་རྣམས་ཀྱི་ཉིན
152b4 ཞག་གཅིག་གོ། ། ཉིན་ཞག་དེ་སུམ་བཅུ་ལ་ཟླ་བ་གཅིག། ཟླ་བ་བཅུ་གཉིས་ལལོ་གཅིག་སྟེ། འཕྲུལ་དགའི་ལྷ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལོ་བརྒྱད་སྟོང་ཐུབ་སྟེ། དེ་མིའི་ལྟར་བརྩིས་ན་ལོ་བྱེ་བ་ཕ་གཉིས་བརྒྱ་སུམ
152b5 བཅུ་དང་། ལོས་ཡ་ཕྲག་བཞི་ཡོད་དེ། བར་མ་དོར་འཆི་བ་ནི་ཡོད་དོ།། དེ་ནི་སེམས་ཅན་དམྱལ་བ་ཆེན་པོ་ངུ་འབོད་ཆེན་པོའི་ཉིན་ཞག་གཅིག་གོ། ཉིན་ཞག་དེ་སུམ་བཅུ་ལ་ཟླ་བ་གཅིག། ཟླ་བ་བཅུ་གཉིས་ལ་ལོ་གཅིག་སྟེ་སེམས
152b6 ཅན་དམྱལ་བ་ཆེན་པོ་ངུ་འབོད་ཆེན་པོའི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལོ་བརྒྱད་སྟོང་ཡོད་དོ། ། དེ་མིའི་ལྟར་བརྩིས་ན་ལོ་བྱེ་བ་ཕྲག་ས་ཡ་གསུམ་དང་། བྱེ་བ་ཕྲག་ལྔ་འབུམ་ཁྲི་ཉིས་སྟོང་དྲུག
152b7 ཅུརྩ་དྲུག་ཡོད་དེ། བར་མ་དོར་འཆི་བ་ནི་ཡོད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། བལྟ་བའི་ཐིབས་པོས་ཁེབས་གྱུར་ཅིང་།། སྲེད་པའི་གཡོག་པས་གཡོགས་པ་དག། སྡིག་པའི་ཆོས
152b8 ནི་སྤྱོད་པ་ཡིས། ། ངུ་འབོད་དག་ཏུ་སྐྱེ་བར་འགྱུར། ཡིད་གཙུགས་ཉམས་པའི་མི་དག་ནི།། བ་སྤུ་སློང་ཞིང་འབར་བ་ཡིས།། བསྐོར་བའི་ཁྱིམ་གྱི་ནང་ཆུད་ནས།། ངུ་འབོད་ཆེན་པོར་སྲེག་པར་འགྱུར།། གཏམས་པ་བརྣོགས་པའི་མི་དག་ནི།། རལ་གྲི་ཡིས་ནི
iiif viewer powered by OpenSeadragon
