| e-texts navigator |
| Wylie |
302a1 འདོད་པའི་ཀུན་དུ་སྦྱོར་བ་ཡང་ཉེ་བར་ལེན་པར་འགྱུར་བ་དང་། རབ་ཏུ་དབེན་པའི་དགའ་བ་ཉེ་བར་ལེན་པར་འགྱུར་བ་དང་། ཟང་ཟིང་མེད་པའི་བདེ་བ་ཡང་ཉེ་བར་ལེན་པར་འགྱུར་བ་དང་། སྡུག་བསྔལ་ཡང་མ་ཡིན་བདེ་བ་ཡང
302a2 མ་ཡིན་པའི་ཚོར་བ་ཡང་ཉེ་བར་ལེན་པར་འགྱུར་བར་འདོད་པར་བྱའོ། ། ཡང་དེ་སྐད་ཅེས་དེ་ནི་ཞི་བའོ།། ང་ནི་མྱ་ངན་ལས་འདས་པའོ།། ང་ནི་སྲེད་པ་མེད་པའོ།། ད་ནི་ཉེ་བར་ལེན་པ་མེད་པ་སྟེ། ང་ལ་སྔོན་བདག་ཡོད་པར་གྱུར་པ་དེ་ནི་ད་ལྟར
302a3 ང་ལ་མེད་དོ་ཞེས་ཟེར་བ་དེ་ལ་ཉེ་བར་ལེན་པ་ཡོད་པ་ཁོ་ནར་སྣང་ཏེ། དགེ་སློང་དག་དེ་ཡང་རགས་པ། འདུས་བྱས་པ། བསམས་པ། རྟེན་ཅིང་འབྲེལ་བར་འབྱུང་བ་ཡིན་ཏེ། འདི་ལྟར་འདུ་བྱེད་རྣམས་ཡོད་ན་འདུ་བྱེད་རྣམས་ཀྱི་འགོག
302a4 པ་ཡང་ཡོད་པས་ན། དེ་བཞིན་གཤེགས་པས་དེ་ཡོད་པར་ཐུགས་སུ་ཆུད་ནས་དེ་ལས་ཕྱིར་ལོག་ཅིང་དེ་ལ་ཞི་བར་གཟིགས། ངེས་པར་འབྱུང་བར་གཟིགས་ཤིང་བཞུགས་ཏེ། དགེ་སློང་དག་ཚ་འདི་ཉིད་ལ་མྱ་ངན་ལས་འདའ་བར
302a5 སྨྲ་བ་དག་ཚེ་འདི་ཉིད་ལ་མྱ་ངན་ལས་འདའ་བར་མངོན་པར་རྗོད་པ་མངོན་པར་བརྗོད་པར་བྱེད་པ་དེ་སྙེད་ཡོད་དོ། ། དགེ་སློང་དག་གཞན་ཡང་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ངས་རང་གི་མངོན་པར་ཤེས་པས་མདོན
302a6 པར་རྫོགས་པར་སངས་རྒྱས་ཏེ་བཤད་པ་གོ་འཕང་དམ་པ་གཞན་ཡང་ཡོད་དོ། ། དགེ་སློང་དག་སྐྱེས་བུ་འདུལ་བྱ་བའི་ཁ་ལོ་སྒྱུར་བའི་བླ་ན་མེད་པ་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ཏེ་བ
302a7 པ་གོ་འཕང་དམ་པ་གཞན་དེ་གང་ཞེ་ན། དགེ་སློང་དག་འདི་ལྟ་སྟེ། ཟག་པ་རྣམས་ཟད་པས་ཟག་པ་མེད་ཅིང་མངོན་པར་འདུས་མ་བྱས་པའི་རྣམ་པར་གྲོལ་བ་སྟེ། དགེ་སློང་དག་དེ་ནི་སྐྱེས་བུ་གདུལ་བའི་ཁ་ལོ་སྒྱུར་བ
302a8 བླ་ན་མེད་པ་དེས་རང་གི་མངོན་པར་ཤེས་པས་མངོན་པར་ཤེས་པ་མངོན་པར་རྫོགས་པར་སངས་རྒྱས་ཏེ་བཤད་པ་གོ་འཕང་དམ་པ་ཡིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ
iiif viewer powered by OpenSeadragon
