| e-texts navigator |
| Wylie |
278b1 སེར་སྐྱའི་གནས་ན་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། ། དེ་ནས་བཅོམ་ལྡན་འདས་སྔ་དྲོ་ཤམ་ཐབས་དང་ཆོས་གོས་གསོལ་ཏེ། ལྷུང་བཟེད་བསྡམས་ནས་གསོད་སྙོམས་ཀྱི་ཕྱིར་སེར་སྐྱའི་གནས་སུ་ཞུགས་སོ།། སེར་སྐྱའི
278b2 གནས་ནས་བསོད་སྙོམས་བཞེས་ཏེ། ཞལ་ཟས་ཀྱི་བྱ་བ་མཛད་ཅིང་། ཟས་ཕྱིས་ལེན་པའི་ཞལ་ཟས་སྤངས་ནས། ལྷུང་ཟེད་དང་ཆོས་གོས་བཞག་སྟེ། ཞབས་བསིལ་ནས་ཤཱཀྱ་དུས་བདེའི་གཙུག་ལག་ཁང་ག་ལ་བ་དེར་གཤེགས་སོ།།
278b3 དེའི་ཚེ་ན་དགེ་སློང་རབ་ཏུ་མང་པོ་དག་གིས་ཤཱཀྱ་དུས་བདེ་བའི་གཙུག་ལག་ཁང་དུ་བླ་གབ་མེད་པར་སྟན་རབ་ཏུ་མང་པོ་དག་བཏིང་སྟེ་དོང་ངོ་།། དེ་ནས་བཅོམ་ལྡན་འདས་གཙུག་ལག་ཁང་གི་ཕྱི་རོལ་དུ་ཞབས་བསིལ་ནས་ནང་དུ
278b4 ཡང་དག་འཇོག་གི་སླད་དུ་གཙུག་ལག་ཁང་དུ་བཞུགས་སོ། ། དེ་ནས་བཅོམ་ལྡན་འདས་ཕྱེ་མ་རེད་ནང་དུ་ཡང་དག་འཇོག་ལས་བཞེངས་ནས་ཤཱཀྱ་ལྷག་པ་རིའི་གཙུག་ལག་ཁང་ག་ལ་བ་དེར་གཤེགས་སོ།། དེའི་ཚེ་ན་ཚེ་དང
278b5 ལྡན་པ་ཀུན་དགའ་བོ་དགེ་སློང་རབ་ཏུ་མང་པོ་དག་དང་ལྷན་ཅིག་ཏུ་ཤཱཀྱ་ལྷག་པའི་རིའི་གཙུག་ལག་ཁང་དུ་འདི་ལྟ་སྟེ། ཆོས་གོས་ཀྱི་ལས་ལ་འདུས་ཏེ་འདུག་པར་འགྱུར་ཏོ།། ཚེ་དང་ལྡན་པ་ཀུན་དགའ་བོས་རྒྱང་རིང་པོ་ནས
278b6 བཅོམ་ལྡན་འདས་མཐོང་ངོ་། ། མཐོང་ནས་ཀྱང་སྟན་ལས་ལངས་ཏེ་བཅོམ་ལྡན་འདས་ཀྱི་གདན་བཤམས་ནས་འདི་སྐད་ཅེས་ཀྱང་གསོལ་ཏོ།། བཅོམ་ལྡན་འདས་ཚུར་གཤེགས་སུ་གསོལ།། བཅོམ་ལྡན་འདས་ལེགས་པར
278b7 གཤེགས་ལགས་སོ། ། བཅོམ་ལྡན་འདས་གདན་བཤམས་པ་འདི་ལ་བཞུགས་སུ་གསོལ།། བཅོམ་ལྡན་འདས་གདན་ལ་བཞུགས་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་རབ་ཏུ་མར
278b8 བོ་དག་གིས་ཤཱཀྱ་དུས་བདེའི་གཙུག་ལག་ཁང་དུ་བླ་གབ་མེད་པར་སྟན་རབ་ཏུ་མང་པོ་དག་བཏིང་སྟེ་དོང་ངོ་། ། གསོལ་པ། བཅོམ་ལྡན་འདས་ཆོས་གོས་སྩལ་པའི་དུས་ལགས་སོ།། བདེ་བར་གཤེགས་པ་ཆོས་གོས
iiif viewer powered by OpenSeadragon
