| e-texts navigator |
| Wylie |
331a1 སངས་རྒྱས་དང་། དགེ་འདུན་ཡང་དག་པར་བསྲུང་བའི་ཕྱིར་འདྲེ་བར་བྱེད་པ་ལགས་སོ་ལེགས་སོ།། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དས་བཤད་པར་བྱའོ།། དེ་ནས་བཅོམ་ལྡན་འདས་དེའི་ཚེ་ཀུན་དྷ
331a2 སྒྲ་སྒྲོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། བཅོམ་ལྡན་འདས་ཏིང་ངེ་འཛིན་གང་ལ་སྙོམས་པར་ཞུགས་པ་དེའི་ཚེ་དམྱལ་བ་ཐམས་ཅད་རྒྱུན་ཆད་པ་དང་། སྡང་བའི་སེམས་དང་ལྡན་པ་ཐམས་ཅད་ཀྱང
331a3 སྡང་བའི་སེམས་དང་བྲལ་ཞིང་བྱང་ཆུབ་ཀྱི་སེམས་ལ་རབ་ཏུ་གཞོལ་བར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། གསལ་རྒྱལ་ཁྱོད་ཀྱིས་མཐོང་ངམ། ཀུན་དུ་ཐོས་སམ། ཤེས་སམ། རྟོགས་སམ། བཅོམ་ལྡན
331a4 འདས་མཐོང་ལགས་སོ། ། བདེ་བར་གཤེགས་པ་མཐོང་ལགས་སོ།། ཁུམས་ཤིང་ཀུན་དུ་ཁྱམས་ལ་འཚལ་ཞིང་རྟོགས་སོ།། བཅོམ་ལྡན་འདས་ཀྱིས་བཀའ་སྩལ་པ། གསལ་རྒྱལ་འདི་ནི་སེམས་ཅན་ཐམས་ཅད་ཀྱི་མས
331a5 རྒྱས་དང་། བྱང་ཆུབ་སེམས་དཔའ་སྐྱེད་པ། ཉན་ཐོས་དང་། རང་སངས་རྒྱས་དང་། ཡང་དག་པར་རྫོགས་པའི་སངས་རྒྱས་ཐམས་ཅད་ཀྱིས་ཕྱག་བྱས་པ། མཆོད་པ། བསམས་པ། བསྒོམས་པ། ཤེས་རབ་ཀྱི་ཕ་རོལ་དུ་ཕྱིན་པ
331a6 སྒྲའི་གཟུགས་ཀྱིས་སེམས་ཅན་ཐམས་ཅད་ཡོངས་སུ་སྤྱོད་པར་བྱེད་པ། མུ་སྟེགས་པ་ཐམས་ཅད་རྣམ་པར་འཇིག་པར་བྱེད་པ། སྡང་བའི་སེམས་འདུལ་བར་བྱེད་པ། སྡིག་པའི་སེམས་འཇོམས་པར་བྱེད་པ། ཞེ་སྡང་བའི་སེམས
331a7 རྣམ་པར་སེལ་བར་བྱེད་པ། གཏི་མུག་གི་སེམས་རབ་ཏུ་འཇིག་པར་བྱེད་པ། འདོད་ཆགས་ཀྱི་སེམས་རྣམ་པར་སྤོང་བར་བྱེད་པ། བྱང་ཆུབ་ཀྱི་སེམས་ཡོངས་སུ་སྦྱོང་བར་བྱེད་པ། སངས་རྒྱས་ཀྱི་སེམས་འཕེལ་བར་བྱེད་པ།
331a8 སངས་རྒྱས་འབྱུང་བ་བསྟེན་པར་བྱེད་པ། འཐབ་པ་དང་། འགྱེད་པ་དང་། འཁྲུག་པ་དང་། རྩོད་པ་དང་། སྡུག་བསྔལ་བ་དང་། རྨི་ལམ་ངན་པ་དང་། ཀུན་འདུལ་བ་ཐམས་ཅད་འཇིག་པ། བློ་བུར་གྱི་ནད་དང་། འཆི་བ་ཞི་བར
iiif viewer powered by OpenSeadragon
