| e-texts navigator |
| Wylie |
280a1 བདེས་ལུས་ཀྱི་ཐམས་ཅད་ཡང་དག་པར་མྱོང་ཞིང་དྲན་པ་དང་ཤེས་བཞིན་གྱིས་ལན་མང་དུ་གནས་སོ། ། ང་གནས་པ་འདིས་གནས་པ་ན་དགའ་བ་དང་། ཤིན་ཏུ་སྦྱངས་པ་དང་། བདེ་བ་དང་། ཏིང་ངེ་འཛིན་སྐྱེས་ཏེ།
280a2 ང་ཏིང་ངེ་འཛིན་དེས་ལུས་ཀྱི་ཐམས་ཅད་ཡང་དག་པར་མྱོང་ཞིང་དྲན་པ་དང་ཤེས་བཞིན་གྱིས་ལན་མང་དུ་གནས་སོ།། ང་གནས་པ་འདིས་གནས་པ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་སྙེན་མ་དག་ཉེ་བར
280a3 ལྤགས་པར་གྱུར་ནས། ང་དེ་ལ་གཞོལ་བ་དང་། དེ་ལ་འབབ་པ་དང་། དེ་ལ་བབ་པའི་སེམས་ཀྱིས་དེ་དག་ལ་འདི་ལྟ་སྟེ། བརྩོན་འགྲུས་སུ་རུང་བར་བྱ་བའི་ཕྱིར་ཕན་ཚུན་ཀུན་དགའ་བར་གཏམ་འདྲེ་བར་སྨྲ། ཕེབས་པར
280a4 སྨྲ་ཞིང་ཆོས་ཀྱི་གཏམ་ཡང་ཟེར་རོ། ། ཀུན་དགའ་བོ་དེ་ལྟ་བས་ན་དགེ་སློང་ཡང་ཀྱེ་མ་བདག་ཕྱི་སྟོང་པ་ཉིད་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་བྱའོ་ཞེས་འདོད་པར་གྱུར་ན། ཀུན་དགའ་བོ
280a5 དགེ་སློང་དེས་སེམས་ནང་ཁོ་ནར་བཞག་པར་བྱ། ། ཡང་དག་པར་བཞག་པར་བྱ། བསྡུས་ཏེ་བཞག་པར་བྱ། ཉེ་བར་བཞག་པར་བྱ། དུལ་བར་བྱ། ཞི་བར་བྱ། ཉེ་བར་ཞི་བར་བྱ། རྒྱུད་གཅིག་ཏུ་བྱ་ཞིང་ཏིང་ངེ་འཛིན་དུ་བྱའོ།
280a6 ཀུན་དགའ་བོ་དགེ་སློང་གང་འདི་སྐད་ཅེས། བདག་གིས་སེམས་ནང་ཁོ་ནར་མ་བཞག། ཡང་དག་པར་མ་བཞག། བསྡུས་ཏེ་མ་བཞག། ཉེ་བར་མ་བཞག། དུལ་བར་མ་བྱས། ཞི་བར་མ་བྱས། ཉེ་བར་མ་བྱས། ཉེ་བར་ཞི་བར
280a7 མབྱས། རྒྱུད་གཅིག་ཏུ་མ་བྱས་ཤིང་། ཏིང་ངེ་འཛིན་དུ་མ་བྱས་པར་ཕྱི་སྟོང་པ་ཉིད་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་བྱའོ།། ཞེས་ཟེར་ན། ཀུན་དགའ་བོ་དེ་ནི་རྣམ་པར་འཁྲུལ་པ་ཡིན་པར
280a8 རིག་པར་བྱའོ། ། དེ་ཅིའི་ཕྱིར་ཞེ་ན། ཀུན་དགའ་བོ་དེ་ནི་གནས་མ་ཡིན་ཞིང་སྐབས་མ་ཡིན་ཏེ། གང་སེམས་ནང་ཁོ་ནར་མ་བཞག། ཡང་དག་པར་མ་བཞག། བསྡུས་ཏེ་མ་བཞག། ཉེ་བར་མ་བཞག། དུལ་བར་མ
iiif viewer powered by OpenSeadragon
