| e-texts navigator |
| Wylie |
55a1 འགྱུར་ཞིང་སྡིག་པ་ཅན་གྱི་རྨི་ལམ་རྨི་པར་མི་འགྱུར་ཏེ། དེ་གཉིད་ཀྱིས་ལོག་པ་ན་ཡང་ལྡ་རྣམས་བསྲུང་བར་འགྱུར་རོ།། ཤཱ་རིའི་བུ་རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར
55a2 ཟ་ཧུགས་པ་གང་ལ་ལ་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་བརྗོད་ནས་མཚན་མོ་ཐོ་རངས་འཇིག་རྟེན་པའི་བྱ་བ་རྣམས་རྩོལ་ན་འཕེལ་བ
55a3 ཉིད་དུ་འགྱུར་གྱི་འགྲིབ་པར་མི་འགྱུར་རོ། ། ཤཱ་རིའི་བུ་རིགས་ཀྱི་བུ་འམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་ལ་ལ་ཞིག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
55a4 པའི་སངས་རྒྱས་དེ་དག་གི་མཚན་ཐོས་ནས་ལེན་ཅིང་འཛིན་ལ་ཀློག་ཅིང་ཀུན་ཆུབ་པར་བྱེད་དེ། འཇུག་པར་བྱེད་ཅིང་གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ན། དེ་འདི་ནས་བཟུང་སྟེ། བྱང་ཆུབ་ཀྱི
55a5 བར་དུ་ནམ་ཡང་མངོན་པར་ཤེས་པ་དང་བྲལ་བར་མི་འགྱུར། ནམ་ཡང་གཟུངས་དང་བྲལ་བར་མི་འགྱུར། ནམ་ཡང་དབང་པོ་མ་ཚང་བར་མི་འགྱུར། ནམ་ཡང་མཚན་དང་བྲལ་བར་མི་འགྱུར། ནམ་ཡང་ཤེས
55a6 རབ་ཤིན་དུ་རྒྱས་པ་དང་བྲལ་བར་མི་འགྱུར། ནམ་ཡང་སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་དང་བྲལ་བར་མི་འགྱུར་རོ།། དེ་འདི་ནས་བཟུང་སྟེ། བྱང་ཆུབ་ཀྱི་བར་དུ
55a7 ནམ་ཡང་ཤེས་རབ་ཕུན་སུམ་ཚོགས་པ་ཤིན་ཏུ་རྒྱས་པ་དང་བྲལ་བར་མི་འགྱུར་རོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན
55a8 ཡང་འདི་སྐད་ཅེས་བཀའ་སྩལ་ཏོ། ། འཇིག་རྟེན་མགོན་པོ་འདི་དག་གི། མཚན་རྣམས་མི་གང་འཛིན་བྱེད་པ། དེ་ནི་ངན་འགྲོ་ཀུན་ཟློག་ནས།། རིང་པོ་མི་ཐོགས་བདེ་འགྲོར་འགྲོ།། རྫོགས་པའི་སངས་རྒྱས
iiif viewer powered by OpenSeadragon
