| e-texts navigator |
| Wylie |
60a1 བྱ་བ་ནི་བྱས་སོ།། འདི་ལས་སྲིད་པ་གཞན་མི་ཤེས་སོ་ཞེས་ཡང་དག་པ་ཁོ་ནར་ཤེས་པར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ་བཅོམ་ལྡན་འདས
60a2 ཀྱིས་གསུངས་པ་ལ་མངོན་པར་བསྟོད་དོ། ། བསླབ་པ་གསུམ་གྱི་མདོ་རྫོགས་སོ།། །། རྒྱ་གར་སྐད་དུ། ཨཱརྱ་ཀཱ་ཡ་ཏྲཱ~ཾ་ནཱ་མ་ས་ནཱ་ཡཱན་སཱུཿ། བོད་སྐད་དུ། འཕགས་པ་སྐུ་གསུམ་ཞེས་བྱ་བ་ཟག
60a3 པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་བཞུགས་སོ
60a4 བྱང་ཆུབ་སེམས་དཔའ་ཚད་མེད་གྲངས་མེད་པ་དང་། ལྷ་དང་། ཀླུ་དང་། འཁོར་ཐམས་ཅད་དང་ཐབས་གཅིག་ཏུ་བཞུགས་ཏེ། བཅོམ་ལྡན་འདས་ལ་བཀུར་སྟིར་བགྱིད་ཅིང་མཆོད་དོ།། དེའི་ཚེ་ལ་བོར་དེར་བྱང་ཆུབ
60a5 སེམས་དཔའ་སའི་སྙིང་པོ་འདུག་པ་སྟན་ལས་ལངས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ལ་སྐུ་དུ་མངའ། བཅོམ་ལྡན་འདས་ཀྱིས་བཀའ་སྩལ་པ། སའི་སྙིང་པོ་བཅོམ་ལྡན
60a6 འདས་དེ་བཞིན་གཤེགས་པ་ལ་སྐུ་གསུམ་མངའ་སྟེ། ཆོས་ཀྱི་སྐུ་དང་། ལོངས་སྤྱོད་རྫོགས་པའི་སྐུ་དང་། སྤྲུལ་པའི་སྐུའོ།། རིགས་ཀྱི་བུ་དེ་བཞིན་གཤེགས་པའི་སྐུ་གསུམ་ནི་རང་བཞིན་རྣམ་པར་དག་པ་ནི་ཆོས
60a7 ཀྱི་སྐུའོ། ། ཏིང་ངེ་འཛིན་རྣམ་པར་དག་པ་ནི་ལོངས་སྤྱོད་རྫོགས་པའི་སྐུའོ།། སྤྱོད་པ་རྣམ་པར་དག་པ་ནི་སངས་རྒྱས་ཐམས་ཅད་ཀྱི་སྤྲུལ་པའི་སྐུའོ།། རིགས་ཀྱི་བུ་དེ་བཞིན་གཤེགས་པའི་ཆོས་ཀྱི་སྐུ་ནི་ནམ
60a8 མཁའ་ལྟར་རང་བཞིན་མེད་པའི་དོན་ནོ། ། ལོངས་སྤྱོད་རྫོགས་པའི་སུ་ནི་སྤྲིན་ལྟར་འབྱུང་བའི་དོན་ནོ།། སྤྲུལ་པའི་སྐུ་ནི་སངས་རྒྱས་ཐམས་ཅད་ཀྱི་འཕྲིན་ལས་ཏེ། ཆར་པ་ལྟ་བུ་སྟེ་ཐམས་ཅད་འདས་པའི་དོན་ནོ།།
iiif viewer powered by OpenSeadragon
