| e-texts navigator |
| Wylie |
128a1 ནི་ཕོད་པ་ཡིན་ནོ། ། ཀྱེ་མ་གཞོན་ནུ་རྣམས་ནི་ཤིན་ཏུ་ཕོར་པ་ཡིན་ནོ་ཞེས་སེམས་ཅན་དབང་ཆེན་པོས་ཚིག་ཏུ་ཕྱུང་སྟེ། ཀྱེ་མ་གཞོན་ནུ་རྣམས་ནི་བོང་པ་ཡིན་ནོ།། ཀྱེ་མ་གཞོན་ནུ་རྣམས་ནི་ཤིན་ཏུ་ཕོད་པ་ཡིན་ནོ་ཞེས
128a2 བྱས་པས་དེ་རྣམས་ཤཱཀྱ་ཤཱཀྱ་ཞེས་བྱ་བར་གྱུར་ཏོ། ། དེ་ནས་དུས་གཞན་ཞིག་ན་རྒྱལ་པོ་བུ་རམ་ཤིང་པ་འཕགས་སྐྱེས་པོ་ཤི་ནས་རྒྱལ་སྲིད་དགའ་རྒྱལ་སྲིད་ལ་དབང་བསྐུར་རོ།། དེ་ཡང་བུ་མེད་པར་ཤི་ནས་སྐར་མངའ་གཏོང་རྒྱལ་སྲིད་ཀྱི་དབང
128a3 ཕྲུག་ལ་དབང་བྱེད་ཏུ་བཅུག་གོ། ། དེ་ཡང་བུ་མེད་པར་ཤི་ནས་ལག་ན་རྒྱལ་པོར་གྱུར་ཏོ།། དེ་ཡང་བུ་མེད་པར་ཤི་ནས་གླང་པོ་ཆེ་འདུལ་རྒྱལ་པོར་གྱུར་ཏོ།། དེ་ཡང་བུ་མེད་པར་ཤི་ནས་རྐང་གདུབ་ཅན་རྒྱལ་པོར་གྱུར་ཏོ།། དེའི་བུ་གནས་འཇོག་གོ།།
128a4 མ་དག་གནས་འཇོག་གི་བུས་ཁྱིམ་མོ།། གཽ་ཏ་མ་དག་རྒྱལ་པོས་ཁྱིམ་གྱི་བུ་དང་། ཚ་བོ་དང་། ཡང་ཚ་དང་སུམ་ཆའི་རྒྱུད་རྒྱལ་པོ་ལྔ་ཁྲི་ལྔ་སྟོང་གྲོང་ཁྱེར་སེར་སྐྱའི་གཞིར་བྱུང་སྟེ། དེ་རྣམས་ཀྱི་ཐ་མ་ནི་ཤིང་རྟ་བཅུ་པ་དང་། ཤིང་རྟ་བརྒྱ་པ་དང་། ཤིང་རྟ་དགུ
128a5 བཅུ་དང་། ཤིང་རྟ་ཁྲ་བོ་དང་། ཤིང་རྟ་རྒྱལ་དང་། བརྟན་པའི་ཤིང་རྟ་དང་། གཞུ་བཅུ་པ་དང་། གཞུ་བརྒྱ་པ་དང་། གཞུ་དགུ་བཅུ་དང་། གཞུ་རྒྱལ་དང་། གཞུ་བཀྲ་དང་། གཞུ་བརྟན་ནོ།། གཽ་ཏ་མ་དག་གཞུ་བརྟན་ལ་བུ་གཉིས་ཏེ། སེང་གེའི་འགྲམ་དང་། སེང།
128a6 གེའི་སྒྲའོ།། གཽ་ཏ་མ་དགའ་ཇམ་བུའི་གླིང་གི་གཞུ་ཐོགས་ཇི་སྙེད་ཡོད་པ་དེ་རྣམས་ཀྱི་ནང་ན་སེང་གེའི་འགྲམ་མཆོག་ཏུ་གྲགས་སོ།། གཽ་ཏ་མ་དག་སེང་གེའི་འགྲམ་ལ་བུ་བཞི་སྟེ། ཟས་ཙང་དང་། ཟས་དཀར་དང་། བྲེ་བོ་ཟས་དང་།
128a7 བདུད་རྩིའི་ཟས་སོ།། བུ་མོ་གཙང་མ་དང་། དཀར་མོ་དང་། བྲེ་མོ་མ་དང་། བདུད་རྩི་མའོ།། ཟས་གཙང་ལ་བུ་གཉིས་སྟེ། བཅོམ་ལྡན་འདས་དང་། ཚེ་དང་ལྡན་པ་དགའ་བོའོ།། ཟས་དཀར་ལ་བུ་གཉིས་ཏེ། ཚེ་དང་ལྡན་པ་རྒྱལ་དང་།
128a8 ཤཱཀྱའི་རྒྱལ་པོ་བཟང་ལྡན་ནོ།། བྲེ་བོ་ཟས་ལ་བུ་གཉིས་ཏེ། མིང་ཆེན་དང་། ཚེ་དང་ལྡན་པ་མ་འགགས་པའོ།། བདུད་རྩི་ཟས་ཀྱི་བུ་གཉིས་ཏེ། ཚེ་དང་ལྡན་པ་ཀུན་དགའ་བོ་དང་། ལྷ་སྦྱིན་ནོ།། གཙར་མའི་བུ་ནི་ལེགས་པར་རབ་སད་དོ།། དཀར་མོ
iiif viewer powered by OpenSeadragon
