| e-texts navigator |
| Wylie |
99b1 གང་དག་སྔོན་ན་ཕ་རོལ་བྱིན།། སྤྱོད་པ་སྤྱོད་ཅིང་སྤྱོད་འགྱུར་བ།། དེ་དག་ཉན་ཐོས་ཆོས་རྣམས་ལ།། ནམ་ཡང་དགའ་བར་མི་བྱ་སྟེ།། སངས་རྒྱས་ཆོས་ལས་ཉམས་འགྱུར་བའི།། ལྟུང་བ་གཉིས་པ་གཞན་མེད་དེ། དེ་ནི་ཡང་དང་ཡང་དུ
99b2 ཡང་། གཉི་གར་སེམས་ནི་འཇུག་པ་ཡིནི།། ཁྲོ་དང་ཉན་ཐོས་ཆོས་རྣམས་དང་།། རྐྱེན་གྱི་བྱང་ཆུབ་འཇུག་པ་ཡིན།། ཆོས་གསུམ་རྣམ་པར་སྤངས་པས་ན།། སངས་རྒྱས་ཆོས་རྣམས་རྫོགས་པར་འགྱུར།། སྐྱེ་གནས་བཞི་ལྡན་སེམ
99b3 ཅན་འདི། ། སངས་རྒྱས་ཞིང་འདིར་ལྷགས་པ་དག། ཐམས་ཅད་འདོད་པ་རྟེན་མི་བྱེད།། ཐམས་ཅད་མི་སྡུག་ཐོབ་པ་ཡིན།། འདི་ན་སེམས་ཅན་མཁས་པ་གང་།། བྱང་ཆུབ་མཆོག་གི་ཕྱིར་ཞུགས་ཤིང་།། གང་བློ་གཟུངས་དང་བཟོད་པ
99b4 ལ། ། བརྩོན་ཞིང་ལེགས་པར་གོམས་བྱས་ལ།། དབང་པོ་དྲུག་གི་སྒོ་བསྡམས་ཤིང།། དཀྱིལ་མོ་དཀྲུང་གིས་དྲན་བཞག་ནས།། རང་གི་སྤྱོད་ཡུལ་ས་ནོན་པ།། ཕྱི་མའི་དུས་ཀྱི་དེ་བཞིན་གཤེགས།། ནོར་བདུན་རབ་ཏུ་རྫོགས་པའང་ཡིན།།
99b5 འདིར་ནི་མི་སྡུག་ཚུལ་བཤད་ན།། ཀུན་བཞི་གང་ཡིན་སེམས་ཅན་གྱི།། འཆིང་བ་བརྟན་པ་འདིར་བཤད་འགྱུར།། ངས་ནི་ཆོས་ཀྱི་སར་སྣ་སྤངས།། སེམས་ཅན་སྲུང་ཕྱིར་མ་བཤད་དེ།། བྱང་ཆུབ་ཕྱིར་སེམས་འདིར་མ་བཏང་།། ཕྱོག
99b6 བཅུའི་སངས་རྒྱས་དེ་དག་གིས། ། ཆོས་འདི་ཡུན་རིང་གནས་བྱ་ཞེས།། ས་འདི་ཡོངས་སུ་སྤྱད་མཛད་ཅིང་།། ས་འདི་བྱིན་གྱིས་བརླབས་པ་ཡིན།། དེ་བཞིན་དུ་ནི་ཁྱོད་ཀྱིས་ཀྱང་།། ཞིང་འདི་ལ་ནི་བརྩེ་བར་བྱོས།།
99b7 དེ་བཞིན་བཟོད་པ་དག་གིས་རྩེས།། བསྡམ་ནས་ཡུན་རིང་གནས་པར་བྱོས།། ཉན་ཐོས་ཐེག་པ་ངས་བཤད་དེ།། སེམས་ཅན་ཆགས་ལས་ཐར་བྱ་ཞིང་།། ཕུང་པོ་དག་དང་ཁམས་རྣམས་དང་།། སྐྱེ་མཆེད་སྟོང་པ་ངས
99b8 བཤད་དེ། ། ཞི་གནས་རྣམ་པ་བཅུ་གསུམ་དང་།། ལྷག་མཐོང་ང་ཡི་བཤད་བྱ་སྟེ།། འདོད་པའི་འཆིང་བས་དམ་བཅིངས་པའི།། སེམས་ཅན་དེ་ཡིས་རྣམ་དག་འགྱུར།། སེམས་ཅན་རྣམས་ལ་སྙིང་བརྩེབས།། ཉན
iiif viewer powered by OpenSeadragon
