| e-texts navigator |
| Wylie |
148a1 ནི་དུ་ཞིག། ཅི་སྦྱངས་པའི་དེ་ཉིད་སྦྱངས་པ་སྨྲས་པ་ཡང་དེ་ཡིན་ནམ་ཞེ་ན། དེ་ལ་སྦྱངས་པའི་ཡན་ལག་ཅེས་བྱ་བ་ནི་གཞི་བཅུ་གསུམ་པོ་དེ་དག་གི་སྤོང་བ་གང་ཡིན་པ་དེ་ནི་སྦྱངས་པའི་ཡན་ལག་ཡིན་ནོ།། སྦྱངས་པའི་ཡོན་ཏན་ཅིར་བརྗོད་པར་བྱན
148a2 ན་དགེ་བར་བརྗོད་པར་བྱའོ། ། སྦྱངས་པའི་ཆོས་དུ་ཞེ་ན། སྦྱངས་པའི་ཆོས་ནི་གཉིས་ཏེ། མ་ཆགས་པ་དང་གཏི་མུག་མེད་པ་སྟེ། བཅོམ་ལྡན་འདས་ཀྱིས་ཇི་སྐད་དུ་ཕྱག་དར་ཁྲོད་པ་གང་ཡིན་པ་དེ་ནི་འདོད་པ་ཆུང་བ་ཉིད་ལ་བརྟེན། ཚག་ཤེས་པ་ཉིད་ལ་བརྟེན། ཡོ་བྱད
148a3 བསྙུངས་པ་ཉིད་ལ་བརྟེན་རབ་ཏུ་དབེན་པ་ཉིད་ལ་བརྟེན། འདིས་ཆོག་པ་ཉིད་ལ་བརྟེན་ནས་ཕྱག་དར་ཁྲོད་པར་འགྱུར་རོ་ཞེས་གསུངས་པ་ལྟ་བུའོ།། རྣམ་པ་གཅིག་ཏུ་ན་མ་ཆགས་པས་རྗེས་སུ་གནང་བ་འཚམ་པར་བསྟེན་པས་འདོད་པའི་བསོད་སྙོམས་ཀྱི་རྗེས་སུ
148a4 བརྩོན་པའི་སླུབ་སེལ་ལ། སྦྱངས་པའི་ཡོན་ཏན་གཏི་མུག་མེད་པ་ནི་ཡོ་བྱད་བསྙུངས་པར་འཆམ་པར་བསྟེན་པས་བདག་ཉིད་རུབ་པའི་རྗེས་སུ་བརྩོན་པའི་སླུ་བ་སེལ་ཏེ། དེ་ལྟ་བས་ན་སྦྱངས་པའི་ཆོས་ནི་གཉིས་ཏེ། མ་ཆགས་པ་དང་། གཏི་མུག་མེད་པ་ཡིན་ནོ།། དེ་ལ
148a5 འདོད་པ་ཆུང་བ་ཉིད་དང་། ཆོ་ག་ཤེས་པ་ཉིད་དང་། རབ་ཏུ་དབེན་པ་ཉིད་ནི་མ་ཆགས་པ་ཡིན་ནོ།། ཡོ་བྱད་བསྙུངས་པ་ཉིད་དང་། འདིས་ཆོག་པ་ཉིད་ནི་གཏི་མུག་མེད་པ་ཉིད་ཡིན་ནོ།། དེ་ལ་མ་ཆགས་པས་ནི་སྤང་བའི་གཞི་བཅུ་གསུམ་ལ་ཆགས་པ་སེལ་ལ། གཏི་མུག
148a6 མེད་པས་ནི་གཞི་དེ་དག་ཉིད་ལ་ཉེས་དམིགས་མི་ཤེས་པ་སེལ་ཏོ། ། ཡང་ཅི་སྤྱོད་བའི་གང་ཟག་རྣམས་སྦྱངས་པའི་ཡོན་ཏན་སྟེན་པར་དགའ་ཞེ་ན། འདོད་ཆགས་སྤྱོད་པ་དང་། གཏི་མུག་སྤྱོད་པ་སྦྱངས་པའི་ཡོན་ཏན་སྟེན་པར་དགའི་ཞེ་སྡང་སྤྱོད་པ་ནི་མ
148a7 ཡིན་ནོ། ། ཅིའི་ཕྱིར་འདོད་ཆགས་སྤྱོད་པ་དང་། གཏི་མུག་སྤྱོད་པ་སྦྱངས་པའི་ཡོན་ཏན་སྟེན་གྱི་ཞེ་སྡང་སྤྱོད་པའི་མ་ཡིན་ཞེ་ན། སྦྱངས་པའི་ཡོན་ཏན་སྟེན་པ་ནི། བསྒྲུབ་དཀའ་བ་ཡིན་པས་འདོད་ཆགས་སྤྱོད་པ་བསྒྲུབ་དཀའ་བ་ལ་བརྟེན་ནས་འདོད་ཆགས
148a8 རྣམ་པར་གནོན་པར་འགྱུར་ལ། གཏི་མུག་སྤྱོད་པ་ཡང་སྦྱངས་པའི་ཡོན་ཏན་སྟོན་པ་ཡང་དག་པར་བླངས་པ་ཡོ་བྱད་བསྙུངས་པ་ལ་རྟེན་ནས་རྟག་ཏུ་བག་ཡོད་པར་འགྱུར་ཞིང་བག་ཡོད་ན་གཏི་མུག་རྣམ་པར་གནོན་པར་འགྱུར་རོ།། དེ་ལྟར་བས་ན
iiif viewer powered by OpenSeadragon
