| e-texts navigator |
| Wylie |
275a1 རྟ་དང་། བ.ལང་དང་། སུག་དང་། ཕྱགག་དང་། བགགས་སང་ནང་ན་དང་། འབྲུ་དང་། འགྲོན་བུ་དང་། གསང་བྱས་སྟོང་ལ། བྲན་དང་། བྲན་མོ་དང་ལས་བྱེད་པ་དང་། ནོ་ཤས་འཚེ་བ་དག་དང་། སྐྱེས་པ་དང་། བུད་མེད་དང་།
275a2 ཁྱེའུ་དང་། བུ་མོ་དག་གིས་སྟོང་ཡང་འདི་ན་འདི་ལྟ་སྟེ། དགེ་སློང་གི་དགེ་འདུན་ཁོ་ནའམ། དེ་ལས་ཁ་ཅིག་ལ་བརྟེན་ནས་མི་སྟོང་པ་ཡང་ཡོད་དོ།། ཀུན་དགའ་བོ་དེ་བཞིན་དུ་གང་ལ་གང་མེད་པ་དེ་དེས་སྟོང་ངོ་ཞེས་བྱ་བར་ཡང་དག་པར
275a3 རྗེས་སུ་མཐོང་ཡང་། དེ་ལ་ལྷག་མ་གང་ཡོད་པ་དེ་དེ་ལ་ཡོད་དོ་ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། ཀུན་དགའ་བོ་སྟོང་པ་ཉིད་ལ་འཇུག་པ་འདི་ནི་ཡང་དག་པ་ཇི་ལྟ་བ་བཞིན་ཏེ་བྱིན་ཅི་མ་ལོག་པ་ཡིན་ནོ།། ཀུན་དགའ
275a4 བོ་དེ་ལྟ་བས་ན་དགེ་སློང་ཡང་ཀྱེ་མ་བདག་སྟོང་པ་ཉིད་ཀྱིས་ལན་མང་དུ་གནས་པར་བྱའོ། ། ཞེས་འདོད་པར་གྱུར་ན། ཀུན་དགའ་བོ་དགེ་སློང་དེས་གྲོང་དུ་འདུ་ཤེས་པ་དང་། མིར་འདུ་ཤེས་པ་ཡིད་ལ་མི་བྱ་བར་དགོན་པར་འདུ་ཤེས་པ་འམ།
275a5 དེ་ལས་ཁ་ཅིག་ཡིད་ལ་བྱའོ།། དེ་འདི་སྙམ་དུ་སེམས་ཏེ་འདུ་ཤེས་ཀྱི་རྣམ་པ་འདི་ལྟ་སྟེ། གྲོང་དུ་འདུ་ཤེས་པ་དང་། མིར་འདུ་ཤེས་པས་སྟོང་ཡང་འདི་ལ་འདི་ལྟ་སྟེ། དགོན་པར་འདུ་ཤེས་པ་ཁོ་ནའམ། དེ་ལས་ཁ་ཅིག་ལ་བརྟེན་ནས
275a6 མི་སྟོང་པ་ཡང་ཡོད་དོ་སྙམ་མོ། ། དེ་ལ་གྲོང་དུ་འདུ་ཤེས་པ་དང་། མིར་འདུ་ཤེས་པ་ལ་བརྟེན་པ་ཉོན་མོངས་པའི་གནས་གང་དག་ཡིན་པ་དེ་དག་མེད་ཀྱང་དེ་ལ་འདི་ལྟ་སྟེ། དགོན་པར་འདུ་ཤེས་པ་ཁོ་ནའམ་དེ་ལས་ཁ་ཅིག་བརྟེན
275a7 པ་ཙམ་གྱི་ཉོན་མོངས་པའི་གནས་ནི་ཡོད་དོ། ། ཀུན་དགའ་བོ་དེ་ལྟ་བས་ན་གང་ལ་གང་མེད་པས་དེ་དེས་སྟོང་ངོ་ཞེས་བྱ་བར་ཡང་དག་པར་རྗེས་སུ་མཐོང་ཡང་། དེ་ལ་ལྷག་མ་གང་ཡོད་པ་དེ་ལ་ཡོད་དོ་ཞེས་བྱ་བར་ཡང་དག་པ
275a8 ཇི་ལྟ་བ་བཞིན་ཏུ་རབ་ཏུ་ཤེས་ཏེ། ཀུན་དགའ་བོ་སྟོང་པ་ཉིད་ལ་འཇུག་པ་འདི་ནི་ཡང་དག་པ་ཇི་ལྟ་བ་བཞིན་ཏེ། ཕྱིན་ཅི་མ་ལོག་པ་ཡིན་ནོ།། ཀུན་དགའ་བོ་གཞན་ཡང་དགེ་སློང་ཞིག་ཀྱེ་མ་བདག་སྟོང་པ་ཉིད་ཀྱིས་ལན
iiif viewer powered by OpenSeadragon
