| e-texts navigator |
| Wylie |
30b1 བའི་ཁྱད་པར་ལ་ལྟོས། ། དེ་ཅིའི་ཕྱིར་ཞེ་ན། འདོད་པ་རྣམས་ནི་དངོས་པོ་མེད་པར་ཤེས། འདོད་པ་རྣམས་ནི་མི་གཙང་བར་ཤེས་ནས་དེ་དག་འདོད་པ་རྣམས་ཀྱིས་སྐྱོ་ཞིང་ཡིད་འབྱུང་ལ་མངོན་པར་མི་དགའ་ནས་ཚངས་པར་སྤྱད་པ
30b2 སྤྱོད་དེ། བཞིན་དང་འཕྲལ་བའི་མདངས་གསལ་བ་ཡིན་ནོ།། ཤཱ་རིའི་བུ་སྐྱེས་བུ་ངན་པ་རྣམས་ཀྱིས་ནི་སྐྱོ་བ་འམ་ཡོད་འབྱུང་བར་མི་ནུས་སོ།། དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་སྐྱེས་བུ་ངན་པ་དེ་དག་ནི་འདོད་པ་ལ་ཀུན་ཏུ
30b3 རྟོག་པ་རྣམས་ཀྱིས་ཀུན་ཏུ་རྟོག་པ་རྣམས་དང་ལྡན་པའི་ཕྱིར་རོ། ། ཤཱ་རིའི་བུ་སྐྱེས་བུ་ངན་པ་རྣམས་ཀྱི་ཀུན་ཏུ་རྟོག་པ་རྣམས་གང་ཞེ་ན། གང་དག་མེད་པ་ལ་རྟོག་པར་བྱ་སྟེ། མི་གཙང་བ་ལ་གཙང་བར་རྟོག་པར་བྱེད། འདུ་ཤེས
30b4 མེད་པ་ལ་འདུ་ཤེས་སུ་རྟོག་པར་བྱེད། བུད་མེད་ལ་བུད་མེད་དུ་རྟོག་པར་བྱེད། འདོད་ཆགས་དང་བཅས་པ་ལ་འདོད་ཆགས་དང་བཅས་པར་རྟོག་པར་བྱེད་པ་སྟེ། ཤཱ་རིའི་བུ་དེ་ལྟ་བུ་དེ་དག་ནི་སྐྱེས་བུ་ངན་པ་རྣམས་ཀྱི་ཀུན་ཏུ་རྟོག་པ་རྣམས
30b5 ཡིན་ནོ། ། ཤཱ་རིའི་བུ་དེ་དག་ནི་ཟ་མ་དང་མ་ནིང་འདོད་པས་ཟིན་པ་རྣམས་ཀྱི་ལས་རྣམས་ཡིན་ཏེ། དེ་དག་སྐྱེས་བུ་དམ་པའི་ལས་རྣམས་ནི་མ་ཡིན་ནོ།། ཤཱ་རིའི་བུ་མ་ན་དེ་གང་ལ་ལ་ཞིག་སྐྱེས་བུ་ངན་པ་རྣམས་ཀྱི་ཀུན་ཏུ་རྟོག་པ་དེ་ལྟ
30b6 བུ་དག་ལ་ཀུན་ཏུ་རྟོག་པར་བྱེད་པ་ནི་བདག་གིས་རེག་གེ་ཞེས་ཉམས་སུ་མྱོང་བར་བྱེད་དེ། དྲག་དགུའི་སྒོ་དང་ལྡན་པ་འདི་མི་གཙང་བ་འཛག་པ་འདི་ལ་གཙང་བར་འདུ་ཤེས་སྐྱེད་པར་བྱེད་དོ།། འདི་དག་ཐམས་ཅད་ནི་བྱ་བ་མ་ཡིན་པ་སྟེ།
30b7 དེ་དག་ནི་སྐྱེས་བུ་དམ་པའི་ལས་རྣམས་མ་ཡིན་ནོ།། ཤཱ་རིའི་བུ་དགེ་སྦྱོང་དམ། བྲམ་ཟེ་གང་ལ་ལ་དག་འདོད་པའི་ཉེས་དམིགས་ཡང་དག་པ་ཇི་ལྟ་བ་བཞིན་དུ་མི་ཤེས་པ་དེ་དག་ནི་བུད་མེད་ལ་ཀུན་ཏུ་རྟོག་ཅིང་མིག་ལ་མཚན་མར
30b8 འཛིན་པར་བྱེད་དེ། བཻ་དཱུརྱ་ལྟ་བུའི་འདུ་ཤེས་སུ་བྱེད་ལ་ཆུའི་དབུ་པ་བཞིན་དུ་འདུ་ཤེས་སུ་ནི་མི་བྱེད་དོ།། ཤཱ་རིའི་བུ་འདི་ལྟ་སྟེ་དཔེར་ན་བོད་མོ་འདྲངས་པ་དང་། ཕག་མོ་འབྲངས་པ་ནི་འདྲངས་པས་ལུས་སྟོངས་པར་འགྱུར་ཞིང་ལུས་ལས
iiif viewer powered by OpenSeadragon
