| e-texts navigator |
| Wylie |
130b1 སྨྲས་པ། ལྷ་བཀའ་བཞིན་འཚལ་སྩལ་བར་བགྱིའོ།། རྒྱལ་པོས་དཔུང་གི་ཚོགས་ཡན་ལག་བཞི་པ་གཞོན་ནུ་ཟས་གཙང་ལ་བསྔོ་ནས་དེས་རི་ཁྲོད་པ་དེ་རྣམས་བཅོམ།། རབ་ཏུ་བཅོམ་སྟེ་རྨེག་བཏའོ།། དེ་ནས་ཤཱཀྱ་རྣམས་མགུནས་རྒྱལ་པོ་སེང་གེ
130b2 འགྲམ་གྱི་དྲུང་དུ་དོང་སྟེ་ལྷ་གཞོན་ནུས་རི་ཁྲོད་པ་རྣམས་བཅོམ་རབ་ཏུ་བཅོམ་སྟེ་རྨག་བཏལ་ལགས་པས་བདག་ཅག་གློབ་དགའ་ན། གཞོན་ནུ་མཆོག་ཅི་བཞེད་གསུངས་ཤིག་དབུལ་ལོ།། ཤེས་ལྡན་དག་ཤཱཀྱ་རྣམས་ཀྱི་ཁྲིམ་དུ་བཅས་པ་སུས་ཀྱང་མཉམ།
130b3 བ་ལས་ཆུན་མ་གཞག་པར་མི་བྱའོ་ཞེས་བཅས་སོ།། ལྷ་ཅི་ཁྲིམས་འདྲལ་ལམ། དེས་སྨྲས་པ། ལྷག་པར་ཤིན་དུ་བསྡམ་གྱི་དྲལ་བར་མི་བྱ་ན། འོན་ཀྱང་གཞོན་ནུའི་དམ་པ་གཅིག་སློང་བ་ནི་མཉམ་པ་ལས་ཆུན་མ་བླང་བ་ཡིན་ནོ།། ལྷ་རུང་གིས་དེ་བཞིན་དུ
130b4 མཛོད་ཅིག། དེ་ནས་སེང་གེ་འགྲམ་གྱིས་ལེགས་པར་རབ་སད་ལ་ཕོ་ཉ་བཏང་ནས། ཁོ་བོས་ཚོགས་བརྟགས་ཟིན་གྱིས་བུ་མོ་གཅིག་ཤོས་ཀྱང་བཀྲི་ཤིག། དེས་དེ་ཡང་འཁོང་ལྔ་བརྒྱ་དང་བཀྲི་སྟེ། གཞོན་ནུ་ཟས་གཙང་གིས་གཉི་ག་བླངས་སོ།། ཇི་ཙམ་དུས
130b5 གཞན་ཞིག་ན་རྒྱལ་པོ་སེང་གེ་འགྲམ་ཤི་ནས། སེར་སྐྱའི་གཞི་ན་རྒྱལ་པོ་ཟས་གཙང་རྒྱལ་སྲིད་བྱེད་དུ་བཅུག་སྟེ། འབྱོད་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བ།། འཐབ་པ་དང་། ཐབ་མོ་དང་། རྩོད་པ་དང་།
130b6 འགྱེད་པ་དང་། ཆོམ་རྐུན་མེད་ཅིང་། ནད་རབ་ཏུ་ཞི་བར་གྱུར་པ། འབྲས་དང་། བུ་རམ་ཤིང་གི་ཕྲེང་བ་དང་བ་ལང་དང་། མ་ཏེ་ཕུན་སུམ་ཚོགས་པ་ན། བུ་གཅིག་པ་ལ་སྡུག་པ་བཞིན་དུ་རྒྱལ་སྲིད་སྐྱོར་བར་བྱེད་དོ།། དེས་དུས་གཞན་ཞིག་ན་བཙུན་མོ་སྒྱུ་འཕྲུལ།
130b7 ཆེན་མོ་དང་ལྷན་ཅིག་སྟེང་གི་ཁང་བཟངས་ཀྱི་གཞི་སྐྱེས་པ་མེད་པར་དོང་ནས། རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ།། འདི་ནི་ཆོས་ཉིད་ཡིན་ཏེ། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ན་འཇིག་རྟེན་ལ།
130b8 གཟིགས་པ་ལྔས་གཟིགས་པར་མཛད་དོ།། རིགས་ལ་གཟིགས་པ་དང་། ཡུལ་ལ་གཟིགས་པ་དང་། དུས་ལ་གཟིགས་པ་དང་། རྒྱུད་ལ་གཟིགས་པ་དང་བུད་མེད་ལ་གཟིགས་པ་སྟེ། རྒྱ་ཆེར་མདོ་སྔ་མ་དང་སྦྱར་རོ།། མངོན་པར་འབྱུང་བའི་མེདོ་རྫོག་སྷོ།།
iiif viewer powered by OpenSeadragon
