| e-texts navigator |
| Wylie |
302b1 རིགས་ཀྱི་བུ་བྱང་ཆུབ་སེམས་དཔའ་འོད་མད་ལྡན་གྱི་རྒྱལ་པོ་དེའི་དཔལ་དང་གཟི་བརྗིད་དང་། ཚུལ་ཁྲིམས་དང་། སྟོབས་བསྐྱེད་པ་མཐོང་བས། ཉོན་མོངས་པ་སྐྱེས་ནས་གནས་ངན་ལེན་གྱི་ཚིག་སྨྲས་ཏེ། དེ་ཅིག་པུ་ལྷག་ཏུ་སོང་ནས་གལ།
302b2 ཏེ་བྱང་ཆུབ་སེམས་དཔའ་འོད་མར་ལྡན་གྱི་རྒྱལ་པོ་བདག་དང་ལྷན་ཅིག་ཏུ་ཁྲི་ཅིག་ཏུ་འདུག་ན་བདག་གི་བླ་ན་མེད་པ་ཡ་དེ་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། སྙམ་དུ་ལྟར་སེམས་པར་གྱུར་ཏོ།། དགའ་བོ་དེ་ནས་བྱང་ཆུབ
302b3 སེམས་དཔའ་འོད་མར་ལྡན་གྱི་རྒྱལ་པོའི་སེམས་ཀྱིས་སྲིང་མོ་དེའི་སེམས་ཀྱིས་ཡོངས་སུ་རྟོག་པ་ཤེས་ནས་དེ་ཉིད་ཀྱི་ནུབ་མོ་འདས་པ་དང་། དེའི་ཁྱིམ་དུ་འོངས་ཏེ།། གང་ནང་གི་སའི་ཁམས་དང་། གང་ཕྱིའི་སའི་ཁམས་སུ་གཅིག་པའི
302b4 ཆོས་ཀྱི་སྒོས་འདྲ་བའི་སེམས་དེས་སྲེད་མོ་དེ་ལག་པ་གཡས་པ་དེས་བཟུང་སྟེ། ཁྲི་གཅིག་ལ་འདུག་གོ། འདུག་མ་ཐག་ཏུ་ཚིགས་སུ་བཅད་པ་འདི་དག་སྨྲས་སོ།། སངས་རྒྱས་འདོད་པབསྔགས་མི་མཛད།། དེ་ནི་བྱིས་པ་སྤྱོད་ཡུལ།། འད
302b5 པའི་སྲེད་པ་སྤངས་ན་ནི། སངས་རྒྱས་མི་ཡི་མཆོག་ཏུ་འགྱུར།། དགའ་བོ་དེ་ནས་སྲིང་མོ་དགའ་ཞིང་རབ་ཏུ་མགུ་བ་སྐྱེས་ནས་ཁྲི་དེ་ལས་ལངས་ཏེ། བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་རྐར་པ་ལ་ཕྱག་འཚལ་ནས་དེའི
302b6 ཚིགས་སུ་བཅད་པ་འདི་དག་སྨྲས་སོ། ། སངས་རྒྱས་ཀྱིས་ནི་གང་སྨད་པ། འདོད་པ་སྨན་བཅད་བདག་མི་འཚལ།། འདོད་པའི་སྲེད་པ་སྤངས་ན་ནི།། སངས་རྒྱས་མི་ཡི་མཆོག་ཏུ་འགྱུར། བདག་གི་སེམས་ཀྱིས་གང་བསམས་པའི།། །
302b7 ནོངས་པ་དེ་ནི་ཁྱེད་ལ་བཤགས། སྲོག་ཆགས་ཀུན་ལ་བདེ་བའི་ཕྱིར།། བྱང་ཆུབ་ཏུ་ནི་མོས་བསྐྱེད་དོ།། དགའ་བོ་འདི་ལྟ་སྟེ། བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་ཐབས་མཁས་པ་དེས་སྲིད་མོ་དེ་བླ་ན་མེད་པ་ཡང་དག་པར་རྫོགས
302b8 པའི་བྱང་ཆུབ་ལ་བསླབས་ནས་སྟན་ལས་ལངས་ཏེ་སོང་ངོ་། ། དགའ་བོ་ལྷག་པའི་བསམ་པའི་ཁྱད་པར་ལ་ལྟོས། ངས་སྲིང་མོ་དེ་ལུང་བསྟན་ཏོ།། འདི་ནས་ཤི་འཕོས་ནས་བུད་མེད་ཀྱི་ལུས་བརྗེས་ཏེ། བསྐལ་པ་གྲངས་མེད་པ་བརྒྱ
iiif viewer powered by OpenSeadragon
