| e-texts navigator |
| Wylie |
50b1 ཐམས་ཅད་ཉམས་སུ་མྱོང་བར་བྱེད་ཀྱང་སྲིད་པ་གསུམ་དུ་འདོད་པ་དང་། ཉོན་མོངས་པ་དང་། སྡུག་བསྔལ་རྣམས་ཀྱིས་ཟིལ་གྱིས་མི་ནོན་པར་བརྗོད་པར་བྱའོ།། རིགས་ཀྱི་བུ་འདི་ལྟ་སྟེ། དཔེར་ན་སེམས་ཅན་གྱི་རིས་ཉ་བ་ནས
50b2 བ་ཡོད་དོ། ། དེ་ནི་ཚུལ་སྤྱོད་ཚུལ་བལྟ་ཡང་དེར་འཆི་བའི་དུས་བྱེད་པར་མི་འགྱུར་རོ།། རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་བ་ན་སྤྱོད་ཀྱང་དེ་ཉིད་དུ་བྱིས་པའི་སྤྱོད་པ་ལ་གནས
50b3 ནས་ཡེ་ཤེས་ཀྱི་སྤྱོད་པ་ཚལ་ལོ། ། ཆོས་ཡང་དག་པར་བླངས་པས་ཀྱང་རྨོངས་པར་མི་འགྱུར་རོ།། བྱིས་པ་དང་ལྷན་ཅིག་ཏུ་གནས་པས་སྲིད་པ་གསུམ་གྱི་སྡུག་བསྔལ་ཉམས་སུ་མྱོང་བར་ཡང་མི་འགྱུར་རོ།། དེ་བས
50b4 ན་བྱང་ཆུབ་སེམས་དཔའ་སེམས་དཔའ་ཆེན་པོས་བདག་བསྲུང་བར་བྱའོ། ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ།། བདེ་བར་གཤེགས་པ་གང་ཞིག་མཆོད་བྱ་དང་།། དེ་ལ།
50b5 གང་ཞིག་ཕྱག་ཀྱང་འཚལ་འདོད་པ།། དེས་འདིར་བདེ་གཤེགས་སྲས་རྣམས་མཆོད་པར་བྱ།། འདི་ནི་རྒྱལ་བ་རྣམས་ལ་མཆོད་པ་མཆོག། ང་ཡི་གོས་དང་ལྷུང་བཟེད་གདིང་བ་དང་།། མལ་ཆ་དང་ནི་འཆགས་གང
50b6 ཡིན་པ། ། གང་དག་བྱང་ཆུབ་དོན་དུ་བརྩོན་བྱེད་པ།། དེ་དག་ལ་ནི་ང་ཡིས་གནང་བ་ཡིན།། འདི་ལྟར་མི་མཆོག་སངས་རྒྱས་ཐམས་ཅད་ཀྱང་།། དེ་ལས་ངེས་པར་ཤིན་ཏུ་བྱུང་བའི་ཕྱིར།། སངས་རྒྱས་རྣམས་ལ་ཇི་ལྟར
50b7 མཆོད་བྱ་བ། ། དེ་བཞིན་དེ་དག་ལ་ཡང་མཆོད་པར་བྱ།། དེ་དང་དེ་དག་མགོན་དང་མཁས་པ་སྟེ།། ལོང་བ་རྣམས་ལ་མིག་ཀྱང་སྦྱིན་པར་བྱེད།། ལམ་ལ་རྨོངས་པ་རྣམས་ཀྱི་སྟོན་པ་སྟེ།། འཆི་བ་མེད་པའི་ཕྱོགས་སུ་འདྲེན
50b8 པ་ཡིན། ། གལ་ཏེ་སེམས་ཅན་རྣམས་ཀྱིས་དེ་དག་ལ།། རྟག་ཏུ་དགའ་བས་ལོངས་སྤྱོད་ཀུན་བྱིན་ཡང་།། དེ་དག་རྣམས་ཀྱི་དང་པོའི་སེམས་བརྟེན་པ།། དེ་ལའང་ལན་གླན་བྱས་པར་མི་འགྱུར་རོ།། དེ་ནས་བཅོམ
iiif viewer powered by OpenSeadragon
