| e-texts navigator |
| Wylie |
301a1 བཅོམ་ལྡན་འདས་དེ་འདྲ་བར་ཐབས་མཁས་ཏེ་སྦྱིན་པ་གང་གིས་སེམས་ཅན་གཞན་དག་འཁོར་བ་ཡོངས་སུ་ལེན་པར་བགྱིད་པའི་སྦྱིན་པ་དེ་ཉིད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཆོས
301a2 རྣམས་ལེན་པར་བགྱིད་པ་ངོ་མཚར་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ།། རིགས་ཀྱི་བུ་ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་ཐབས་མཁས་པ་ནི་སྦྱིན་པ་ཉུང་ངུ་ཡང་མང་པོར་བྱེད། སྦྱིན་པ་མང་པོ
301a3 དཔག་ཏུ་མེད་པར་བྱེད་དོ། ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་ལ་བཀའ་སྩལ་པ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་དེ་ནི་ལྟུང་བ་ལྕི་བ་ཡང
301a4 ཐབས་མཁས་པས་སྲབ་མོར་བྱེད་དོ། ། ཇི་ལྟར་སྲབ་མོར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ཐབས་མཁས་པས་ནི་ནམ་ཞིག་བརྒྱལ་ལ་ལ་ཞིག་ཏུ་སྡིག་པའི་གྲོགས་པོའི་དབང་གིས་ལྟུང་བ་བྱུང་ན་དེ་འདི་ལྟར་སློ་བ་སྟེ། ག
301a5 བདག་གི་ཕུང་པོ་འདི་དག་གིས་མྱ་ངན་ལས་འདའ་བར་བྱ་ན་ནི་དེ་ལྟར་བདག་གིས་སེམས་ཅན་ཡོངས་སུ་གདུང་བ་དང་ལྡན་པར་ཡང་འགྱུར་ན། བདག་གི་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕྱི་མའི་མཐར་ཐུག་པར་འཁོར་བ་ན
301a6 གནས་པའི་གོ་ཆ་དེ་ལྟ་བུ་བགོས་པས་བདག་གྲི་སེམས་ལ་གདུང་བཞི་མི་བྱའོ། ། བྱང་ཆུབ་ཇི་ལྟ་ཇི་ལྟར་འཁོར་བར་འགྱུར་བ་དེ་ལྟ་དེ་ལྟར་སེམས་ཅན་ཡོངས་སུ་སྨིན་པར་བྱའོ།། ལྟུང་བ་འདི་ཡང་ཆོས་བཞིན་དུ་བྱའོ།། ལྟུང་བ་གཞན་ཡང
301a7 མ་བྱུང་བར་བྱའོ་སྙམ་དུ་སེམས་སོ། ། རིགས་ཀྱི་བུ་ཡོངས་སུ་རྟག་པ་བཟུང་ན་གལ་ཏེ་རབ་ཏུ་བྱུང་བའི་བྱང་ཆུབ་སེམས་དཔའ་ལྟུང་བའི་རྩ་བ་བཞི་པོ་ཐམས་ཅད་གནས་པར་གྱུར་ཀྱང་ཐབས་མཁས་པ་འདིས་སྤྱོད་པར་བྱེད་ན། བྱང་ཆུབ
301a8 སེམས་དཔའི་ལྟུང་བར་མི་འགྱུར་བར་ངས་བཤད་དོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ལྟུང་བ་དང་བཅས་པོ་ལགས།། དེ་སད་ཅེས
iiif viewer powered by OpenSeadragon
