| e-texts navigator |
| Wylie |
280b1 བྱས། ཞི་བར་མ་བྱས། ཉེ་བར་ཞི་བར་མ་བྱས། རྒྱུད་གཅིག་ཏུ་མ་བྱས་ཤིང་། ཏིང་ངེ་འཛིན་དུ་མ་བྱས་པར་ཕྱི་སྟོང་པ་ཉིད་ལུས་ཀྱི་མངོན་སུམ་དུ་བྱས་ནས་བསྒྲུབས་ཏེ་གནས་པར་འགྱུར་བ་དེ་ནི་གནས་མེད་པའི་ཕྱིར་རོ།། ཀུན་དགའ།
280b2 བོ་དགེ་སློང་གང་འདི་སྐད་ཅེས། བདག་གིས་སེམས་ནང་ཁོ་ནར་བཞག། ཡང་དག་པར་བཞག། བསྡུས་ཏེ་བཞག། ཉེ་བར་བཞག། དུལ་བར་བྱས། ཞི་བར་བྱས། ཉེ་བར་ཞི་བར་བྱས། རྒྱུད་གཅིག་ཏུ་བྱས་ཤིང་ཏིང
280b3 ངེ་འཛིན་དུ་བྱས་ཏེ། ཕྱི་སྟོང་པ་ཉིད་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་བྱའོ་ཞེས་ཟེར་ན། ཀུན་དགའ་བོ་དེའི་ཚིག་ནི་ལེགས་པ་ཡིན་ནོ།། དེ་ཅིའི་ཕྱིར་ཞེ་ན། ཀུན་དགའ་བོ་དེ་ནི་གནས་ཡིན་ཞིང་།།
280b4 སྐབས་ཡིན་ཏེ། གང་སེམསན། ཁོ་ནར་བཞག། ཡང་དག་པར་བཞག། བསྡུས་ཏེ་བཞག། ཉེ་བར་བཞག་དུལ་བར་བྱས། ཞི་བར་བྱས། ཉེ་བར་ཞི་བར་བྱས། རྒྱུད་གཅིག་ཏུ་བྱས་ཤིང་ཏིང་ངེ་འཛིན་དུ་བྱས་ཏེ། ཕྱི་སྟོང་པ་ཉིད
280b5 ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་འགྱུར་བ་དེ་ནི་གནས་ཡོད་པའི་ཕྱིར་རོ། ། ཀུན་དགའ་བོ་ཇི་ལྟར་ན་དགེ་སློང་སེམས་ནང་ཁོ་ནར་འཇོག་པར་བྱེད། ཡང་དག་པར་འཇོག་པར་བྱེད། བསྡུས་ཏེ་འོདོ།།
280b6 པར་བྱེད། ཉེ་བར་འཇོག་པར་བྱེད། དུལ་བར་བྱེད། ཞི་བར་བྱེད། ཉེ་བར་ཞི་བར་བྱེད། རྒྱུད་གཅིག་ཏུ་བྱེད་ཅིང་། ཏིང་ངེ་འཛིན་དུ་བྱེད་ཅེ་ན། འདི་ལ་དགེ་སློང་དབེན་པ་ལས་སྐྱེས་པའི་དགའ་བ་དང་བདེ་བས་ལུས་དེ་ཉིད་མངོན་པར
280b7 རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད་ཅིང་། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དབེན་པ་ལས་སྐྱེས་པའི་དགའ་བ་དང་བདེ་བས་ཁྱབ་པར་མ་གྱུར་པ་དང་། ཁྱབ་པར་བྱ།
280b8 བ་ཆུང་ཟད་ཀྱང་མེད་དོ།། འདི་ལྟ་སྟེ། དཔེར་ན་ཁྲུས་མཁན་ནམ། ཁྲུས་མཁན་གྱི་སློབ་མ་མཁས་པ་ཞིག་གིས། ཁྲུས་ཆལ་ཞིབ་མོ་དག་ཁར་ཕོར་རམ། གཞོང་བུའམ། ཉ་ཕྱིས་སུ་བླུགས་ཏེ། ཆུས་བཏབ་ཅིང་མཉེས་ན།
iiif viewer powered by OpenSeadragon
