| e-texts navigator |
| Wylie |
60b1 བཅོམ་ལྡན་འདས་ལ་བྱང་ཆུབ་སེམས་དཔའ་སའི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་སྐུ་གསུམ་གྱི་བཤད་པ་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སམ
60b2 སྙིང་པོ་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པའི་སྐུ་གསུམ་ནི་འདི་ལྟར་བལྟ་བར་བྱའོ།། ཆོས་ཀྱི་སྐུ་ནི་དེ་བཞིན་གཤེགས་པའི་ངོ་གང་ལ་བལྟ་བར་བྱའོ།། ལོངས་སྤྱོད་རྫོགས་པའི་སྐུ་ནི་བྱང་ཆུབ
60b3 སེམས་དཔའི་ངོ་གང་ལ་བལྟ་བར་བྱའོ། ། སྤྲུལ་པའི་སྐུ་ནི་མོས་པས་སྤྱོད་པའི་སོ་སོ་སྐྱེ་བོའི་དོ་གང་ལ་བལྟ་བར་བྱའོ།། རིགས་ཀྱི་བུ་ཆོས་ཀྱི་སྐུ་ནི་སངས་རྒྱས་ཐམས་ཅད་དང་རང་བཞིན་མཐུན་པར་གནས་སོ།།
60b4 ལོངས་སྤྱོད་རྫོགས་པའི་སྐུ་ནི་སངས་རྒྱས་ཐམས་ཅད་དང་ཏིང་ངེ་འཛིན་མཐུན་པར་གནས་སོ།། སྤྲུལ་པའི་སྐུ་ནི་སངས་རྒྱས་ཐམས་ཅད་དང་འཕྲིན་ལས་མཐུན་པར་གནས་སོ།། རིགས་ཀྱི་བུ་ཀུན་གཞི་གནས་སུ
60b5 དག་པ་ནི་མེ་ལོང་ལྟ་བུའི་ཡོ་ཤེས་ཏེ་ཆོས་ཀྱི་སྐུའོ། ། ཉོན་མོངས་པའི་ཡིད་གནས་སུ་དག་པ་ནི་མཉམ་པ་ཉིད་ཀྱི་ཡེ་ཤེས་སོ།། ཡིད་ཀྱི་རྣམ་པར་ཤེས་པ་གནས་སུ་དག་པ་ནི་སོ་སོར་ཀུན་ཏུ་རྟོག་པའི་ཡེ་ཤེས་ཏེ།
60b6 ལོངས་སྤྱོད་རྫོགས་པའི་སྐུའོ།། སྒོ་ལྔའི་རྣམ་པར་ཤེས་པ་གནས་སུ་དག་པ་ནི་བྱ་བ་གྲུབ་པའི་ཡེ་ཤེས་ཏེ་སྤྲུལ་པའི་སྐུའོ།། དེ་ནས་བྱང་ཆུབ་སེམས་དཔའ་སའི་སྙིང་པོས་བཅོམ་ལྡན་འདས་ལ་འདི་སྐད་ཅེས
60b7 གསོལ་ཏོ། ། བཅོམ་ལྡན་འདས་བདག་གིས་བཅོམ་ལྡན་འདས་ལ་དམ་པའི་ཆོས་ཐོས་པ་ནི་རབ་ཏུ་ལེགས་སོ།། བདེ་བར་གཤེགས་པ་རབ་ཏུ་ལེགས་སོ།། བཅོམ་ལྡན་འདས་ཀྱིས་བ། འསྩལ་པ།
60b8 རིགས་ཀྱི་བུ་བཅོམ་ལྡན་འདས་ལ་ཁྱོད་ཀྱིས་ཐོས་པའི་ཆོས་ཀྱི་རྣམ་གྲངས་འདི་གང་གིས་རབ་ཏུ་འཛིན་པ་དས་བསོད་ནམས་ཚད་མད་བརྗོད་དུ་མེད་གྲངས་མེད་ཅིང་དཔག་ཏུ་མེད་པ་འཐོབ་བོ།། བཅོམ་ལྡན་ད
iiif viewer powered by OpenSeadragon
