| e-texts navigator |
| Wylie |
129b1 ཤིག་ན་བཙུན་མོ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ་དགུ་འདས་པ་ན་བུ་མོ་གཟུགས་བཟང་བ་བསྟན་སྡུག་པ། མཛེས་པ། ཡན་ལག་དང་། ཉིད་ལག་ཐམས་ཅད་དང་ལྡན་པ་ཞིག་བཙས་སོ།། བཙས་པ་དེའི་གཟུགས་བཟང་པོས་རྒྱལ
129b2 པོ་ལེགས་པར་རབ་སང་བཙུན་མོའི་འཁོར་དང་བཅས་པ་དང་ལྷས་བསྟན་ན་གནས་པའི་སྐྱེ་བོའི་ཚོགས་རྣམས་མཆོག་ཏུ་ངོ་མཚར་སྐྱེས་ཏེ། ཐེ་ཙོམ་དུ་གྱུར་ནས་ཅི་འདི་བུ་མོ་ཡིན་ནམ།། འོན་ཏེ་ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ཡིན་སྙམ་མོ།།
129b3 དེའི་བཙས་པའི་བཙས་སྟོན་ཉི་མ་བདུན་གསུམ་ཉི་ཤུ་གཅིག་ཏུ་རྒྱ་ཆེར་བྱས་ནས་བུ་མོ་འདིའི་མིང་ཅིར་གདགས་ཞེས་མིང་འདོགས་པར་བྱེད་དོ།། བློན་པོ་རྣམས་ཀྱིས་སྨྲས་པ། ལྷས་བསྟན་ན་གནས་པའི་སྐྱེ་བོའི་ཚོགས་ལམ་པོ་ཆེ་དང་། ཚོང
129b4 འདུས་དང་། སུམ་མདོ་དང་། བཞི་མདོ་རྣམས་སུ་གླེང་པ་ཁ་ཅིག་གི་མཆེད་ནས་ནི་འདི་བུ་མོ་ཁོ་ན་ལགས་ཏེ། སྔོན་གྱི་ལས་ཀྱི་རྣམ་པར་སྨིན་པས་གཟུགས་བཟང་ཞིང་ཁ་དོག་ཕུན་སུམ་ཚོགས་པར་གྱུར་ཏོ་ཞེས་མཆིའོ།། གཞན་དག་གི་མཆེད
129b5 ནས་ནི་འདི་བུ་མོ་མ་ལགས་ཀྱི་འོ་ན་ཅི་ཞེ་ན་ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ལགས་སོ་ཞེས་མཆི་ལགས་པས། ། དེ་བས་ན་བུ་མོའི་མིང་སྒྱུ་འཕྲུལ་ཞེས་བགྱི་བར་གདག་སོ་ཞེས་བཏགས་སོ།། བུ་མོ་སྒྱུ་འཕྲུལ་མ་མ་བརྒྱད
129b6 ལ་རྗེས་སུ་གཏང་དེ་ཞེས་བྱ་ནས་ཆེན་མོར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། ། དེ་ལ་མཚན་མཁན་རྣམས་ཀྱིས་ལུང་བསྟན་པ། མཚན་ཕུན་སུམ་ཚོགས་པ་དུ་མ་དང་ལྡན་པ་ཞིག་བཙལ་བར་འགྱུར་ཞིང་སྟོབས་ཀྱིས་འཁོར་ལོས
129b7 སྦྱར་བར་འགྱུར་རོ་ཞེས་བརྟན་ཏོ། ། ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་གཟུགས་བཟང་བ། བལྟ་ན་སྡུག་པ་མཛེས་པ། ཁ་དོག་བཟང་པོ་རྒྱས་པ་མཆོག་དང་ལྡན་པ་ཞིག་བཅས་སོ།། དེབཅས
129b8 པན་གྲོང་ཁྱེར་དེ་དག་ཐམས་ཅད་སྣང་བ་རྒྱ་ཆེན་པོས་སྣང་བར་བྱས་ཏེ། སྒྱུ་འཕྲུལ་ལ་ཇི་ལྟ་བ་བཞིན་དུ་དེའི་གཟུགས་བཟང་བ་རྣམ་པ་ཐམས་ཅད་དུ་དཔྱད་པར་མི་ནུས་སོ།། དེའི་བཅས་པའི་བཙས་སྟོན་ཡང་རྒྱ་ཆེར་བྱས་ནས། བུ་མོ་འདིའི
iiif viewer powered by OpenSeadragon
