| e-texts navigator |
| Wylie |
251a1 བྱས་སོ། ། དེ་ལྟར་ན་དང་པའི་གཞིར་འགྱུར་དང་། ཞུ་ཆེན་དང་། ཆག་དན་གྱི་འབྲལ་དཔྱད་པ་དང་། ཞུ་རླུང་དང་། ཡང་འབྲལ་དཔྱད་པ་དང་ལྔར་ཞུས་གང་བཏུགས་ཏེ་གཏན་ལ་ཕབ་པའོ།། དམ་ཆོས
251a2 སྡེ་རིན་ཆེན་ཐེག་པ་ཀུན་གྱི་གཞི་དང་རྩ་བ་བཅུད་དུ་གྱུར་པའི་ཐེག་ཆེན་དྲན་གཞག་འདི། ལེགས་སྒྲར་དངོས་དང་དེའི་གྲོགས་བྱེད་ཐམས་ཅད་དང་ནི་ནམ་མཁའི་མཐས་བཏུགས་འགྲོ་ཀུན་དགེ་བ་དྲི་མེད་ཀྱིས་སྲིད་ན
251a3 བདེ་སྦྱིན་སྐྱབས་གནས་རྫོགས་པའི་བྱང་ཆུབ་འབྲས་ལྡན་ས་ཡི་གནས་སྐབས་སྔོན་ཤིང་ལ་མིང་བ་ཕུན་ཚོགས་ཤེག། ། རྒྱ་གར་སྐད་དུ། མཱ་ཡཱ་ཛྭ་ལན་ནཱ་མ་མ་ཧཱ་སྱཱ་ཏཱ་མ། བོད་སྐད་དུ། @
251a4 ཆེན་པོ་རྒྱུ་མའི་དྲ་བ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས
251a5 སྦྱིན་གྱི་ཀུན་དགའ་ར་བ་ན་བཞུགས་སོ། ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷག་པའི་ཚུལ་ཁྲིམས་ཀྱི་བསླབ་པ་ཡོད་ལ། ལྷག་པའི་སེམས་མེད་ཅིང་ལྷག་པའི་ཤེས
251a6 རབ་མེད་པ་དང་། ལྷག་པའི་ཚུལ་ཁྲིམས་དང་། ལྷག་པའི་སེམས་ཀྱི་བསླབ་པ་ཡོད་ལ། ལྷག་པའི་ཤེས་རབ་མེད་པ་ཡང་ཡོད་དེ། འཕགས་པ་ཉན་ཐོས་ལྷག་པའི་ཤེས་རབ་ལ་བརྩོན་པའི་རྗེས་སུ་སྦྱོར་བ་ལ་གནས་ན
251a7 ལྷག་པའི་ཚུལ་ཁྲིམས་དང་། ལྷག་པའི་སེམས་ཀྱི་བསླབ་པའི་བསྒོམ་པ་ཡོངས་སུ་རྫོགས་པར་འགྱུར་ཏེ། དགེ་སློང་དག་དེ་ལྟར་ན། འདི་ལ་འཕགས་པ་ཉན་ཐོས་ལྷག་པའི་ཤེས་རབ་ལ་སྦྱོར་བར་རྗེས་སུ་ཞུགས་པ
251a8 ལ་གནས་པ་ནི་ཤེས་རབ་ཀྱི་མཚེ་བ་རྣམས་ཀྱི་ནང་ན་བླ་ན་མེད་པས་འཚོ་བ་ཡིན་ནོ། ། དགེ་སློང་དག་ཇི་ལྟར་ན་འཕགས་པ་ཉན་ཐོས་ལྷག་པའི་ཤེས་རབ་ལ་སྦྱོར་བར་རྗེས་སུ་ཞུགས་པ་ལ་གནས་པ། ཤེས་རབ་ཀྱི་འཚ
iiif viewer powered by OpenSeadragon
