| e-texts navigator |
| Wylie |
324a1 གདོན་མི་ཟ་བར་འགྱུར་བ་ད་ལྟར་ཆོས་བཤད་དོ། ། གང་རྟ་ལྔ་བརྒྱ་པ་དེ་དག་འདུལ་ཞིང་འཚེ་བར་གྱུར་པ་དེ་ཡང་དེ་བཞིན་གཤེགས་པས་སེམས་ཤིན་ཏུ་དུལ་བ་ཞེས་བྱ་བའི་རང་སངས་རྒྱས་སུ་ལུང་བསྟན་ཏོ།། ཡང
324a2 རིགས་ཀྱི་བུ་དེ་བཞིན་གཤེགས་པའི་ཞལ་ཟས་ནི་མཆོག་ཏུ་མི་འགྱུར་བ་ཆུང་ཟད་ཀྱང་མེད། རིགས་ཀྱི་བུ་གལ་ཏེ་བོང་བ་དང་། གསེག་མ་དང་གྱོ་མོ་གསོལ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་དེ་འདྲ་བའི་རོ་བྲོ
324a3 བ་མཆོག་མེད་དེ། གང་བོད་པ་དང་། གསེག་མ་དང་། གྱོ་མོ་ལས་གྱུར་པ་དེ་འདྲ་བར་རོའི་མཆོག་ཏུ་འགྱུར་བ་དེ་ལྟ་བུའང་མེད་དེ། དེ་ཅིའི་ཕྱིར་ཞེ་ན། དེ་ལྟར་དེས་ན་རོ་བྲོ་བའི་མཆོག་ཅེས་བྱ་བའི་སྐྱེས་བུ་ཆེན་པོའི་མཚན
324a4 ཐོབ་པའི་ཕྱིར་རོ། ། རིགས་ཀྱི་བུ་རྣམ་གྲངས་དེས་ཀྱང་དེ་བཞིན་གཤེགས་པའི་ཞལ་ཟས་ཐམས་ཅད་མཆོག་ཡིན་པར་ཤེས་པར་བྱའོ།། རིགས་ཀྱི་བུ་གནས་བརྟན་དགའ་བོས་དེ་བཞིན་གཤེགས་པ་ནི་འཁོར་ལོས་སྒྱུར
324a5 བའི་མིང་བོར་ཏེ་ནས་གསོལ་བར་གྱུར་ཏོ། ། ཞེས་སྙིང་རྗེ་བར་གྱུར་པ་དང་། དེ་བཞིན་གཤེགས་པས་དེའི་སེམས་ལ་རྟགས་ནས་ནས་ཀྱི་འབྲུམ་བུ་གཅིག་བྱིན་ཏེ།། དགའ་བོ་འདི་ཅིའི་རོ་ཤེས་སམ་ཞེས
324a6 བྱས་པ་དང་། དེས་ཟོས་ནས་ངོ་མཚར་ཐོབ་པར་གྱུར་ཏེ། ང་ལ་འདི་སྐད་ཅེས་སྨྲས་སོ།། བཅོམ་ལྡན་འདས་བདག་ནི་རྒྱལ་པོའི་ཕོ་བྲང་དུ་སྐྱེས། རྒྱལ་པོའི་ཕོ་བྲང་དུ་སྐྱེས་ན་འདི་ལྟ་བུ་རོ་མཆོག་སྔོན་འཚལ་མ་མྱོང་ངོ་།།
324a7 ཞེས་ཚེ་དང་ལྡན་པ་དགའ་བོས་དེའི་མཐུས་དགའ་ཞིང་བདེ་སྟེ། ཟས་མེད་པར་ཉི་མ་བདུན་འདས་སོ།། རིགས་ཀྱི་བུ་ཁྱོད་ཀྱིས་རྣམ་གྲངས་དེས་ཀྱང་དེ་བཞིན་གཤེགས་པ་ལ་ནི་གང་ན་ཡང་ལས་ཀྱི་སྒྲིབ་པ་མེད་པར་ཤེས
324a8 པར་བྱ་སྟེ། ཡང་སེམས་ཅན་གང་ཚུལ་ཁྲིམས་དང་ལྡན་པའི་དགེ་སློང་དག་འགྲོན་དུ་གཉེར་ནས་སྦྱིན་པར་མི་བྱེད་པའི་སེམས་ཅན་དག་ཇི་ལྟར་སྨྲས་པ་དེ་བཞིན་དུ་བྱེད་པར་བསྟན་པའི་ཕྱིར་ལས་ཀྱི་རྒྱུད་འདི་དག་བསྟན་ཏོ།།
iiif viewer powered by OpenSeadragon
