| e-texts navigator |
| Wylie |
148b1 འདོད་ཆགས་སྤྱོང་པ་དང་། གཏི་མག་སྤྱོད་པ་སྦྱངས་པའི་ཡོན་ཏན་སྟོན་པར་དགའི། ཞེ་སྡང་སྤྱོད་པ་ནི་སྒྲུབ་དཀའ་ན་མཁྲིས་པའི་ནད་ལ་དྲོང་བག་བྱིན་པ་བཞིན་དུ་ཕྱིར་ཞེ་སྡང་སྐྱེ་བར་འགྱུར་ཏེ། དེ་ལྟ་བས་ན་ཞེ་སྡང་སྤྱད་པ་ན་སྦྱངས་པའི་ཡོན་ཏན་བསྟེན
148b2 པར་དགའ་བ་ཡིན་ནོ། ། གཞན་དག་ན་རེ་ཞེ་སྡང་སྤྱོད་པ་ནི་དགོན་པ་པ་ཉིད་དང་། ཤིང་དྲུང་པ་ཉིད་དགའོ།། དེ་ཅིའི་ཕྱིར་ཞེན། དགོན་པ་དང་ཤིང་དྲུང་ན་གནས་ན་དེ་དག་ཏུ་མི་འདོད་པས་གཙེ་བའི་ཉེས་པ་མེད་པའི་ཕྱིར་རོ་ཞེས་ཟེར་རོ།། སྦྱངས་པའི་ཡན་ལག་ན
148b3 དུས་ཀྱི་མཐར་ཐུག་པའི་བར་དུ་ཞིག་ཅེས་བྱ་བ་ནི། སྦྱངས་པའི་ཡན་ལག་གསུམ་པོ་ཤིང་དྲུང་བ་ཉིད་དང་། བླ་གབ་མེད་པ་ཉིད་དང་དུར་ཁྲོད་པ་ཉིད་ནི་ཟླ་བ་བརྒྱད་ཀྱི་མཐར་ཐུག་པར་བྱ་སྟེ། དབྱར་ནི་གཡོགས་པར་གནས་པར་བཅོམ་ལྡན་འདས་ཀྱིས
148b4 གནང་ངོ་། ། ཅི་སྦྱངས་པ་དེ་ཉིད་སྦྱངས་པ་སྨྲ་བ་ཡང་དེ་ཡིན་ནམ་ཞེས་བྱ་བ་ནི་སྦྱངས་པ་ཡིན་ལ་སྦྱངས་པ་སྨྲ་བ་ཡིན་པ་ཡང་ཡོད། སྦྱངས་པ་མ་ཡིན་ལ་སྦྱངས་པ་སྨྲ་བ་ཡིན་པ་ཡང་ཡོད། སྦྱངས་པ་ཡིན་ལ་སྦྱངས་པ་སྨྲ་བ་མ་ཡིན་པ་ཡང་ཡོད།།
148b5 སྦྱངས་པ་ཡང་མ་ཡིན་སྦྱངས་པ་སྨྲ་བ་ཡང་མ་ཡིན་པ་ཡང་ཡོད་དོ།། དེ་ལ་སྦྱངས་པ་ཡང་ཡིན་སྦྱངས་པ་སྨྲ་བ་ཡང་ཡིན་པ་ཡང་ཡོད་ཅེས་བྱ་བ་ནི་དགྲ་བཅོམ་པ་སྦྱངས་པའི་ཡོན་ཏན་ཡང་དག་པར་བླངས་པ་དང་ལྡན་པའོ།། སྦྱངས་པ་མ་ཡིན།
148b6 ལ་སྦྱངས་པ་སྨྲ་བ་ཡིན་པ་ཡང་ཡོད་ཅེས་བྱ་བ་ནི་དགྲ་བཅོམ་པ་སྦྱངས་པའི་ཡོན་ཏན་ཡང་དག་པར་བླངས་པ་དང་མ་ལྡན་པའོ།། སྦྱངས་པ་ཡིན་ལ་སྦྱངས་པ་སྨྲ་བ་མ་ཡིན་པ་ཡང་ཡོད་ཅེས་བྱ་བ་ནི་སློབ་པ་འམ། སོ་སོའི་སྐྱེ་བོ་སྦྱངས་པའི་ཡོན་ཏན
148b7 ཡང་དག་པར་བླངས་པ་དང་ལྡན་པའོ། ། སྦྱངས་པ་ཡང་མ་ཡིན་སྦྱངས་པའི་ཡོན་ཏན་སྨྲ་བ་ཡང་མ་ཡིན་པ་ཡང་ཡོད་ཅེས་བྱ་བ་ནི་སློབ་པ་འམ། སོ་སོའི་སྐྱེ་བོ་སྦྱངས་པའི་ཡོན་ཏན་ཡང་དག་པར་བླངས་པ་དང་མི་ལྡན་པའོ།། སྦྱངས་པའི་ཡོན་ཏན་གྱི
148b8 མཚན་ཉིད་ཅི་ཡིན། མ་ནོག་ནི་ཅི་ཡིན། ཉེ་བར་གནས་པ་ནི་ཅི་ཡིན་ཞེ་ན། སྦྱངས་པའི་ཡོན་ཏན་གྱི་མཚན་ཉིད་ནི་འདོད་པ་ཆུང་བ་ཉིད་དོ།། མནོག་ནི་ཆོག་ཤེས་པའོ།། ཉེ་བར་གནས་པ་ནི་ཡོ་བྱད་བསྙུངས་པའོ།། རྣམ་པ་གཅིག་ཏུ་མཚན་ཉིད་ནི་མ་འཕགས་པའོ།། །
iiif viewer powered by OpenSeadragon
